0 2

#IFFIWood, 20 नोव्‍हेंबर 2024 

सिनेमांत संगीता भशेनच शिमो हुंपपाची आनी भावनांच्या सार्वत्रिक भाशेंतल्यान आत्म्यांक जोडपाची अतुलनीय तांक आसा.  ह्या परिवर्तनकारी कला प्रकाराच्या उत्सवांत गोंयच्या जिवंत संस्कृतायेमदीं जावपी 55वो भारतीय आंतरराष्ट्रीय चित्रपट महोत्सव मायकल ग्रेसीन दिग्दर्शीत केल्ल्या ‘बेटर मॅन’ ह्या सिनेमाच्या प्रदर्शनान सुरू जालो. ब्रिटीश पॉप नामनेचे रॉबी विल्यम्स हाच्या असामान्य जिविताक ह्या सिनेमातल्यान लोकामुखार हाडला.  ह्या सिनेमाचे कलाकार आनी क्रुवच्या सदस्यांनी फिल्म दाखोवचे पयलीं इफ्फीत रेड कार्पेटचेर उपस्थिती दाखयली. 

ट्रेलर हांगा पळयात :

🎬✨Get ready for the Asia premiere of Better Man, a cinematic masterpiece from visionary director #MichaelGracey

An unforgettable tale of resilience, passion, and the human spirit, Better Man is set to light up the screen at #IFFI 2024!

🕰️ 2:30 PM
📍INOX Panjim, Goa#IFFI55… pic.twitter.com/nGsvRKurfk

— PIB India (@PIB_India) November 20, 2024

इफ्फीत भव्य उक्तावण : 

हे फिल्म प्रदर्शीत करचे पयलीं, कलाकार आनी क्रुवच्या सदस्यांनी  रेड कार्पेट वॉक केलो. ह्यावेळार म्हायती आनी प्रसारण मंत्रालयाचे सचीव, श्री संजय जाजू, म्हायती आनी प्रसारण मंत्रालयाच्यो संयुक्त सचीव वृंदा देसाई, इफ्फीचे महोत्सव संचालक, श्री शेखर कपूर आनी मनरीजवण संस्थेच्यो (ईएसजी) उपाध्यक्ष डीलायला एम. लोबो हांणी ह्या सिनेमाचे निर्माते श्री. पॉल कुरी आनी अभिनेत्री राचेल बान्नो हांकां भोवमानित केले. 

फिल्म प्रदर्शन करच्याआदीं तांच्या संबोधनांत श्री. पॉल कुरी हाणी सांगले, की "संवसार रॉबीक कसो समजता हाचेर न्हय हे फिल्म ना, पूण रॉबी स्वताक कसो पळयता हाचेर हे फिल्म आदरीत आसा."  ह्या आदरणीय मंचाचेर चित्रपट सादर करपाची उमेद तांणी उक्तायली. रेचेल बानो हिणे सांगले, की "इफ्फी म्हजे खातीर व्हड म्हत्व दवरता, आनी हो सिनेमा तुमकां सगळ्यांक सादर करतना हांव खोशी आसां." ह्या सिनेमाचे दिग्दर्शक श्री. मायकल ग्रेसी व्हिडियो कॉलावरवीं सामील जाले, तांणी म्हणलें, की "बॉलिवूड सिनेमाचो म्हज्या वावराचेर व्हड प्रभाव पडला."

एक सांगीतिक आत्मचरित्र : 

फिल्म निर्माते मायकल ग्रेसी हाणें दिग्दर्शीत केल्लो 'बेटर मॅन' हो संगीत बायोपिक आसा. रॉबी विल्यम्साच्या नदरेन हो सिनेमा अद्वितीय रितीन सांगला, विल्यमसान स्वता ताची भावना उक्तावन, माचयेर एक मंत्रमुग्ध करपी सादरीकरण केलां. 

‘बेटर मॅन’ रॉबी विल्यम्साच्या जिविताचें सार धरून ताच्या भौशीक व्यक्तिमत्वाच्या आनी खाजगी संघर्शांचें द्वैत सोदून काडटा.  प्रेक्षक ताच्या सुपरस्टार म्हूण जाल्ल्या उदरगतीचो फाटलाव करतात तेन्ना तांकां ताच्या संवसारांतलो सांगीतिक  प्रवास, आनी खऱ्या अर्थान जगप म्हणल्यार किते,  हाची नवी व्याख्या दिसून येता. द ग्रेटेस्ट शोमॅन (2017) ह्या सिनेमांतल्या वावराक लागून नामना मेळिल्लो मायकल ग्रेसी,   अदभूत असो चित्रपट दिता. रॉबी विल्यम्स मुखेलपणान आशिल्ल्यान कथेची प्रामाणीकता आनी जीवंतताय अतुलनीय आसा, प्रेक्षकांक आख्यायिकेच्या आत्म्याची झलक मेळटा. ब्रिटीश पॉप रॉबी विल्यम्साच्या ह्या संगीत चरित्रांत विल्यमसाचो रोल आकर्शक जीवंतपणान विलियम्स हाणे केला.  रॉबीच्या नदरेन अद्वितीय रितीन सांगिल्ल्या ह्या सिनेमांत, ताची सिग्नेचर बुद्धी आनी भावना दाखयल्या. हें रॉबीच्या भुरगेपणांतल्यान, चार्टांत पयल्या क्रमांकाचेर आशिल्ल्या बॉयबँड टेक दॅटाचो सगळ्यांत तरणाटो वांगडी जावपा मेरेन, विक्रमी एकल कलाकार म्हणून ताच्या अतुलनीय कृती मेरेनचो प्रवास दाखयता. सगळें यश हाडूंक शकता, अशा आव्हानांक तोंड दिवपी ताचे आयुष्य हातूंत दाखयला.

हो सिनेमा सगल्याखातीर एक मेजवानी, मनभुलोवपी सादरीकरण, उस्वास घेवपा सारके व्हिज्युअल आनी रॉबीच्या व्हडल्या हिटांचो आस्पाव आशिल्लो अविस्मरणीय ध्वनीमुद्रण हातूंत आसा.  दर एक दृश्य ऊर्जा दिता, प्रेक्षकांक एका असामान्य जिवीत कथेच्या उंच-नीचांत ओडून घेता.

‘बेटर मॅन’ ह्या सिनेमाच्या प्रीमियराक सिने मोगीकडच्यांन गडगडीत ताळयो मेळल्यो आनी अंदूं इफ्फीतलो एक याद उरपी चित्रपट म्हणून ताची सुवात कायम जाली.  नामनेच्या आव्हानांचें प्रामाणीक चित्रण आनी स्वताचो सोद घेवपाचो उत्सव मनोवपा खातीर, या वेळार हाजीर आशिल्ल्यांनी ह्या सिनेमाची तोखणाय केली.

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa