0 4

#IFFIWood, 21 नोव्‍हेंबर 2024 

55व्या भारतीय आंतरराष्ट्रीय चित्रपट महोत्सवांत उझबेकिस्तान, एस्टोनिया आनी सर्बियाचे तीन चित्रपट अभिमानान प्रदर्शित केले. दूरदर्शी दिग्दर्शक आनी निर्मात्यांनी तयार केल्लीं हीं सिनेमाचीं रत्नां लवचीकपण, स्वताचो सोद आनी अदमती मनीस भावना ह्या विशयांचेर भाष्य करतात आणि विंगड विंगड संस्कृतीक परिदृश्यांतल्या भोंवडेर, प्रेक्षकांक आपयतात. 

तातूंतल्या खाशेलपणांमदीं ‘द सोंग सुस्टक्सोटिन’ ही मार्मिक कथा आसा, जी दुष्काळग्रस्त उझबेक गांवांत घडटा. आंतरराष्ट्रीय पांवड्यार प्रशंसीत खुसनोरा रोझमातोवा हिणें दिग्दर्शित केल्ल्या ह्या चित्रपटांत, सैमा आनी समाजीक निराशे आड, एका समाजाचें झूज दाखयलां. कझान आंतरराष्ट्रीय मुस्लिम चित्रपट महोत्सवांत "फॉर ह्यूमनिज्म" पुरस्कारान भोवमान मेळिल्ल्या रोझमातोवान, एक आकर्शक दुसरें फीचर सादर केलां, तातूंत मानवतावादी कथाकथनाचेर आपली अखंड वचनबद्धताय दाखयल्या. 

हातूंत दाखयल्ल्यो आनीक एक उझबेकिस्तानांतलें एक भावपूर्ण कथन आशिल्लो जमशीद नार्झिकुलोव हाणें दिग्दर्शीत केल्लो चित्रपट म्हळ्यार 'हाऊस'. एक दुख्खी विधवेची ही काणी जिका बेपर्वा ऑनलायन आव्हानाक लागून तिचो एकुलतो एक पूत सोडून वता. तिच्या न्यायाचो सोद तिका एका शांत गांवांतल्यान एका विस्तारीत महानगरांतल्या अराजकांतेत व्हरता, जंय तिका आपली तांक आनी मुल्यांचो परतून सोद घेतना, खर वास्तवांक तोंड दिवचें पडटा. हें पदार्पण फिल्म नार्झिकुलोवाच्या बारीकसाणीन कथाकथनाचेर भर दिता, वैयक्तीक शोकांतिका आनी परिवर्तनकारी स्वताच्या सोदांत भर घालता.

एस्टोनिया आनी सर्बियांतल्यान बोरिस गट्स हे नामनेचे रशियन प्रयोगात्मक चित्रपट निर्माते हाणें दिग्दर्शीत केल्लो 'डेफ लव्हर्स' चित्रपट. इस्तांबुलांत घडिल्ली हि एक समकालीन कथा, हो चित्रपट युक्रेनियन सोनिया आनी रशियन दान्या हांचेर आसा, जेन्ना ते परकी शारांतल्या जिविताच्या आव्हानांक फुडो करतात, वांटून घेतिल्ल्या संघर्श आनी आकांक्षां कडेन झगडटात. तांच्या प्रवासांत अस्मिताय, लवचीकपण आनी अशांत भूतकाळामदीं वांटून घेतिल्ल्या फुडाराचो सोद घेवप, ह्या विशयांचेर सोद जाता. गट्स हे गरिबी, वंशवाद, आनी मरण येवपी दुयेंस ह्या सारक्या गंभीर प्रस्नांचेर आपली निर्भय पद्दत मुखार हाडटा, ह्या आंतरराष्ट्रीय प्रीमियरांत आपली सिग्नेचर खोलाय आनी नदर ह्या सिनेमांत तांणी दाखयल्या.

पत्रकार परिशदेंत संबोधन करतना बोरीस गट्स हाणी,  झुजान त्रासांत पडल्ल्या वाठाराक लेगीत, थामोवपाची तांक आशिल्ली एक बळिश्ट भास म्हूण, सिनेमाचें म्हत्व स्पश्ट केलें.

पुरस्कार फावो जाल्ले चित्रपट दिग्दर्शक करीम हाणें प्रेक्षकांच्या प्रस्नाक जाप दितना, शिमेभायर लोकांक एकठांय हाडपाक आनी मतभेद बरे करपाक तशेच कथां वरवीं मनीसजातीक लागीं हाडपाक सिनेमाची भुमिका हाचेर भर दिलो.

तशेंच दिग्दर्शकांनी बरो फुडार घडोवपाक सिनेमाचे भूमिकेचेर भर दिलो. हे सगळे मेळून सिनेमाच्यो शिमो हुंपपाची, संस्कृताय जोडपाची आनी मनशाचे परिस्थितीच्या खोलायेन वचपाची सार्वत्रिक शक्त दाखयतात. आपले खाशेले कथाकथन, अनोखे कथन आनी कलात्मक तेजस्वीतेन ते इफ्फी 2024च्या प्रेक्षकांचेर, एक व्हड छाप सोडपाचें उतर दितात.

* * *

PIB IFFI CAST AND CREW | Subhash/Manali/Darshana | IFFI 55