0 4

#IFFIWood, নবেম্বর ২২, ২০২৪

বাইওগ্রাফিকেল দ্রামা স্বতন্ত্র্য বীর সাবরকর গী মরুমদা লৈরিবা তীম্না, ফিল্ম অসিবু ইন্দিয়ন পেনোরমা সেক্সনগী হৌদোকপগী ফীচর ওইনা উৎখিবা, ৫৫শুবা ইন্তরনেস্নেল ফিল্ম ফেস্তিবেল ওফ ইন্দিয়া (IFFI) দা মীদিয়াগা ৱারী শানখ্রে‍। থৌরম অদুনা ভারতকী ক্রিএতিবকী খোঙচৎ অমসুং মসিগী পুৱারীগী ওইবা মরুওইবা মফম কল্লিবদুগী মমি তাবা ফম্পাক অমা পীখি‍।

তাইতুলর রোল বিনায়ক দামোদর সাবরকরগী শক্লোন লৌখিবা অমসুং ফিল্ম অসিগী লমজিং লমতাকখিবা এক্তর রন্দীপ হুদানা ফিল্ম অসি পুথোকপদা থেংনখিবা শিংনবশিংবু ভারতকী নীংতম লালহৌ মনুংদা বীর সাবরকরন থেংনখিবা শিংনবশিংগা মান্নৈ হায়না ফোঙদোকখি‍। মীদিয়াগা ৱারী শানবদুদা, ঐখোয়গী শিংথানবিদ্রবা হিরো বীর সাবরকরগী অশেংবা ৱারীবু মীয়াম্না খন্ন-নৈননববা পুথোকপগী থৌদাং মহাক মশানা লৌবা তাখি হায়না মহাক্না হায়খি‍। “বীর সাবরকরনা ভারতপু মতম পুম্বদা লান্মীগী মপাঙ্গল কলহনবা পামখি‍। ঙসি মালেমসিদা লৈরিবা ঐখোয়গী থাক ফনা নীংথিনা ফগৎলে‍। ফিল্ম অসিনা ঐখোয়গী নীংতম লালহৌগী অতোপ্পা মশক অমা উত্তুনা মসিনা নীংতম্বা ফংনবগীদমক য়াওল্লোয়শিংবু কমদৌনা খুৎলায় পানবা পুক্নিং থৌগৎখিবগে হায়বদু উৎলি,” হায়না মহাক্না মখা তানা ফোঙদোকখি‍।

ফিল্ম অসিদা ভিকাজী কামাগী শক্লোন লৌখিবা এক্ত্রেস অঞ্জলী হুদানা ফিল্ম অসিদা মহাক্না লৌখিবা শক্লোন্না মহাকপু সাবরকরগী লনাই পুন্সিগী মরমদা হেন্না মমুৎ তানা খঙবা হেনগৎহনখি‍ হায়খি‍। “মুভী অসি ঐগীদমক্তদি মীৎ পাঙহনখিবা অমনি‍। ঐখোয়গী কাউনখ্রবা হিরোশিংগী মরমদা মীয়ামদা খঙহন্নবা তুংদসু অসিগুম্বা ফিল্মশিং হেন্না পুথোরক্কনি হায়না ঐনা থাজৈ,” হায়না মহাক্না ফোঙদোকখি‍।

জয় পতেল, ম্রিনাল দত্ত, অমসুং অমিত সিয়ালসু প্রেস কনফরেন্স অদুদা শরুক য়াখি‍। মখোয়না থেংনরকপশিং পাউদমখি অমসুং ভারতকী সিনেমাদা অসিগুম্বা ফিল্মশিংগী মরুওইবা ৱাফম ফোঙদোকখি‍।

মুভী অসিনা ভারতকী নীংতম ঈহৌগী শিংথানবিদ্রবা হিরো কয়াগী মরক্তা অমা ওইরিবা বীর সাবরকরগী মীয়াম্না তানদ্রিবা ৱারীশিং উৎলি‍। মসিনা মহাক্না মমা লৈবাকপু নুংশিজবা অমসুং ভারতকী নীংতম লালহৌ মনুংদা মহাক্না থেংনখিবা খুদোংথিবা কয়াবু উৎলি‍।

ফিল্ম সীনোপ্সিস: স্বতন্ত্র্য বীর সাবরকর

ফিল্ম অসিনা ভারতকী নীংতম লালহৌদা মরুওইবা থৌদাং অমা লৌখিবা য়াওলগী ৱাখল খন্বা অমসুং ৱাকম (কবি) অমা ওইরম্বা বিনায়ক দামোদর সাবরকরগী পুন্সি ৱারী লীরি‍। মসিদা মহাক্না খুৎলায় পায়বা লালহৌ কন্না শৌগৎপা মীশক অমা ওল্লকখিবা, মহাক্কী ৱাখল্লোন্দা চরক চহিং নাইরকখিবা, অমসুং সেলুলার জেলদা মহাক্না চহি কয়া লেনখিবা থৌদোকশিং উৎলি‍। মরন্নাইগী ৱাখল থাদোক্তুনা অমদি লাল্লোং হৈশিংবা লুচিংবগী শক্লোন অমদা, সাবরকরনা মপাঙ্গল কন্বা অমসুং মরোমদোম লেপচবা ভারত অমগী মঙলান ঙসিসু খোন্থাং য়ৈদুনা লৈরিবা মশক নাইবা মীশক অমা ওইরকখি‍।

কাস্ত অমসুং ক্রু

দাইরেক্তর: রন্দীপ হুদা

প্রদ্যুসর: অনন্দ পন্দিত, সাম খান, সন্দীপ সিংহ, য়োকেস রাহর

স্ক্রীনপ্লে: রন্দীপ হুদা

কাস্ত:

• রন্দীপ হুদা
• অঙ্কিতা লোখন্দে
• অমিত সিয়াল
• ম্রিনাল দত্ত
• জয় পতেল
• অঞ্জলী হুদা

* * *