0 5

Ki briew kiba iadon bynta ha ka jingshna ia lai tylli ki phlim, Batto Ka Bulbula, Karken, bad Jigarthanda Double X, ki la iadon lang mynta ka sngi ha ka jingiakynduh bad ki lad pathai khubor ha ka bynta kaba 55 jong ka International Film Festival of India (IFFI), Goa. Ki nongshna phlim ki la iathuh shaphang ka jingiaid lynti jong ki, ki jingeh kiba ki iakynduh ha ka por ba shna ia ki phlim bad ki jinthmu jong ki na ka bynta ka lawei jong ka kam shna phlim.

Karken – Ka jingiaid lynti jong ka jingieid bad ka jingkylla

Nending Loder, u Director ka Karken, u la kren shaphang ka phlim jong u kaba peit ia ki jingiakhun jong u briew uba ialeh pyrshah ia ki jingkyrmen ha ka imlang sahlang bad ki jingthrang jong u shimet. “Ka dei ka khana jong ka jingkylla, ka dei shaphang ka jingiaid lynti ban shem ialade,” la ong u Loder. U Loder u la ai jingsngewnguh ia ka National Film Development Corporation (NFDC) kaba la ai jingkyrshan ha ka jingpynmih ia ka phlim, da kaba pdiang ia ka jingeh ban ring phlim ha Arunachal Pradesh. “Kane ka jylla ka dei kaba bun ki briew kiba don sap hynrei ka duna ki rynsan na ka bynta ki nongshna phlim ba dang sdang treikam. Nga ngeit ba kane ka phlim kan ai mynsiem ia ki pateng ban wan jong ki nongshna phlim ba kin beh ia ki jingthrang jong ki bad iathuh ia ki khana jong ki,” u la ong.

U Cinematographer Nyago u la iathuh shaphang ki jingshem jong u ban ring phlim ha kaba don tang uwei u nongak, ka jingeh kaba um pat ju iakynduh mynshuwa. “Kane ka dei ka jingshem ba kyrpang kaba la dawa ia ka jingtrei shitom jong nga kum u cinematographer,” u la ong.

Jigarthanda Double X – Ka Cinema ka don ka bor ban pynkylla ia u runar

U Karthik Subbaraj, u director ka Jigarthanda Double X, u la kren shaphang ka phang jong ka phlim: ka bor jong ka cinema ban wanrah ia ka jingkylla ha ka imlang shlang. “Ka cinema ka dei ka atiar kaba donbor ban pynkylla ia ka imlang sahlang. Ka don ka bor ban pynkylla wat ia u runar ruh,” la ong u Subbaraj. U la ong ba ka phlim ka peit ia ka jingiadei hapdeng ki briew bad ki mrad bad ka khana kaba kham jyllei hapdeng jong ki. Shuh shuh, u Subbaraj u la ong ba u kwah ban weng ia ki jingiapher hapdeng ki phlim kiba shna ban pyniaid iew bad ki phlim kiba shna ban pyni ia ka jingsaindur. “Kane ka phlim ka kam ia kane ka jingiapher, da kaba pyniasoh ia ka jingpynbyrnia jong ki phlim ba pyniaid iew bad ka jingmut shisha jong ka jingsaindur ha ka kam shna phlim,” u la ong.

Batto Ka Bulbula – Ka jingrakhe ia ka jingim nongkyndong ha Haryana

U Saksham Yadav, Editor ka Batto Ka Bulbula, u la kren shaphang ki jingeh ba kyrpang hadien ba la dep ring ia ka phlim, namar ka jingjrong ka jingring ia kane ka phlim. “Ka jingeh kaba kongsan ka dei ban bat ia ka jinglong tynrai jong ka phlim ha ryngkat ka jingpynduna ka jingjrong jong kane ka jingring ia ka phlim,” u la ong.

U Aryan Singh, u Director of Photography (DOP) jong kane ka phlim u la batai shaphang ka jingieng skhem ka kynhun na ka bynta ka jingpyni ba shisha da kaba batai ba ka khana ka don ka jingiadei kaba skhem bha bad ka jingim nongkyndong ha Haryana. “Ka thong jong ngi ka dei ban ioh ring ia ka jinglong jong ka jingim nongkyndong ha ka rukom kaba shisha, kaba shai bad kaba khring ia ki briew,” la ong u Singh.

Shaphang ki phlim

1.BATTO KA BULBULA

Colour | 35’ | Hariyanvi | 2024

Ka jingbatai

Ha ka shnong ha Haryana, u Batto uba la noh ka rta u pynlut por ban iadih bad u paralok jong u, Sultan. Hadien ba u la dep die jan baroh ka jaka ka puta jong u, u Batto u thmu ban die ia kaba sah bad mih noh na ka shnong. U Khun jong u, u Bittu u pan ia kane ka jaka kaba sah kaba wanrah ia ka jingkulmar jingmut. U Sultan u wad ia ka jingshisha, kaba ialam sha ka jingiakulmar. Ha kaba khatduh, u Batto u sngewthuh ia ka jinglong paralok ba shisha bad ka jingdonkam ia ka jingskhem jingmut hapdeng ka jingshah shet kylla.

Kiba iadon bynta

Director: Akshay Bhardwaj

Producer: Dada Lakhmi Chand State Universi­ty of Performing and Visual Arts (DLC Supva).

Cinematographer: Akshay Bhardwaj

Screenwriter : Rajat Kariya

Editor: Saksham Yadav

Cast: Krishan Natak

Cinematographer: Akshay Bhardwaj

2.KARKEN

Colour | 92 ' | Galo | 2024

Ka jingbatai

U medical officer, uba ieid ia ka kam ak phlim hynrei uba la shah pynbor ban ieh noh ia kane ka jingthmu, u wanphai ban iashim bynta ha ka jingjied nongak phlim. Kane ka rai ka lah ban ktah ia ka kam jong u kaba kyrshan ia ka jingsiew kylliang ka ram jong ka longiing jong u, ktah ia ka jingiateh ktien shong kurim jong u bad buh jingma ia ka longkmie kaba dang pun khun.

Kiba iadon bynta

Director: Nending Loder

Producer: National Film Development Corporation Ltd.

Cinematographer: Nyago Ete

Editor: Lodam Gongo

Screenwriter: Nending Loder

Cast: Nending Loder

3.JIGARTHANDA DOUBLE X

Colour | 172 ' | Tamil | 2023

Ka jingbatai

Jigarthanda Double X ka dei ka phlim Tamil bad ka phlim shaphang ka khana kaba wan shuwa ka phlim Jigarthanda ha u 2014, kaba direct da u Karthik Subbaraj. Ka khana ka dei shaphang u briew ba kwah long ophisar pulit uba hap leh ia ka kam beain ban ioh ia ka kam. Da kaba leh mynleh ban dei u director phlim, u rung hapoh ka jaka ba pyniaid da u runar Allius Caesar. Hadien katt katne ki jingpyrshang pyniap, u Kirubai u pyrshang ban wanrah ka jingiathut hapdeng u Caesar bad u riewsniew Shettani. Katba dang iaid ka por, u Caesar u ioh ia ka jingkylla bad u iarap ia ki briew da kaba pynrem ia u Shettani. Ka khana ka kham iar haba ka paw ba u khliehduh ha ka jylla u iadon bynta ha ka kam. U Caesar u len ialade bad u Kirubai u pyndep ia ka phim da kaba pyni ia ka jingshisha. Kane ka phlim ka peit ia ka jingthrang, ka jingsngewlem bad ka jinglah iaineh da kaba pyniasoh ia ka kam iathuh khana bad ka jingshonghit.

Kiba iadon bynta

Director: Karthik Subbaraj

Producer: Stone Bench Pvt. Ltd.

Cinamatographer: S Thirunavukkarasu

Editor: Shafique Mohamed Ali

Screenwriter: Karthik Subbaraj

Cast: Raghava Lawrence, Ganesh, S. J. Suryah, Nimisha Sajayan, Ilavarasu, Naveen Chandra, Sathyan, Sanchana Natarajan, Shine Tom Chacko, Aravind Akash

Peit ia baroh kawei ka jingiakynduh bad ki lad pathai khubor hangne:

* * *