ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ସୁରିନାମ୍ ପ୍ରଧାନମନ୍ତ୍ରୀଙ୍କୁ ଭେଟିଲେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ
Posted On:
21 NOV 2024 10:57PM by PIB Bhubaneshwar
ଗୁୟାନାର ଜର୍ଜଟାଉନରେ ନଭେମ୍ବର ୨୦ ତାରିଖରେ ଅନୁଷ୍ଠିତ ଦ୍ୱିତୀୟ ଭାରତ-କାରିକମ୍ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସୁରିନାମ୍ ପ୍ରଧାନମନ୍ତ୍ରୀ ଶ୍ରୀ ଚନ୍ଦ୍ରିକାପ୍ରସାଦ ସାନ୍ତୋଖୀଙ୍କୁ ଭେଟିଛନ୍ତି ।
ଦୁଇ ନେତା ଦ୍ୱିପାକ୍ଷିକ ସମ୍ପର୍କ ନେଇ ନିଆଯାଇଥିବା ପଦକ୍ଷେପର ଅଗ୍ରଗତି ବାବଦରେ ସମୀକ୍ଷା କରିଥିଲେ ଏବଂ ପ୍ରତିରକ୍ଷା ଓ ନିରାପତ୍ତା, ବ୍ୟବସାୟ ଓ ବାଣିଜ୍ୟ, କୃଷି, ଡିଜିଟାଲ ପଦକ୍ଷେପ, ୟୁପିଆଇ, ସ୍ୱାସ୍ଥ୍ୟସେବା, ଫାର୍ମାସ୍ୟୁଟିକାଲ୍ସ, ଦକ୍ଷତା ଗଠନ, ସଂସ୍କୃତି ଏବଂ ଲୋକଙ୍କ ସହ ଲୋକଙ୍କର ସମ୍ପର୍କ ବୃଦ୍ଧି ସକାଶେ ସହମତ ହୋଇଥିଲେ । ରାଷ୍ଟ୍ରପତି ସାନ୍ତୋଖୀ ସୁରିନାମର ବିକାଶରେ ଭାରତର କ୍ରମାଗତ ସହଯୋଗକୁ ପ୍ରଶଂସା କରିଥିଲେ । ବିଶେଷ କରି ଗୋଷ୍ଠୀ ବିକାଶ ପ୍ରକଳ୍ପ, ଖାଦ୍ୟ ନିରାପତ୍ତା ପଦକ୍ଷେପ ଏବଂ କ୍ଷୁଦ୍ର ଓ ମଧ୍ୟମ ଉଦ୍ୟୋଗ ଗୁଡ଼ିକୁ ସହାୟତା ମିଳିଥିବା ସେ କହିଥିଲେ ।
ବିଭିନ୍ନ ଆଞ୍ଚଳିକ ଓ ବୈଶ୍ୱିକ ପ୍ରସଙ୍ଗରେ ମଧ୍ୟ ଦୁଇ ନେତା ଭାବ ବିନିମୟ କରିଥିଲେ । ଜାତିସଂଘ ନିରାପତ୍ତା ପରିଷଦରେ ଭାରତର ସ୍ଥାୟୀ ସଦସ୍ୟତା ପାଇଁ ସୁରିନାମର କ୍ରମାଗତ ସମର୍ଥନ ସକାଶେ ରାଷ୍ଟ୍ରପତି ସାନ୍ତୋଖୀଙ୍କୁ ପ୍ରଧାନମନ୍ତ୍ରୀ ଧନ୍ୟବାଦ ଜଣାଇଥିଲେ ।
SR
(Release ID: 2075739)
Visitor Counter : 6