0 2

ಸಂಗೀತದಂತೆಯೇ, ಸಿನಿಮಾ ಕೂಡ ಗಡಿಗಳನ್ನು ಮೀರಿದ ಮತ್ತು ಭಾವನೆಗಳ ಸಾರ್ವತ್ರಿಕ ಭಾಷೆಯ ಮೂಲಕ ಆತ್ಮಗಳನ್ನು ಸಂಪರ್ಕಿಸುವ ಅನನ್ಯ ಸಾಮರ್ಥ್ಯವನ್ನು ಹೊಂದಿದೆ. ಈ ಪರಿವರ್ತಕ ಕಲಾ ಪ್ರಕಾರದ ಸಂಭ್ರಮಾಚರಣೆಯಲ್ಲಿ, ಗೋವಾದ ರೋಮಾಂಚಕ ಸಂಸ್ಕೃತಿಯ ನಡುವೆ ನಡೆದ ಭಾರತದ 55ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ ಎಫ್‌ ಎಫ್‌ ಐ), ಮೈಕೆಲ್ ಗ್ರೇಸಿ ನಿರ್ದೇಶನದ 'ಬೆಟರ್ ಮ್ಯಾನ್' ನೊಂದಿಗೆ ಪ್ರಾರಂಭವಾಯಿತು. ಈ ಚಲನಚಿತ್ರವು ಬ್ರಿಟಿಷ್ ಪಾಪ್ ದಂತಕಥೆ ರಾಬಿ ವಿಲಿಯಮ್ಸ್ ಅವರ ಸ್ಥಿತಿಸ್ಥಾಪಕತ್ವ, ಖ್ಯಾತಿ ಮತ್ತು ಅಸಾಧಾರಣ ಜೀವನಕ್ಕೆ ಸಿನಿಮೀಯ ಗೌರವವಾಗಿದೆ. ಚಿತ್ರದ ಪ್ರದರ್ಶನಕ್ಕೂ ಮುನ್ನ ಚಿತ್ರದ ಕಲಾವಿದರು ಮತ್ತು ಸಿಬ್ಬಂದಿ ಐ ಎಫ್‌ ಎಫ್‌ ಐ ರೆಡ್ ಕಾರ್ಪೆಟ್ ಮೇಲೆ ನಡೆದರು.

ಐ ಎಫ್‌ ಎಫ್‌ ಐ ನಲ್ಲಿ ಅದ್ಧೂರಿ ಉದ್ಘಾಟನೆ

ಚಲನಚಿತ್ರದ ಪ್ರದರ್ಶನಕ್ಕೂ ಮುನ್ನ, ಚಿತ್ರತಂಡ ಮತ್ತು ಸಿಬ್ಬಂದಿ ರೆಡ್ ಕಾರ್ಪೆಟ್ ಮೇಲೆ ನಡೆದರು ಮತ್ತು ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಸಂಜಯ್ ಜಾಜು, ವಾರ್ಥಾ ಮತ್ತು ಪ್ರಸಾರ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಶ್ರೀಮತಿ ವೃಂದಾ ದೇಸಾಯಿ, ಉತ್ಸವದ ನಿರ್ದೇಶಕ ಶ್ರೀ ಶೇಖರ್ ಕಪೂರ್ ಮತ್ತು ಎಂಟರ್‌ಟೈನ್‌ಮೆಂಟ್ ಸೊಸೈಟಿ ಆಫ್ ಗೋವಾ (ಇಎಸ್‌ಜಿ) ಉಪಾಧ್ಯಕ್ಷೆ ಶ್ರೀಮತಿ ಡೆಲಿಲಾ ಎಂ. ಲೋಬೋ ಅವರು ಚಿತ್ರದ ನಿರ್ಮಾಪಕ ಶ್ರೀ ಪೌಲ್ ಕರಿ ಮತ್ತು ನಟಿ ಶ್ರೀಮತಿ ರಾಚೆಲ್ ಬನ್ನೊ ಅವರನ್ನು ಸನ್ಮಾನಿಸಿದರು.

ಪ್ರದರ್ಶನದ ಮೊದಲು ಶ್ರೀ ಪಾಲ್ ಕರಿ ಅವರು ತಮ್ಮ ಭಾಷಣದಲ್ಲಿ, "ಈ ಚಿತ್ರವು ರಾಬಿಯನ್ನು ಜಗತ್ತು ಹೇಗೆ ಗ್ರಹಿಸುತ್ತದೆ ಎಂಬುದರ ಬಗ್ಗೆ ಅಲ್ಲ, ಆದರೆ ರಾಬಿ ತನ್ನನ್ನು ಹೇಗೆ ಗ್ರಹಿಸುತ್ತಾನೆ ಎಂಬುದರ ಕುರಿತಾಗಿದೆ" ಎಂದು ಹೇಳಿದರು. ಈ ಪ್ರತಿಷ್ಠಿತ ವೇದಿಕೆಯಲ್ಲಿ ಚಿತ್ರವನ್ನು ಪ್ರಸ್ತುತಪಡಿಸಲು ಉತ್ಸುಕತೆಯನ್ನು ವ್ಯಕ್ತಪಡಿಸಿದರು.  ಹಂಚಿಕೊಂಡಿದ್ದಾರೆ, "ಐ ಎಫ್‌ ಎಫ್‌ ಐ ನನಗೆ ತುಂಬಾ ಪ್ರಮುಖವಾದುದು ಮತ್ತು ಈ ಚಿತ್ರವನ್ನು ನಿಮ್ಮೆಲ್ಲರಿಗೂ ಪ್ರಸ್ತುತಪಡಿಸಲು ನಾನು ರೋಮಾಂಚನಗೊಂಡಿದ್ದೇನೆ" ಎಂದು ಶ್ರೀಮತಿ ರಾಚೆಲ್ ಬನ್ನೊ ಹೇಳಿದರು.  ವೀಡಿಯೊ ಕರೆ ಮೂಲಕ ಸೇರಿಕೊಂಡ ಚಿತ್ರದ ನಿರ್ದೇಶಕ ಶ್ರೀ ಮೈಕೆಲ್ ಗ್ರೇಸಿ, "ಬಾಲಿವುಡ್ ಸಿನಿಮಾ ನನ್ನ ಕೆಲಸದ ಮೇಲೆ ಆಳವಾದ ಪ್ರಭಾವ ಬೀರಿದೆ" ಎಂದು ಹೇಳಿದರು.

ಸಂಗೀತಾತ್ಮಕ ಜೀವನಚರಿತ್ರೆ

ಚಲನಚಿತ್ರ ನಿರ್ಮಾತೃ ಮೈಕೆಲ್ ಗ್ರೇಸಿ ನಿರ್ದೇಶಿಸಿದ, ಬೆಟರ್ ಮ್ಯಾನ್ ಸಂಗೀತಾತ್ಮಕ ಜೀವನಚರಿತ್ರೆಯಾಗಿದೆ. ಚಲನಚಿತ್ರವು ರಾಬಿ ವಿಲಿಯಮ್ಸ್ ಅವರ ದೃಷ್ಟಿಕೋನದಿಂದ ಅನನ್ಯವಾಗಿ ಹೇಳಲ್ಪಟ್ಟಿದೆ, ವಿಲಿಯಮ್ಸ್ ಸ್ವತಃ ಅವರ ಅದಮ್ಯ ಉತ್ಸಾಹ ಮತ್ತು ಮೋಡಿಮಾಡುವ ಅಭಿನಯವನ್ನು ನೀಡಿದ್ದಾರೆ.

'ಬೆಟರ್ ಮ್ಯಾನ್' ರಾಬಿ ವಿಲಿಯಮ್ಸ್ ಅವರ ಜೀವನದ ಸಾರವನ್ನು ಸೆರೆಹಿಡಿಯುತ್ತದೆ, ಅವರ ಸಾರ್ವಜನಿಕ ವ್ಯಕ್ತಿತ್ವ ಮತ್ತು ಖಾಸಗಿ ಹೋರಾಟಗಳ ದ್ವಂದ್ವವನ್ನು ಅನ್ವೇಷಿಸುತ್ತದೆ. ಪ್ರೇಕ್ಷಕರು ಸೂಪರ್‌ಸ್ಟಾರ್‌ ಆಗುವ ಅವರ ಪ್ರಯಾಣವನ್ನು ಅನುಸರಿಸಿದಂತೆ, ಅವರನ್ನು ಅವರ ಆತ್ಮಾವಲೋಕನದ ಜಗತ್ತಿಗೆ ಆಹ್ವಾನಿಸಲಾಗುತ್ತದೆ-ಸಂಗೀತದಲ್ಲಿ ಸಾಂತ್ವನವನ್ನು ಕಂಡುಕೊಳ್ಳುವ ಮತ್ತು ನಿಜವಾಗಿಯೂ ಬದುಕುವುದರ ಅರ್ಥವನ್ನು ಮರುವ್ಯಾಖ್ಯಾನಿಸುವ ಪ್ರಯಾಣ. ದಿ ಗ್ರೇಟೆಸ್ಟ್ ಶೋಮ್ಯಾನ್ (2017) ನಲ್ಲಿನ ಕೆಲಸಕ್ಕಾಗಿ ಮೈಕೆಲ್ ಗ್ರೇಸಿ ಹೆಸರಾಗಿದ್ದಾರೆ. ರಾಬಿ ವಿಲಿಯಮ್ಸ್ ನಾಯಕತ್ವದಲ್ಲಿ, ನಿರೂಪಣೆಯ ಸತ್ಯಾಸತ್ಯತೆ ಮತ್ತು ಜೀವಂತಿಕೆಯು ಸಾಟಿಯಿಲ್ಲದಂತಿದೆ, ಬ್ರಿಟಿಷ್ ಪಾಪ್ ದಂತಕಥೆ ರಾಬಿ ವಿಲಿಯಮ್ಸ್‌ ನ ಈ ಸಂಗೀತಾತ್ಮಕ ಜೀವನಚರಿತ್ರೆಯಲ್ಲಿ, ವಿಲಿಯಮ್ಸ್‌ ನನ್ನು ವಿಲಿಯಮ್ಸ್ ಅವರೇ ಅಭಿನಯಿಸಿದ್ದಾರೆ! ರಾಬಿಯ ದೃಷ್ಟಿಕೋನದಿಂದ ವಿಶಿಷ್ಟವಾಗಿ ಹೇಳಲಾದ ಚಿತ್ರವು ಅವರ ಅನನ್ಯ ಬುದ್ಧಿವಂತಿಕೆ ಮತ್ತು ಅದಮ್ಯ ಮನೋಭಾವವನ್ನು ಸೆರೆಹಿಡಿಯುತ್ತದೆ. ಇದು ರಾಬಿಯ ಬಾಲ್ಯದಿಂದಲೂ, ಚಾರ್ಟ್-ಟಾಪ್ ಬಾಯ್‌ಬ್ಯಾಂಡ್ ಟೇಕ್ ದಟ್‌ನ ಕಿರಿಯ ಸದಸ್ಯನಾಗುವವರೆಗೆ, ದಾಖಲೆ ಮುರಿಯುವ ಏಕವ್ಯಕ್ತಿ ಕಲಾವಿದನಾಗಿ ಅವರ ಅಪ್ರತಿಮ ಸಾಧನೆಗಳು ಮತ್ತು ದಾರಿಯುದ್ದಕ್ಕೂ ಅವನು ಖ್ಯಾತಿಯೊಂದಿಗೆ ಬರುವ ಸವಾಲುಗಳನ್ನು ಎದುರಿಸುವ ಪ್ರಯಾಣವನ್ನು ಹೇಳುತ್ತದೆ.

ಚಲನಚಿತ್ರವು ಕಣ್ಮನಗಳನ್ನು ತಣಿಸುತ್ತದೆ, ಅದ್ಭುತ ನಟನೆ, ಉಸಿರುಕಟ್ಟುವ ದೃಶ್ಯಗಳು ಮತ್ತು ರಾಬಿಯ ಶ್ರೇಷ್ಠ ಹಿಟ್‌ಗಳನ್ನು ಒಳಗೊಂಡ ಮರೆಯಲಾಗದ ಸೌಂಡ್‌ ಟ್ರಾಕ್‌ ಆಗಿದೆ. ಪ್ರತಿ ದೃಶ್ಯವು ಶಕ್ತಿಯಿಂದ ತುಂಬಿದೆ, ಅಸಾಧಾರಣ ಜೀವನ ಕಥೆಯ ಏರಿಳಿತಗಳಿಗೆ ಪ್ರೇಕ್ಷಕರನ್ನು ಸೆಳೆಯುತ್ತದೆ.

'ಬೆಟರ್ ಮ್ಯಾನ್' ಚಿತ್ರದ ಪ್ರಥಮ ಪ್ರದರ್ಶನವು ಚಪ್ಪಾಳೆಯಿಂದ ತುಂಬಿತು, ಈ ವರ್ಷದ ಐ ಎಫ್‌ ಎಫ್‌ ಐ ನಲ್ಲಿನ ಅತ್ಯಂತ ಸ್ಮರಣೀಯ ಪ್ರದರ್ಶನಗಳಲ್ಲಿ ಒಂದಾಗಿದೆ. ಖ್ಯಾತನಾಮನ ಸವಾಲುಗಳ ಬಗೆಗಿನ ಪ್ರಾಮಾಣಿಕ ಚಿತ್ರಣ ಮತ್ತು ಅದರ ಸ್ಥಿತಿಸ್ಥಾಪಕತ್ವ ಮತ್ತು ಸ್ವಯಂ-ಆವಿಷ್ಕಾರಕ್ಕಾಗಿ ಪ್ರೇಕ್ಷಕರು ಚಲನಚಿತ್ರವನ್ನು ಶ್ಲಾಘಿಸಿದರು.

*****