1948দা শেমখিবা মালেমগী খ্বাইদগী চাউবা য়ুনিফোর্ম শেৎপা নহারোলশিংগী ওর্গনাইজেসন অমা ওইরিবা নেস্নেল কেদেত কোর্প্স (NCC)না নবেম্বর 24, 2024দা চৎনবীগী ওইবা থৌরমগা লোয়ননা 76শুবা রাইজিং দে পাংথোক্লগনি। থৌরম অসিদা দিফেন্স সেক্রেতরী শ্রী রাজেশ কুমার সিংহনা নই দিল্লীগী ইন্দিয়া গেৎতা লৈবা নেস্নেল ৱার মেমোরিএলদা NCCগী অপুনবা ফ্রেতর্নিতীগী মায়কৈদগী থৱায়না পোন্থা পীখ্রবা অথৌবশিংগী মফমদালৈ কৎখি অমসুং ইকাই খুম্নবা উৎখি।

থৌরম অদুদা ঙাংলদুনা দিফেন্স সেক্রেতরীনা হায়খি মদুদি NCCনা কেদেতশিংগী মশিং লাখ 3 হেনগৎহন্নবা শিংথানিংঙাই ওইবা থবকশিং পায়খৎলে অমসুং লাক্কদৌরিবা চহিশিংদা কেদেত লাখ 20দা হেনগৎহল্লগনি। ভারত সরকারগী মরুওইবা খোঙথাং অমা ওইরিবা ভিকসিৎ ভারত কেম্পেনদা NCCগী থৌদাং অদু মহাক্না ফোংদোকখি। মহাক্না হায়খি, "য়ুবা শক্তি" "ভিকসিৎ ভারত"কী পান্দম ফংনবগীদমক ঙসিগী নহারোলশিংবু হয়েংগী থৌদাং লৌবা নাগরিক ওইহন্নবা NCCনা লেপ্পা লৈতনা হোৎনরি।"

76শুবা রাইজিং দে অসিদা, কেদেতশিংনা তোঙান তোঙানবা শহরশিংদা মমাং চহিগী মার্চতা শরুক য়াখি অমসুং তোঙান তোঙানবা কলচরেল এক্তিবিতীশিংদা শরুক য়াখি। চৎনবীগী মতুং ইন্না, ভারত শিনবা থুংনা NCC নুমিৎ পালন তৌরি অমসুং পেন-ইন্দিয়া "ব্লদ দোনেসন কেম্প" পাংথোক্লি। চহি অসিগী ব্লদ দোনেসনগী চাং অসি মমাং চহিদা ফংখিবা ব্লদ দোনেসন য়ুনিৎ 50,000গী মার্ক্তগী হেনগৎলক্কনি। মসিগী মথক্তা, তোঙান তোঙানবা সোসিএল এক্তিবিতীশিং অমসুং কলচরেল এৱেরনেস প্রোগ্রামশিং হায়বদি ত্রী প্লান্তেসন দ্রাইব, স্তেচুশিং শেংদোকপা, স্বচ্ছতা হী সেবা, নাশা মুক্তী অভিয়ান অসিনচিংবা কয়া অমা শীনখ্রে।

NCC পাকথোক চাউথোকহনবগী পান্দম থম্লগা, স্কিল মন্থন, I4C (সাইবর এৱেরনেস), আইদিয়াজ এন্দ ইন্নোবেসন, NDRF/SDRFকা লোয়ননা ত্রেগনচিংবা সরকারগী খোঙথাং কয়াগা মরী লৈননা অকক্নবা পান্দম অমসুং পাম্লিবা মহৈগা লোয়ননা NCC কেদেতশিংগী সেলেবস অমসুং ত্রেনিংসু শেমদোকখ্রে। সেলেবস অসিগী অহোংবা অসি কেদেতশিংবু মখোয়গী কেরেক্তর অমসুং থাজবা অদু শেমগৎতুনা থাজবা হেনগৎহন্নবগী পান্দমগা লোয়ননা তৌরি। মসিনা "ভিকসিৎ ভারত" ওইহল্লগনি।

***