Ka Tnat Information & Broadcasting
Sdang ka IFFIESTA ‘safar’ lyngba ka ‘Safarnama’
‘Wat lada ngim shym la long kiba don ka jinglaitluid, ngi la sdang ban shna phlim; kane ka dei ka dak jong ka hiar pateng kaba khlain jong ngi bad hangne ngi dang pyni ia kane khamtam ia ki khynnah pule:’ Sanjay Jaju, I&B Secretary
‘Ka ktien kam dei ka jingpynwit ha ka kam shna phlim. Ngim pyrkhat ha kane ka rukom ha ka thain Shathie’- Akkineni Nagarjuna Rao
IFFIESTA: Ka jingiasoh jong ka kam shna phlim, ka deiriti bad ka histori kaba la plié paidbah ha ka bynta kaba 55 jong ka IFFI
Ka International Film Festival of India (IFFI) ha ka bynta kaba 55 jong ka, ka la kular ban wanrah ia ka put ka tem, ka jingsaindur bad ka deiriti kum ki kam kiba kongsan ha ka jingpynbyrnia. Ha ka jingrah shakhmat ia kane, u Sanjay Jaju, Secretary ka tnad Information and Broadcasting ha ryngkat u Akkineni Nagarjuna Rao, nongak bad nongpynmih phlim ba pawnam, ki la plié paidbah ia ka exhibition ‘Safarnama: Evolution of Indian Cinema’ mynta ka sngi ha ka Kala Academy, Panaji, Goa. Kane ka exhibition ka dei kaba la pynbiang da ka Central Bureau of Communication, hapoh ka tnad Information & Broadcasting da ka jingthmu ban ai jingtip ia ki briew shaphang ka jingriewspah ka India ha ka kam shna phlim bad ka histori.
Ha ka jingplie ia kane ka exhibition, u Jaju u la ong ba ka histori jong ka kam shna phlim ha India ka dei naduh ka por jong ka phlim Raja Harishchandra ha ka por ba ka India ka dang shah synshar ha ka Bilat. Watla katta, ka India ka la lah ban wanrah ia ka jingsaindur bad ka kam kaba la neh haduh mynta. Kane ka sienjam na ka IFFI ka thmu ban rakhe ia kane ka hiar pateng kaba riewspah bad ban pyni ia ki tynrai khamtam ia ki khynnah pule ban khring ia ki sha ka jingitynnad ia ka kam shna phlim bad ka deiriti kaba riewspah ba ngi la ioh pateng.
U actor ba pawnam, Nagarjuna, haba iakren bad ki lad pathai khubor u la ong ba ia u, ka kam shna phlim ka dei jong ka India bad ym don jingeh eiei ha kaba iadei bad ka ktien. U la ong ruh ba ka kam ka dei kaba la pynskhem da u kpa jong u, u Akkineni Nageswara Rao bad kiwei kiwei kum u Raj Kapoor, Mohammed Rafi bad Tapan Sinha.
Ha ka ‘Safarnama’ Exhibition, la aiti saw tylli ki gallery ia ki saw ngut ki riewkhraw ia kiba la rakhe ka jingdap shispah snem ha ka IFFI mynta u snem - Raj Kapoor, Mohammed Rafi, Tapan Sinha bad Akkineni Nageswara Rao. Kane ka exhibition ka pynkup burom ia kine ki riewkhraw ha ka kam shna phlim lyngba ki tiar ba la pyni ba kynthup ki poster, ki video bad kiwei kiwei ki tiar kum ka jingpynkup burom ia kine ki riewkhraw kiba la tei ia ka kam shna phlim ha India.
Ki briew ki lah ban leit peit ia kane ka exhibition naduh ka 20 haduh 20 tarik u Naiwieng, 2024 ha kaba ki lah ban iohi ia ka jingiaid lynti ka kam shna phlim ha India naduh ki por ba dang sdang haduh mynta. La khmih lynti ba kane ka exhibition kan khring bha ia ki khynnah skul, ha kaba ki lah ban ioh ia ki jingtip. Kane ka exhibition ka don ki teknoloji katkum ka juk mynta kum ka Projection mapping, Virtual Reality, Augmented Reality, Digital Quiz bad ki Digital puzzle.
Ha kane ka sngi la plié paidbah ruh ia ka KTB - Bharat Hain Hum, Animation Series Season-2, da u Sanjay Jaju, Secretary ka tnad Information & Broadcasting. Kane ka animated series shaphang ki nongiakhun na ka bynta ka jinglaitluid ka dei ka ban pyni naduh ka 1 tarik u Nohprah ha ka Doordarshan, Netflix, Prime Video bad WAVES ha ryngkat ka radio series ha ka Akashvani bad podcast ha ka Spotify. Lah ban ioh ia kane ka series ha 12 tylli ki ktien ka India ba kynthup ia ka Hindi, Tamil, Telugu, Kannada, Malayalam, Punjabi, Marathi, Gujarati, Bengali, Assamese, bad Odia bad hynniew tylli ki ktien jong kiwei kiwei ki ri kiba kynthup ia ka French, German, Spanish, Russian, Korean, Chinese bad Arabic khnang ba ki briew na 150 tylli ki ri kin lah ban ioh ia kane.
Ha kane ka sngi, la pyllait paidbah ruh iaka jingrwai ba kyrpang kum ka dak jong ka kam jong ka Doordarshan bad ka lawei jong ka WAVES, ka sienjam OTT ba thymmai da ka Prasar Bharati.
Ha kane ka sngi, u Gaurav Dwivedi, CEO, Prasar Bharati; Yogesh Baweja, DG, CBC; ki nongshna ia kane ka prokram, Munjal Shroff bad Tilak Shetty jong ka Graphiti Studios; Mahima Kaul, Director of Public Policy, Netflix India, bad Shilangi Mukherji, Director & Head - SVOD, Prime Video ki la iadon lang.
Ban ioh jingtip shuh shuh:
* * *
(Release ID: 2076334)
Visitor Counter : 4