0 4

வாழ்க்கை வரலாற்று திரைப்படமான, சுதந்திரப் போராட்ட வீரர் சாவர்க்கரின் பின்னணியில் உள்ள குழுவினர்  55 வது இந்திய சர்வதேச திரைப்பட விழாவில் ஊடகங்களுடன் உரையாடினர். இந்தப் படம் இந்தியன் பனோரமா பிரிவின் தொடக்கப் படமாகத் திரையிடப்பட்டது. இந்த நிகழ்வு படத்தின்  உருவாக்க பயணம் மற்றும் அதன் வரலாற்று முக்கியத்துவத்தை பிரதிபலிக்கும் ஒரு தளத்தை வழங்கியது.

விநாயக் தாமோதர் சாவர்க்கர் என்ற பெயரிடப்பட்ட பாத்திரத்தில் நடித்து படத்தை இயக்கிய நடிகர் ரன்தீப் ஹூடா, தயாரிப்பு சவால்களை இந்திய சுதந்திரப் போராட்டத்தின் போது வீர சாவர்க்கர் எதிர்கொண்ட போராட்டங்களுடன் ஒப்பிட்டார். ஊடகங்களுடன் உரையாடிய அவர், நமது புகழ் பெறாத ஹீரோ வீர சாவர்க்கரின் உண்மையான கதையை பொது உரையாடலில் வைக்க அவர் பொறுப்பேற்க வேண்டியிருந்தது என்று கூறினார். "இந்தியா இராணுவ ரீதியாக வலுவாக இருக்க வேண்டும் என்று சாவர்க்கர் எப்போதும் விரும்பினார்.  உலகில் நமது நிலை இன்று கணிசமாக மேம்பட்டுள்ளது. இந்தப்  படம் நமது ஆயுதப் போராட்டத்தின் மற்றொரு அம்சத்தை எடுத்துக்காட்டுகிறது, இது சுதந்திரத்திற்காக ஆயுதம் ஏந்த புரட்சியாளர்களை எவ்வாறு தூண்டியது என்பதைக் காட்டுகிறது" என்று அவர் கூறினார்.

படத்தில் பிகாஜி காமா கதாபாத்திரத்தில் நடித்த  நடிகை அஞ்சலி ஹூடா, தனது பாத்திரம் சாவர்க்கரின் தனிப்பட்ட வாழ்க்கையைப் பற்றிய தனது புரிதலை எவ்வாறு ஆழப்படுத்தியது என்பதை வெளிப்படுத்தினார். "இந்தப் படம் எனக்கு பல விஷயங்களை தெளிவுபடுத்துவதாக இருந்தது. மறக்கப்பட்ட நமது ஹீரோக்களை வெளிச்சத்திற்குக் கொண்டுவர எதிர்காலத்தில் இதுபோன்ற பல படங்கள் தயாரிக்கப்படும் என்று நம்புகிறேன்" என்று அவர் கூறினார்.

ஜெய் படேல், மிருணாள் தத், அமித் சியால் ஆகியோரும் பத்திரிகையாளர் சந்திப்பில் கலந்து கொண்டனர். அவர்கள் தங்கள் அனுபவங்களை பகிர்ந்து கொண்டதுடன் இந்திய சினிமாவில் இதுபோன்ற படங்களின் முக்கியத்துவத்தை எடுத்துரைத்தனர்.

மேலும் விவரங்களுக்கு இந்த ஆங்கில செய்திக்குறிப்பைக் காணவும்: https://pib.gov.in/PressReleasePage.aspx?PRID=2075859  

***

TS/SMB/RS/KR