0 4

#IFFIWood, 22 नोव्‍हेंबर 2024 

55व्या भारतीय आंतरराष्ट्रीय चित्रपट महोत्सवांत भारतीय पॅनोरमा विभागाची सुरवात  स्वातंत्र्यवीर सावरकर ह्या चरित्रात्मक फिल्मान जाली. ह्या फिल्माच्या पंगडान प्रसार माध्यमां कडेन संवाद सादलो. ह्या संवादावेळार  चित्रपटाच्या सृजनशील प्रवासाचेर आनी ताच्या इतिहासीक म्हत्वाचेर उजवाड घालपाक एक मांची उपलब्ध जाली.

विनायक दामोदर सावरकराची मुखेल  भुमिका करपी आनी चित्रपट दिग्दर्शीत करपी अभिनेतो रणदीप हुड्डा हांणी निर्मिती आव्हानांची तुळा भारताच्या स्वातंत्र्य संघर्शांत वीर सावरकाराक जाल्ल्या संघर्शाकडेन केली. प्रसार माध्यमां कडेन संवाद सादतना तांणी सांगलें कि आमच्या अप्रशंसित नायक वीर सावरकराची खरी काणी भौशीक मळार घालपाचें काम आपल्याचेर घेवचें पडलें. "भारत लश्करी नदरेन बळिश्ट जावचें अशें सावरकाराक सदांच,दिसतालें अशेंय तांणी सांगलें. आयज संवसारांतली आमची सुवात खूब सुदारल्या. ह्या सिनेमांत आमच्या सशस्त्र संघर्शाच्या आनीक एका आंगाचेर भर दिला, तातूंतल्यान क्रांतीकारकांक स्वातंत्र्या खातीर शस्त्रां उबारपाची प्रेरणा कशी मेळ्ळी तें दाखयला," अशें तांणी सांगलें.

ह्या सिनेमांत भिकाजी कामाची भुमिका करपी अभिनेत्री अंजली हुड्डा हांणी ह्या सिनेमांतल्या भुमिकेन सावरकराच्या वैयक्तीक जिणे विशीं आपली गिन्यान कशे  खोलायेन वाडले  तें उक्तायलें. “हो सिनेमा म्हजे खातीर दोळे उगडपी आशिल्लो. आमच्या विसरून गेल्ल्या नायकांचेर उजवाड घालपा खातीर फुडाराक अशे आनीक चित्रपट तयार जातले अशी आस्त बाळगता अशें तिणें म्हळे .

जय पटेल, मृणाल दत्त आनी अमित सियाल हांणीय पत्रकार परिशदेत वांटो घेतलो. तांणी आपले अणभव सांगले आनी भारतीय सिनेमांतल्या अशा चित्रपटांचें म्हत्व उक्तायलें.

भारताच्या स्वातंत्र्याखातीर लढो दिवपी जायत्या अपरिमीत  नायकांतले एक  वीर सावरकर  हांची अपरिमीत काणी ह्या सिनेमांतल्यान लोकांमुखार हाडला. तातूंत ताचो मातृभूमीविशींचो मोग आनी भारताच्या स्वातंत्र्याच्या झुजा वेळार खर परिणामांक तांणी केल्लो फुडो ह्या चित्रपटान चित्रित केला.  

चित्रपट सारांश: स्वातंत्र्यवीर सावरकर

भारताच्या स्वातंत्र्याच्या झुजांत म्हत्वाची भुमिका साकारपी क्रांतीकारी, विचारवंत आनी कवी विनायक दामोदर सावरकर हाच्या जिविताचो इतिहास ह्या चित्रपटांत बरयला. सशस्त्र प्रतिकाराखातीर कट्टर पुरस्कर्त्यान जाल्ले ताचें रुपांतर, ताचे वैचारीक संघर्श आनी सेलुलर बंदखणीत ताणें काडिल्ली वर्सा ह्या चित्रपटान दाखयला. वैयक्तीक त्याग आनी रणनिती फुडारपणांतल्यान सावरकर एक बळिश्ट व्यक्ती म्हणून उदेता, जाची घटमूट आनी आत्मनिर्भर भारताचे सपन मोठे जायत आसा .

कलाकार आनी वांगडी:

दिग्दर्शक: रणदीप हुड्डा

निर्माते: आनंद पंडित, सॅम खान, संदीप सिंग, योगेश रहार

पटकथा: रणदीप हुड्डा

भूमिका साकारपी :

• रणदीप हुड्डा 
• अंकिता लोखंडे 
• अमित सियाल 
• मृणाल दत्त 
• जय पटेल 
• अंजली हुड्डा

* * *

PIB IFFI CAST AND CREW | Subhash/Utkarsha/Darshana | IFFI 55