0 3

پچپن ویں انٹرنیشنل فلم فیسٹیول آف انڈیا(آئی ایف ایف آئی) نے آج جنوبی ایشیا کی سب سے بڑی فلم مارکیٹ فلم بازار کے 18 ویں ایڈیشن کے متحرک آغاز کا مشاہدہ کیا، افی کا ایک اہم حصہ، فلم بازار خواہش مند فلم سازوں اور صنعتی پیشہ ور افراد کے لیے ایک متحرک پلیٹ فارم کا وعدہ کرتا ہے تاکہ سینما کے مستقبل کو مربوط، تعاون اور آگے بڑھایا جا سکے۔

اطلاعات و نشریات کی وزارت کے سکریٹری سنجے جاجو نےافی میں فلم بازار کا افتتاح کرتے ہوئے رجسٹریشن کی ریکارڈ توڑنے والی تعداد 1500 سے زیادہاور 10 سے زیادہ ملک کی مخصوص پویلینز کی موجودگی پر روشنی ڈالی۔انہوں نے کہا کہ  "یہ مستقبل کے فلم سازوں  کے لیے ایک غیر معمولی پلیٹ فارم ہے۔ آئیڈیاز پیش کرنے سے لے کر ڈیل حاصل کرنے تک، فلم بازار صنعت کے تمام سطحوں پر نتیجہ خیز تعامل کو فروغ دیتا ہے۔،"

انہوں نے نوجوان ٹیلنٹ کو فروغ دینے کے لیےافی کے عزم کی مزید وضاحت کی۔ انہوں نے مزید کہا کہ "اس سال کا تخلیقی ذہنوں کا کل(سی ایم او ٹی) پروگرام، فلم سازی میں بھارت کی سب سے روشن نوجوان صلاحیتوں کو دریافت کرنے اور ان کو پروان چڑھانے  کے لیے ایک روشنی کا نشان ہے، جو 100 ہونہار افراد کا خیرمقدم کررہاہے۔‘‘

اس موقع کا ذکر کرتے ہوئے، 55ویں افی کے فیسٹیول ڈائریکٹر شیکھر کپور نے فلم بازار کو ایک دلچسپ پلیٹ فارم بتایا جہاں نوجوان فلم ساز اپنے خیالات اور تخلیقات کو جذبے کے ساتھ پیش کرتے ہیں۔ معروف فلم ساز نے تبصرہ کرتے ہوئے کہا"فلم بازار نوجوان فلم سازوں کی توانائی کے ساتھ دھڑکتا ہے جو اپنے کام کو بے پناہ جذبے کے ساتھ دکھاتے ہیں۔ میں واقعتاً یہاں رہ کر اس جذبے کو محسوس کرنا چاہتا ہوں۔‘‘

پرتھول کمار، جوائنٹ سکریٹری، وزارت اطلاعات و نشریات اور ایم ڈی، این ایف ڈی سی، نے آن لائن فلم بازار اقدام کے آغاز کا اعلان کیا۔ انہوں نے کہا کہ یہ اختراعی پلیٹ فارم عالمی خریداروں اور فروخت کنندگان کے لیے ایک ورچوئل مرکز کے طور پر کام کرتا ہے تاکہ آپس میں رابطہ قائم کر سکیں، خیالات کا تبادلہ کریں اور سنیما کے کاروبار کو آگے بڑھا سکیں۔

ورندا منوہر دیسائی، جوائنٹ سکریٹری (فلمز)، وزارت برائے آئی اینڈ بی، نے شریک پروڈکشن مارکیٹ کی تفصیلات سے پردہ اٹھایا، جس میں سات ممالک کی 21 فیچر فلمیں اور 8 ویب سیریز شامل ہیں۔ ویونگ روم پر روشنی ڈالتے ہوئے، جو فلم سازوں کیلئےڈسٹری بیوشن اور فنڈنگ ​​کے لیے ایک اہم وسیلہ ہے، انہوں نے انکشاف کیا کہ اس سال 208 فلمیں دیکھنے کے لیے دستیاب ہوں گی، جن میں فیچر، درمیانی لمبائی اور مختصر فارمیٹس شامل ہیں۔

یہ تقریب معزز مہمانوں کی موجودگی سے مزین ہے جن میں  جیروم پیلارڈ، ایڈوائزر فلم بازار اور نکولس میک کیفری، بھارت میں آسٹریلیا کے ڈپٹی ہائی کمشنر شامل ہیں ۔

فلم بازار کے بارے میں

فلم بازار کا انعقاد ہر سال باوقار انٹرنیشنل فلم فیسٹیول آف انڈیا(افی ) کے ساتھ کیا جاتا ہے۔ اس سال فلم بازار 20 سے 24 نومبر 2024 تک گوا کے میریٹ ریزارٹ میں لگے گا۔

دو ہزار سات میں اپنے قیام کے بعد سے، فلم بازار جنوبی ایشیائی فلموں اور فلم سازی، پروڈکشن اور ڈسٹری بیوشن میں ٹیلنٹ کی دریافت، معاونت اور نمائش کے لیے وقف ہے۔ بازار جنوبی ایشیائی خطے میں عالمی سنیما کی فروخت میں بھی سہولت فراہم کرتا ہے، جو تخلیقی اور مالی تعاون کے خواہاں  ہیں اورجنوبی ایشیائی اور بین الاقوامی فلم سازوں، پروڈیوسروں، سیلز ایجنٹوں، اور فیسٹیول پروگرامرز کے لیے ایک کنورجنگ پوائنٹ کے طور پر کام کرتا ہے۔ پانچ دنوں کے دوران، فلم مارکیٹ جنوبی ایشیائی مواد اور ٹیلنٹ کو فروغ دینے پر توجہ دے گی۔ کو-پروڈکشن مارکیٹ کا مقصد متنوع عالمی بیانیے کو نمایاں کرنا ہے۔

For more information, please visit:

• https://pib.gov.in/PressReleaseIframePage.aspx?PRID=2071092
• https://pib.gov.in/FeaturesDeatils.aspx?NoteId=153414&ModuleId=2&reg=3&lang=1

* * *

(ش ح۔اص)

UR No.2711