0 3

Ka bynta kaba 55 jong ka International Film Festival of India (IFFI) mynta ka sngi ka la sakhi ia ka jingplie paidbah ia ka bynta kaba 18 jong ka Film Bazar, ka iew jong ki phlim kaba halor tam ha South Asia. Kane ka dei ka bynta kaba heh jong ka IFFI bad ka wanrah ia ka rynsan kaba biang bha ia kito kiba kwah shna phlim bad ruh ia kito kiba la pynskhem ialade ha kane ka kam ba kin iakren, iatreilang bad kyntiew ia ka lawei jong ka kam shna phlim.

U Sanjay Jaju, Secretary, ka tnad Information & Broadcasting, haba u la plié paidbah ia ka Film Bazaar ha ka IFFI, u la kdew sha ka jingbun ki jingkyntiew kyrteng (palat 1500) bad ka jingdon ki jaka ba kyrpang jong palat 10 tylli ki ri. “Kane ka dei ka rynsan kaba biang bha ban kyntiew ia ki nongshna phlim ha ki por ban wan. Naduh ka jingwanrah ia ki jingmut haduh ki jingiakut, ka Film Bazaar ka wanrah ia ki jingiakren ha baroh ki bynta jong kane ka kam,” u la ong.

U la batai ruh shaphang ka jingkut jingmut ka IFFI ban kyntiew ia ki samla ba don sap. “Ka Creative Minds Of Tomorrow (CMOT) program mynta u snem, ka lad ban lap bad kyntiew ia ki samla jong ka India kiba don ka sap ha ka jingshna phlim ka dei kaba la iar bha, kaba pdiang 100 ngut ki samla ba don sap,” u la ong.

Ha kane ka sngi, u Shekhar Kapur, Festival Director jong ka bynta kaba 55 jong ka IFFI u la ong ba kane ka iew jong ki phlim ka dei ka rynsan ha kaba ki samla kiba shna ia ki phlim ki wanrah ia ki jingmut jong ki. “Kane ka iew jong ki phlim ka don ka bor jong ki samla kiba shna phlim kiba wanrah ia ki jingsaindur jong ki. Nga kwah ban don hangne bad sakhi ia ka jingieid ki nongshna phlim ba thymmai ia ka jingsaindur,” la ong une u nongshna phlim ba la paw bha.

U Prithul Kumar, Joint Secretary, ka tnad I&B bad MD, NFDC, u la pynbna ia ka jingsdang ia ka sienjam iew phlim online. U la ong ba kane ka rynsan ka long ka jaka Pdeng na ka bynta ki nongdie nongthied na kylleng ka pyrthei ba kin iakren, iasam ia ki jingmut bad kyntiew ia ka kam shna phlim.

Ka Vrunda Manohar Desai, Joint Secretary (Films), ka tnad I&B, u la batai shaphang ki bynta jong ka Co-Production Market, kaba don 21 tylli ki feature phlim bad 8 tylli ki web series na hynniew tylli ki ri. Ha kaba iadei bad ka Viewing Room, ka lad kaba kongsan bha ia ki nongshna phlim kiba kwah ban pyniaid iew ia ki phlim jong ki bad kiba kwah ia ka jingbei tyngka, ka la ong ba yn don 208 tylli ki phlim ba lah ban peit mynta u snem.

Ha kane ka sngi la iadon lang ki kynrem ki lyndan ba kynthup ia u Jerome Paillard, Nongaibuit Film Bazaar, bad Nicholas McCaffrey, Deputy High Commissioner jong ka Australia sha ka India.

Shaphang ka Film Bazaar

Ka Film Bazaar ka dei kaba ju pynlong man u snem ryngkat bad ka International Film Festival of India (IFFI). Mynta u snem, ka Film Bazaar kan long naduh ka 20 haduh 24 tarik u Naiwieng 2024, ha Marriott Resort ha Goa.

Naduh ba la sdang ia ka ha u snem 2007, ka Film Bazaar ka la ieng skhem ban lap, kyrshan bad pyni ia ki phlim na South Asia bad kito kiba don sap ha ka kam shna phlim, kam pynmih phlim bad ka kam ban sam ia ki phlim. Kane ka iew ka plié lad ruh ia ka jingdie ia ki phlim na kylleng ka pyrthei ha ka thain South Asia, bad ka long ka jaka Pdeng na ka bynta ka jingiakynduh ki nongshna phlim, nongpynmih phlim, ki nongdie phlim bad ki nongpyniaid kam na South Asia bad na kiwei kiwei ki ri kiba kwah ban iatreilang ha ki kam. Ha kine ki san sngi, kane ka iew kan peit bniah ia ka jingkyntiew ia ki prokram bad ki briew ba don sap na ka thain South Asia. Ka iew Co-Production ka thmu ban pyni ia ki khana bapher bapher na kylleng ka pyrthei.

Ban ioh jingtip shuh shuh, sngewbha peit ha ka:

• https://pib.gov.in/PressReleaseIframePage.aspx?PRID=2071092
• https://pib.gov.in/FeaturesDeatils.aspx?NoteId=153414&ModuleId=2&reg=3&lang=1

* * *