0 5

ಗೋವಾದಲ್ಲಿ ನಡೆಯುತ್ತಿರುವ 55ನೇ ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ (IFFI) ನಲ್ಲಿ ಮೂರು ಚಿತ್ರಗಳಾದ ಬಟ್ಟೋ ಕಾ ಬುಲ್ಬುಲೆ , ಕರ್ಕೆನ್ ಮತ್ತು ಜಿಗರ್ತಾಂಡ ಡಬಲ್ ಎಕ್ಸ್ ಪಾತ್ರವರ್ಗ ಮತ್ತು ಸಿಬ್ಬಂದಿಗಳು ಪತ್ರಿಕಾಗೋಷ್ಠಿಗಾಗಿ ಒಟ್ಟುಗೂಡಿದರು. ಚಲನಚಿತ್ರ ನಿರ್ಮಾಪಕರು ತಮ್ಮ ಸೃಜನಶೀಲ ಪ್ರಯಾಣಗಳು , ನಿರ್ಮಾಣದ ಸಮಯದಲ್ಲಿ ಅವರು ಎದುರಿಸಿದ ಸವಾಲುಗಳು ಮತ್ತು ಸಿನಿಮಾದ ಭವಿಷ್ಯದ ಬಗ್ಗೆ ತಮ್ಮ ದೃಷ್ಟಿಕೋನದ ಬಗ್ಗೆ ಮಾಹಿತಿಯನ್ನು ಹಂಚಿಕೊಂಡರು.

ಕಾರ್ಕೆನ್ - ಉತ್ಸಾಹ ಮತ್ತು ವಿಮೋಚನೆಯ ಪ್ರಯಾಣ

ಕಾರ್ಕೆನ್ ಚಿತ್ರದ ನಿರ್ದೇಶಕ ನೆಂಡಿಂಗ್ ಲೋಡರ್ ಅವರು ತಮ್ಮ ಚಿತ್ರದ ಬಗ್ಗೆ ಉತ್ಸಾಹದಿಂದ ಮಾತನಾಡಿದರು, ಇದು ಸಾಮಾಜಿಕ ನಿರೀಕ್ಷೆಗಳು ಮತ್ತು ವೈಯಕ್ತಿಕ ಬಯಕೆಯ ನಡುವಿನ ವ್ಯಕ್ತಿಯ ಆಂತರಿಕ ಸಂಘರ್ಷವನ್ನು ವಿವರಿಸುತ್ತದೆ. "ಇದು ವಿಮೋಚನೆಯ ಕಥೆ; ಇದು ನಿಮ್ಮ ಆಂತರಿಕ ಧ್ವನಿಯನ್ನು ಕಂಡುಕೊಳ್ಳುವ ಪ್ರಯಾಣದ ಬಗ್ಗೆ" ಎಂದು ಲೋಡರ್ ಹೇಳಿದರು. ಅರುಣಾಚಲ ಪ್ರದೇಶದಲ್ಲಿ ಚಿತ್ರೀಕರಣದ ಕಷ್ಟವನ್ನು ಒಪ್ಪಿಕೊಂಡ ಲೋಡರ್, ಚಲನಚಿತ್ರ ನಿರ್ಮಾಣದಲ್ಲಿ ಬೆಂಬಲ ನೀಡಿದ್ದಕ್ಕಾಗಿ ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮಕ್ಕೆ  (NFDC) ಕೃತಜ್ಞತೆ ಸಲ್ಲಿಸಿದರು. "ರಾಜ್ಯವು ನಂಬಲಾಗದ ಪ್ರತಿಭೆಯನ್ನು ಒದಗಿಸುತ್ತದೆ ಆದರೆ ಉದಯೋನ್ಮುಖ ಚಲನಚಿತ್ರ ನಿರ್ಮಾಪಕರಿಗೆ ಸಾಕಷ್ಟು ವೇದಿಕೆಗಳಿಲ್ಲ. ಈ ಚಿತ್ರವು ಮುಂದಿನ ಪೀಳಿಗೆಯ ಚಲನಚಿತ್ರ ನಿರ್ಮಾಪಕರಿಗೆ ಅವರ ಕನಸುಗಳನ್ನು ಅನುಸರಿಸಲು ಮತ್ತು ಅವರ ಕಥೆಗಳನ್ನು ಹೇಳಲು ಪ್ರೇರೇಪಿಸುತ್ತದೆ ಎಂದು ನಾನು ನಂಬುತ್ತೇನೆ "ಎಂದು ಅವರು ಹೇಳಿದರು.

ಛಾಯಾಗ್ರಾಹಕ ನ್ಯಾಗೊ ಅವರು ಒಂದೇ ಪಾತ್ರದೊಂದಿಗೆ ಸೀಮಿತ ಜಾಗದಲ್ಲಿ ಚಿತ್ರೀಕರಣ ಮಾಡಿದ ಅನುಭವವನ್ನು ಹಂಚಿಕೊಂಡರು, ಇದು ಅವರು ಹಿಂದೆಂದೂ ಎದುರಿಸದ ಸವಾಲಾಗಿದೆ. "ಇದು ಛಾಯಾಗ್ರಾಹಕರಾಗಿ ನನ್ನ ಮಿತಿಗಳನ್ನು ಹೆಚ್ಚಿಸಿದ ಒಂದು ಅನನ್ಯ ಅನುಭವವಾಗಿತ್ತು" ಎಂದು ಅವರು ಹೇಳಿದರು.

ಜಿಗರ್ತಾಂಡ ಡಬಲ್ ಎಕ್ಸ್ - ಸಿನಿಮಾ ಗ್ಯಾಂಗ್ಸ್ಟರ್ ಅನ್ನು ಬದಲಾಯಿಸುವ ಶಕ್ತಿಯನ್ನು ಹೊಂದಿದೆ

ಜಿಗರ್ತಂಡಾ ಡಬಲ್ ಎಕ್ಸ್ ಚಿತ್ರದ ಪ್ರತಿಭಾನ್ವಿತ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್ ಅವರು ಚಿತ್ರದ ಮೂಲ ಸಾರವನ್ನು ವಿವರಿಸುತ್ತಾ - ಸಾಮಾಜಿಕ ಬದಲಾವಣೆಯನ್ನು ತರುವಲ್ಲಿ ಚಲನಚಿತ್ರದ ಶಕ್ತಿಯ ಕುರಿತು ಮಾತನಾಡಿದರು. "ಸಮಾಜವನ್ನು ಬದಲಾಯಿಸಬಲ್ಲ ಒಂದು ಪ್ರಬಲ ಶಕ್ತಿ ಎಂದರೆ ಅದು ಸಿನಿಮಾ. ಇದು ಗೂಂಡಾಗಿರಿಯಲ್ಲಿರುವ ವ್ಯಕ್ತಿಯನ್ನು ಕೂಡ ಒಳ್ಳೆಯ ದಾರಿಗೆ ತರಬಲ್ಲ ಸಾಮರ್ಥ್ಯ ಹೊಂದಿದೆ" ಎಂದು ಸುಬ್ಬರಾಜ್ ಅವರು ಹೇಳಿದರು.ಈ ಚಿತ್ರದಲ್ಲಿ ಮಾನವ-ಪ್ರಾಣಿಗಳ ನಡುವಿನ ಸಂಬಂಧದ ಆಳವಾದ ನೋಟವಿದ್ದು, ಈ ಎರಡೂ ಜೀವಿಗಳ ನಡುವಿನ ಅನ್ಯೋನ್ಯತೆಯನ್ನು ಕಟ್ಟಿಕೊಡುವ ಪ್ರಯತ್ನ ಮಾಡಲಾಗಿದೆ ಎಂದು ಅವರು ವಿವರಿಸಿದರು. ಜೊತೆಗೆ, ಕಮರ್ಷಿಯಲ್ ಸಿನಿಮಾ ಮತ್ತು ಕಲಾತ್ಮಕ ಸಿನಿಮಾಗಳ ನಡುವಿನ ಅಂತರವನ್ನು ಕಡಿಮೆ ಮಾಡುವ ತಮ್ಮ ಆಶಯವನ್ನು ಸುಬ್ಬರಾಜ್ ವ್ಯಕ್ತಪಡಿಸಿದರು. "ನಮ್ಮ ಈ ಚಿತ್ರ ಎರಡೂ ಪ್ರಪಂಚಗಳ ಸೇತುವೆಯಾಗಿದೆ – ಕಮರ್ಷಿಯಲ್ ಸಿನಿಮಾದ ಮನರಂಜನೆ ಮತ್ತು ಕಲಾತ್ಮಕ ಸಿನಿಮಾದ ಆಳವಾದ ಅರ್ಥ - ಇವೆರಡನ್ನೂ ಒಟ್ಟಿಗೆ ತರುವ ಪ್ರಯತ್ನ ಮಾಡಿದ್ದೇವೆ" ಎಂದು ಅವರು ದೃಢವಾಗಿ ಹೇಳಿದರು.

ಬಟ್ಟೋ ಕಾ ಬುಲ್ಬುಲಾ-ಹರಿಯಾಣದ ಗ್ರಾಮೀಣ ಜೀವನದ ಒಂದು ಸಂಭ್ರಮಾಚರಣೆ 

ಬಟ್ಟೊ ಕಾ ಬುಲ್ಬುಲಾದ ಸಿನಿಮಾದ ಸಂಕಲನಕಾರ ಸಾಕ್ಷಮ್ ಯಾದವ್, ನಿರ್ಮಾಣದ ನಂತರದ ಸಮಯದಲ್ಲಿ, ವಿಶೇಷವಾಗಿ ಚಿತ್ರದ ವಿಸ್ತೃತ ದೃಶ್ಯಗಳಿಂದಾಗಿ ಎದುರಾಗುವ ವಿಶಿಷ್ಟ ಸವಾಲುಗಳ ಬಗ್ಗೆ ಚರ್ಚಿಸಿದರು. "ದೃಶ್ಯಗಳ ಉದ್ದವನ್ನು ನಿರ್ವಹಿಸುವಾಗ ಚಿತ್ರದ ಆಂತರಿಕ ಆಕರ್ಷಣೆಯನ್ನು ಕಾಪಾಡಿಕೊಳ್ಳುವುದು ಪ್ರಮುಖ ಸವಾಲಾಗಿತ್ತು" ಎಂದು ಯಾದವ್ ಹೇಳಿದರು.

ಚಿತ್ರದ ಛಾಯಾಗ್ರಹಣ ನಿರ್ದೇಶಕ (ಡಿಒಪಿ) ಆರ್ಯನ್ ಸಿಂಗ್, ತಂಡದ ವಿಶ್ವಾಸಾರ್ಹತೆಯ ಬದ್ಧತೆಯನ್ನು ಮತ್ತಷ್ಟು ವಿವರಿಸುತ್ತಾ, ನಿರೂಪಣೆಯು ಹರಿಯಾಣದ ಗ್ರಾಮೀಣ ಜೀವನದಲ್ಲಿ ಆಳವಾಗಿ ಬೇರೂರಿದೆ ಎಂದು ವಿವರಿಸಿದರು. "ಗ್ರಾಮೀಣ ಜೀವನದ ಸಾರವನ್ನು ನೈಜ, ಫಿಲ್ಟರ್ ಮಾಡದ ಮತ್ತು ತಲ್ಲೀನಗೊಳಿಸುವ ರೀತಿಯಲ್ಲಿ ಸೆರೆಹಿಡಿಯುವುದು ನಮ್ಮ ಗುರಿಯಾಗಿತ್ತು" ಎಂದು ಸಿಂಗ್ ಹೇಳಿದರು.

ಚಲನಚಿತ್ರಗಳ ಬಗ್ಗೆ

1. ಬ್ಯಾಟೊ ಕಾ ಬುಲ್ಬುಲಾ
ವರ್ಣಮಯ | 35' | ಹರಿಯಾನ್ವಿ | 2024

ಕಥಾಸಾರಾಂಶ

ಹರಿಯಾಣದ ಒಂದು ಹಳ್ಳಿಯ ಜೀವನಾಡಿಯಲ್ಲಿ ಹಾಸುಹೊಕ್ಕಾಗಿರುವ ಕಥೆ ಇದು. ಮುದುಕ ಬಟ್ಟೋ, ತನ್ನ ಹಿಂದಿನ ಮೈತ್ರಿ ಮರೆತ ಗೆಳೆಯ ಸುಲ್ತಾನನ ಜೊತೆ ದಿನ ಕಳೆಯುತ್ತಿರುತ್ತಾನೆ. ಇಬ್ಬರ ಸಂಗಾತಕ್ಕೆ ಮದ್ಯವೇ ಸಾಕ್ಷಿ. ತನ್ನ ಬದುಕಿನುದ್ದಕ್ಕೂ ದುಡಿದು ಗಳಿಸಿದ ಭೂಮಿಯನ್ನು ತುಂಡು ತುಂಡಾಗಿ ಮಾರಿಬಿಟ್ಟಿರುವ ಬಟ್ಟೋ, ಉಳಿದ ಕೊನೆಯ ತುಂಡನ್ನೂ ಮಾರಿ ಹಳ್ಳಿ ಬಿಟ್ಟು ಹೋಗಬೇಕೆಂದು ಮನಸ್ಸು ಮಾಡಿರುತ್ತಾನೆ. ಆದರೆ ಅವನ ದತ್ತು ಮಗ ಬಿಟ್ಟು, ಸ್ವಾರ್ಥದ ನೆಪದಲ್ಲಿ ಆ ಜಮೀನಿಗಾಗಿ ತಂದೆಯ ಮೇಲೆ ಒತ್ತಡ ಹೇರುತ್ತಿರುತ್ತಾನೆ. ಮಗನ ಈ ನಡವಳಿಕೆ ಬಟ್ಟೋನ ಮನಸ್ಸನ್ನು ಕಲಕಿ ಬಿಡುತ್ತದೆ. ಈ ನಡುವೆ ಸುಲ್ತಾನ, ತನ್ನ ಹಳೆಯ ಗೆಳೆಯನ ಜೀವನದ ಹಿಂದಿನ ಸತ್ಯವನ್ನು ಹುಡುಕುತ್ತಾ ಹೋಗುತ್ತಾನೆ. ಇದರಿಂದ ಇಬ್ಬರ ನಡುವೆ ತೀವ್ರ ಘರ್ಷಣೆ ಉಂಟಾಗುತ್ತದೆ. ಆದರೆ ಕೊನೆಗೆ, ಬಟ್ಟೋ ನಿಜವಾದ ಸ್ನೇಹದ ಬೆಲೆಯನ್ನು ಅರಿಯುತ್ತಾನೆ. ವಿಶ್ವಾಸಘಾತದ ನಡುವೆಯೂ ಬದುಕನ್ನು ಧೈರ್ಯದಿಂದ ಎದುರಿಸಬೇಕೆಂಬ ಸತ್ಯವನ್ನು ಮನಗಾಣುತ್ತಾನೆ.

ಪಾತ್ರವರ್ಗ ಮತ್ತು ಸಿಬ್ಬಂದಿ

ನಿರ್ದೇಶಕ: ಅಕ್ಷಯ್ ಭಾರದ್ವಾಜ್

ನಿರ್ಮಾಪಕ: ದಾದಾ ಲಕ್ಷ್ಮೀ ಚಂದ್ ಸ್ಟೇಟ್ ಯೂನಿವರ್ಸಿಟಿ ಆಫ್ ಪರ್ಫಾರ್ಮಿಂಗ್ ಅಂಡ್ ವಿಷುಯಲ್ ಆರ್ಟ್ಸ್ (DLC ಸುಪ್ವಾ).

ಛಾಯಾಗ್ರಾಹಕ: ಅಕ್ಷಯ್ ಭಾರದ್ವಾಜ್

ಚಿತ್ರಕಥೆಗಾರ: ರಜತ್ ಕರಿಯಾ

ಸಂಕಲನಗಾರ: ಸಕ್ಷಮ್ ಯಾದವ್

ಪಾತ್ರವರ್ಗ: ಕ್ರಿಶನ್ ನಾಟಕ

ಛಾಯಾಗ್ರಾಹಕ: ಅಕ್ಷಯ್ ಭಾರದ್ವಾಜ್

2. ಕಾರ್ಕೆನ್
ವರ್ಣಮಯ | 92 ' | ಗ್ಯಾಲೋ | 2024

ಕಥಾಸಾರಾಂಶ

ಒಬ್ಬ ವೈದ್ಯಾಧಿಕಾರಿ, ಹಿಂದೊಮ್ಮೆ ನಟನೆಯಲ್ಲಿ ಅಪಾರ ಆಸಕ್ತಿ ಹೊಂದಿದ್ದರೂ ತನ್ನ ಕನಸುಗಳನ್ನು ತ್ಯಜಿಸಬೇಕಾಯಿತು. ಅವರು ಮತ್ತೊಮ್ಮೆ ಆಡಿಷನ್ಗೆ ಹೋಗಲು ನಿರ್ಧರಿಸುತ್ತಾರೆ. ಈ ನಿರ್ಧಾರ ಅವನ ಕುಟುಂಬದ ಸಾಲ ತೀರಿಸಲು ನೆರವಾಗುತ್ತಿರುವ ಉದ್ಯೋಗವನ್ನು ಅಪಾಯಕ್ಕೀಡು ಮಾಡಬಹುದು, ಅವನ ನಿಶ್ಚಿತಾರ್ಥವನ್ನು ಅಪಾಯಕ್ಕೆ ತಳ್ಳಬಹುದು, ಮತ್ತು ಹೆರಿಗೆ ನೋವಿನಲ್ಲಿರುವ ಗರ್ಭಿಣಿಯ ಜೀವಕ್ಕೂ ಅಪಾಯ ತರಬಹುದು.

ಪಾತ್ರವರ್ಗ ಮತ್ತು ಸಿಬ್ಬಂದಿ

ನಿರ್ದೇಶಕ: ನೆಂಡಿಂಗ್ ಲೋಡರ್

ನಿರ್ಮಾಪಕ: ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮ ಲಿಮಿಟೆಡ್.

ಸಿನಿಮಾಟೋಗ್ರಾಫರ್: ನ್ಯಾಗೊ ಈಟೆ

ಸಂಕಲನಗಾರ: ಲೋಡಮ್ ಗೊಂಗೊ

ಚಿತ್ರಕಥೆಗಾರ: ನೆಂಡಿಂಗ್ ಲೋಡರ್

ಪಾತ್ರವರ್ಗ: ನೆಂಡಿಂಗ್ ಲೋಡರ್

3.ಜಿಗರ್ತಾಂಡ ಡಬಲ್ ಎಕ್ಸ್

ವರ್ಣಮಯ | 172 ' | ತಮಿಳು | 2023

ಕಥಾಸಾರಾಂಶ

'ಜಿಗರ್ತಂಡಾ ಡಬಲ್ ಎಕ್ಸ್' ಒಂದು ತಮಿಳು ಆಕ್ಷನ್ ಥ್ರಿಲ್ಲರ್ ಚಿತ್ರ. 2014ರಲ್ಲಿ ಬಿಡುಗಡೆಯಾದ 'ಜಿಗರ್ತಂಡಾ' ಚಿತ್ರದ 'ಪ್ರಿಕ್ವೆಲ್' ಆಗಿರುವ ಈ ಚಿತ್ರವನ್ನು ಕಾರ್ತಿಕ್ ಸುಬ್ಬರಾಜ್ ನಿರ್ದೇಶಿಸಿದ್ದಾರೆ.  ಕಥಾವಸ್ತುವು ಆಕಾಂಕ್ಷಿ ಪೊಲೀಸ್ ಅಧಿಕಾರಿ ಕಿರುಬೈ ಅರೋಯರಾಜ್ ಅವರನ್ನು ಅನುಸರಿಸುತ್ತದೆ, ಅವರು ತಮ್ಮ ಕೆಲಸವನ್ನು ಖಚಿತಪಡಿಸಿಕೊಳ್ಳಲು ಅಕ್ರಮ ಕೃತ್ಯವನ್ನು ಮಾಡಲು ಒತ್ತಾಯಿಸುತ್ತಾರೆ.ಚಲನಚಿತ್ರ ನಿರ್ದೇಶಕನ ವೇಷದಲ್ಲಿ, ರೌಡಿ ಅಲಿಯಸ್ ಸೀಸರ್ ನ ಗುಂಪಿನೊಳಗೆ ನುಸುಳುತ್ತಾನೆ. ಅನೇಕ ಹತ್ಯಾ ಪ್ರಯತ್ನಗಳ ನಂತರ, ಕಿರುಬೈ, ಸೀಸರ್ ಮತ್ತು ಕುಖ್ಯಾತ ಅಪರಾಧಿ ಶೆಟ್ಟಾಣಿ ಅವರನ್ನು ಒಬ್ಬರ ವಿರುದ್ಧ ಒಬ್ಬರನ್ನು ಹೊಡೆದಾಡಿಸುವ ಯೋಜನೆ ರೂಪಿಸುತ್ತಾನೆ.ಈ ಪ್ರಕ್ರಿಯೆಯಲ್ಲಿ, ಸೀಸರ್ ನ ಹೃದಯದಲ್ಲಿ ಬದಲಾವಣೆ ಕಾಣಿಸಿಕೊಳ್ಳುತ್ತದೆ. ಶೆಟ್ಟಾಣಿಯನ್ನು ಸೋಲಿಸಿ ಜನರಿಗೆ ನೆರವಾಗುತ್ತಾನೆ. ಆದರೆ ಕಥೆ ಇನ್ನಷ್ಟು ತಿರುವು ಪಡೆಯುತ್ತದೆ - ರಾಜ್ಯದ ಮುಖ್ಯಸ್ಥರೇ ಹಗರಣದಲ್ಲಿ ಭಾಗಿಯಾಗಿರುವುದು ಬಯಲಾಗುತ್ತದೆ. ಸೀಸರ್ ಅಂತಿಮ ತ್ಯಾಗ ಮಾಡುತ್ತಾನೆ, ಮತ್ತು ಕಿರುಬೈ ತನ್ನ ಚಿತ್ರವನ್ನು ಪೂರ್ಣಗೊಳಿಸಿ ಸತ್ಯವನ್ನು ಬಯಲು ಮಾಡುತ್ತಾನೆ. ಮನಸೆಳೆಯುವ ಕಥನದ ಮೂಲಕ ಈ ಚಿತ್ರ ಮಹತ್ವಾಕಾಂಕ್ಷೆ, ನೈತಿಕತೆ ಮತ್ತು ಬದುಕುಳಿಯುವಿಕೆಯ ಕುರಿತು ಅನ್ವೇಷಿಸುತ್ತದೆ. ತೀಕ್ಷ್ಣ ಕಥಾ ನಿರೂಪಣೆ ಮತ್ತು ಉತ್ಕೃಷ್ಟ ಆಕ್ಷನ್ ದೃಶ್ಯಗಳ ಮಿಶ್ರಣದಿಂದ, ಮೂಲ ಚಿತ್ರದ ಪರಂಪರೆಯನ್ನು ಮುಂದುವರೆಸುವ ಆಕರ್ಷಕ ಕೃತಿಯಾಗಿ ಮೂಡಿಬಂದಿದೆ.

ಪಾತ್ರವರ್ಗ ಮತ್ತು ಸಿಬ್ಬಂದಿ

ನಿರ್ದೇಶಕ: ಕಾರ್ತಿಕ್ ಸುಬ್ಬರಾಜ್

ನಿರ್ಮಾಪಕ: ಸ್ಟೋನ್ ಬೆಂಚ್ ಪ್ರೈ. ಲಿಮಿಟೆಡ್

ಛಾಯಾಗ್ರಾಹಕ: ಎಸ್ ತಿರುನಾವುಕ್ಕರಸು

ಸಂಪಾದಕ: ಶಫೀಕ್ ಮೊಹಮ್ಮದ್ ಅಲಿ

ಚಿತ್ರಕಥೆಗಾರ: ಕಾರ್ತಿಕ್ ಸುಬ್ಬರಾಜ್

ತಾರಾಗಣ: ರಾಘವ ಲಾರೆನ್ಸ್, ಗಣೇಶ್, ಎಸ್.ಜೆ.ಸೂರ್ಯ, ನಿಮಿಷಾ ಸಜಯನ್, ಇಳವರಸು, ನವೀನ್ ಚಂದ್ರ, ಸತ್ಯನ್, ಸಂಚನಾ ನಟರಾಜನ್, ಶೈನ್ ಟಾಮ್ ಚಾಕೋ, ಅರವಿಂದ್ ಆಕಾಶ್

ಪತ್ರಿಕಾಗೋಷ್ಠಿಯನ್ನು ಇಲ್ಲಿ ವೀಕ್ಷಿಸಿ:

*****