0 3

#IFFIWood, 21 नोव्‍हेंबर 2024 

आंतरराष्ट्रीय फिल्म महोत्सवाच्या  (इफ्फी) 55व्या आवृत्तींत संगीत कला आनी संस्कृताय मनरिजवणेचो मुखेल  केंद्रबिंदू आसा. तें फांटभुयेर  श्री संजय जाजू, सचीव, म्हायती आनी प्रसारण मंत्रालय हांचे सयत नामनेचो चित्रपट अभिनेतो आनी निर्मातो श्री अक्किनेनी नागार्जुन राव, हांणी आयज ‘सफरनामा: भारतीय सिनेमाची उत्क्रांती’ ह्या प्रदर्शनाचें  पणजेतल्या कला अकादेमीत फित कापून  अनावरण केले. भारताची गिरेस्त सिनेमा परंपरा आनी इतिहास लोकां मेरेन पावोपाच्या हेतान केंद्रीय संचारण ब्युरो, म्हायती आनी प्रसारण मंत्रालयान हें मल्टीमीडिया प्रदर्शन आयोजीत  केलां.

उक्तावण वेळार श्री जाजू हांणी सांगलें की भारत वसाहतवादी सत्तेखाला आसतना राजा हरिशचंद्र ह्या चित्रपटांतल्यान भारतीय सिनेमाचो इतिहास सुरू जाता. तशे आसताना लेगीत भारत सिनेमाची वळख  निर्माण करपाक येसस्वी जालो आनी ती परंपरा आतां मेरेन अखंड दवरल्या. त्या गिरेस्त दायजाक सलामी दिवपाचो आनी खास  करून तरणाट्या विद्यार्थ्यांक   सिनेमा आनी तातूंतल्यान आमकां मेळिल्ल्या  गिरेस्त सांस्कृतीक मूल्याप्रती आवड निर्माण करपाचो इफ्फीच्या ह्या खाशेल्या उपक्रमाचो  हेत आसा.

नामनेचो अभिनेतो श्री नागार्जुन हांणी प्रसार माध्यमां कडेन संवाद सादतना ताचे खातीर सिनेमा हो भारतीय  आसा आनी तातूंत भाशेचे बंधन ना अशें खोशीन सांगले . तशेंच ताचो बापूय अक्किनेनी नागेश्वर राव आनी  राज कपूर, मोहम्मद रफी, तपन सिन्हा ह्या हेर दिग्गजांनी   स्थापन केल्लो दायज खऱ्या अर्थान अपूर्व आशिल्ल्याचोय उल्लेख तांणी केलो.

अंदूं इफफींत ‘सफरनामा’  प्रदर्शनांत  राज कपूर, मोहम्मद रफी, तपन सिन्हा आनी अक्किनेनी नागेश्वर राव ह्या  चार दिग्गजांची  शतमानी मनयताना तांकां चार गॅलरी समर्पित केल्यात.  भारतीय सिनेमाक आकार दिवपी ह्या प्रतिष्ठित व्यक्तींक श्रद्धांजली दिवन क्युरेट केल्ल्या सामुग्री आनी पोस्टर, व्हिडियो, यादस्तीक सयत दुर्मिळ अभिलेख साहित्यान ह्या चार सिनेमा दिग्गजांचो भोवमान केला.

20 ते 28 नोव्हेंबर 2024 मेरेन भौसा खातीर उक्ते आशिल्लें हें प्रदर्शन भारतीय सिनेमाच्या सुरवातीच्या काळा सावन समकालीन नवनिर्माणा मेरेनच्या प्रवासाचेर  गतीशील उजवाड घालता. तातूंत शाळेंतल्या विद्यार्थ्यां व्हडा संख्येन  आकर्शीत जावपाची आस्त  आसा, जाका लागून तरणाट्या पिळगे खातीर हो शिक्षणीक अणभव जातलो. ह्या प्रदर्शनांत प्रोजेक्शन मॅपिंग, व्हर्च्युअल रियलिटी, ऑगमेंटेड रियलिटी, डिजिटल क्विझ आनी डिजिटल कोडे सारकिले नवें तंत्रीक घटक आस्पावतात. 

तशेंच ह्या कार्यावळीत म्हायती आनी प्रसारण मंत्रालयाचे सचीव श्री संजय जाजू हांणी केटीबी - भारत हैं हम, एनिमेशन मालिका सीझन-2,  सुरु  केली . स्वातंत्र्य झुजाऱ्यां विशींची एनिमेटेड मालिका 1 डिसेंबर सावन दूरदर्शन, नेटफ्लिक्स, प्राइम व्हिडियो आनी वेव्साचेर प्रसारीत जातली तशेंच आकाशवाणीचेर रेडिओ मालिका आनी स्पोटीफायचेर पॉडकास्टावरवीं  प्रसारीत जातली. ही मालिका हिंदी, तमिळ, तेलुगू, कन्नड, मलयाळम, पंजाबी, मराठी, गुजराती, बंगाली, आसामी, आनी ओडिया ह्या 12 भारतीय भाशांनी आनी फ्रेंच, जर्मन, स्पॅनिश, रशियन, कोरियन, चीनी आनी अरबी ह्या सात आंतरराष्ट्रीय भाशांनी मेळून 150 देशांतल्या जागतिक प्रेक्षकांक उपलब्ध आसतली  जाका लागून ताचो  आवाठ आनीक वाडटलो .

लाँचिंग वेळार दूरदर्शनाची परंपरा जपपी आनी प्रसार भारतीच्या नवो ओटीटी उपक्रम 'वेव्सा' चो  फुडार दाखोवपी एक सिग्नेचर गीतय उजवाडायलें.

लाँचिंग कार्यावळी वेळार, श्री गौरव द्विवेदी, सीईओ, प्रसार भारती; श्री योगेश बावेजा, डीजी, सीबीसी; शोचे निर्माते, मुंजाल श्रॉफ आणि ग्रॅफिटी स्टुडिओचे तिलक शेट्टी; तशेंच नेटफ्लिक्स इंडियाच्यो  भौशीक धोरण संचालक महिमा कौल, आनी प्राइम व्हिडियोच्यो  संचालक आनी मुखेली - एसव्हीओडी शिलांगी मुखर्जी हाजीर आशिल्ल्यो. 

फुडल्या वाचनाखातीर:

• https://pib.gov.in/PressReleasePage.aspx?PRID=2072099
• https://pib.gov.in/PressReleaseIframePage.aspx?PRID=2072447#:~:text=International%20Jury%20%E2%80%93%20Mr.%20Ashutosh%20Gowariker,a%20renowned%20Australian%20film%20editor.
• https://www.newsonair.gov.in/IFFIESTA-at-iffi-2024-goa-to-bring-communities-together-through-magic-of-films/
• https://iffigoa.org/

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa