0 5

Ka jingiamir jingmut ba nyngkong jong ka International Film Festival of India (IFFI) kaba 55 ka la sdang mynta ka sngi ha kaba la iakren shaphang ka jingshngain jong ki longkmie bad ki kam shna phlim. La pyniaid da ka actor bad producer ba pawnam ka Vani Tripathi Tikoo, ha ka jingialang la iadonlang ki nongai jingkren ba kynthup ia u nongshna phlim Imtiaz Ali, ki actor Suhasini Maniratnam, Kushboo Sundar, bad Bhumi Pednekar, ban iamir jingmut halor ki mat ba kongsan ba iadei bad ka jingshngain jong ki longkmie ha ka kam shna phlim, ka jingmihkhmat bad ka bynta ba ka kam shna phlim ka don ban saindur ia ki jinglong ha ka imlang sahlang.

Ki nongai jingkren ki la iasam ia ki jingshem shimet bad ki jingsngewthuh halor kumno ka kam shna phlim ka lah ban kyrshan bad pynkupbor ia ki longkmie ha ka kam ak bad kiwei kiwei ki kam. Ki la ban jur ia ka jingkongsan ban kyntiew ia ka jinglong jingman kaba shngain ha kaba ki longkmie ki lah ban trei laitluid khlem ki jingsngewkhia ia ka jingshah thombor lane shah ban bein.

Ka bynta ba kongsan jong ka jingiamir jingmut kadei shaphang kumno ki jaka ring phlim kidei ban shim ia ki sienjam lada lap ia uba leh kam bakla. Ki nongai jingkren ki la ia mynjur jingmut ba ka jingleh shiliang ia ki kynthei bad shynrang kam long shuh kaba iahap ha kine ki por mynta ha ka jaka trei. Ka  Suhasini Maniratnam ka la iasam la ka jingshem jong ka halor kumno ki actor shynrang bunsien ki ju wan sha ki jaka ring phlim bad ai jingmut ban pynkylla ia ki scene, ka rukom kaba kham niar ban lap ha ki kynthei. Ka la ong ba ki longkmie ruh kidei ban shimti ia la ki scene bad sdang ban iakren, ban ia kaba shu sngap. Ka la bynrap ruh ba kalong kaba kongsan ia ki briew kiba trei ha kane ka kam ban sngewthuh ia ki rukom treikam hashuwa ban rung sha kane ka kam.

U Imtiaz Ali u la ban jur halor ka jingkongsan ban wanrah ia ka rukom treikam ha kaba ki longkmie ha ka jaka ring phlim ki lah ban pynleit jingmut tang ha ka kam, khlem da hap ban khuslai shaphang kumno kiwei ki leh ia ki. U la pynpaw ba ki nongshna phlim kim lah ban pdiang ia ka jingpyniapher hapdeng kynthei bad shynrang ha ki jaka ring phlim.

Ha ka jingiamir jingmut la weng ruh ia ka rukom pyni ia ki longkmie ha ki phlim bad kumno ka ktah ia ka jingwanrah ia ka jaka kaba shngain ia ki. Ka Bhumi Pednekar ka la ban jur halor ka burom jong ki longkmie bad ka rukom ba ki mihkhmat ha ki phlim kalong ka bynta kaba kongsan ban wanrah ia ka jinglong jingman kaba don burom bad kaba pynkup bor.

Ka Kushboo Sundar ka la bynrap katba ka phaikhmat ban shna ia ki phlim kiba pynbyrnia, ka leh ia kane da ka jingbahkhlieh, da kaba pynthikna ba ka kam jong ka kam ktah ia ki jingngeit jong ka jingryntih bad ka burom. Ki nongai jingkren ki la mynjur ba ka rukom pyni ia ki longkmie ha ka rukom kaba don burom kam dei tang shaphang ki role jong ki hynrei ka dei ruh ka jingwanrah ia ka rukom treikam kaba bha ha kane ka kam.

Ha ka jingiamir jingmut la iohi ruh ia ka jingiashim bynta ki briew, kiba la buh jingkylli shaphang ka bynta kaba dang kylla jong ki longkmie ha ka kam shna phlim bad kumno ka kam shna phlim kan bteng ban wanrah ki jaka ia ki ban jop khlem da ktah ia ka jingshngain lane ka burom jong ki.

Ha ka jingiamir jingmut ba nyngkong jong ka IFFI 2024, kane ka jingiamir jingmut ka pyni ba kane ka tamasa ka rakhe ia ka kam shna phlim bad ka peit bniah ruh ia ka jingbahkhlieh jong ka kam ban saindur ia ka pateng kaba kham shngain, kaba kynthup lang ia baroh.

* * *