माहिती आणि प्रसारण मंत्रालय
इफ्फिएस्टा : 55 व्या इफ्फि मध्ये सिनेमा आणि संस्कृतीच्या एका शानदार संगमाचा प्रारंभ
इफ्फि परेडमध्ये भारताच्या अतुलनीय सांस्कृतिक विविधतेचे दर्शन घडणार
#IFFIWood, 19 नोव्हेंबर 2024
संगीत, कला आणि संस्कृती मनोरंजनाच्या केंद्रस्थानी ठेवून 55 वा भारतीय आंतरराष्ट्रीय चित्रपट महोत्सव 20 ते 28 नोव्हेंबर 2024 दरम्यान गोव्यातील पणजी येथे आयोजित केला जात असून यामध्ये इफ्फिएस्टा चा प्रारंभ होईल. हा उत्साहवर्धक उत्सव कला, संस्कृती आणि मनोरंजन यांचे चैतन्यशील मिश्रण सादर करेल ज्यामध्ये सिनेमाची जादू प्रत्यक्ष संगीत आणि मनमोहक सादरीकरणातून खिळवून ठेवेल.
या कार्यक्रमात सहभागींना आकर्षक निवड आणि सांगितिक सादरीकरणाचा उत्कृष्ट अनुभव मिळेल. कला अकादमी, पणजी या ऐतिहासिक उपक्रमाचे यजमानपद भूषवणार आहे.
या महोत्सवात देशभरातील विविध प्रादेशिक, पारंपारिक आणि सांस्कृतिक पथके सादरीकरण करतील जे अद्वितीय आणि समृद्ध सांस्कृतिक विविधतेचे प्रतिनिधित्व करेल.
इफ्फी परेड
“सेलिब्रेटिंग द जॉय ऑफ सिनेमा” या संकल्पनेवरील एक कार्निव्हल परेडमध्ये सर्जनशीलता आणि संस्कृतीचे अनोखे मिश्रण पहायला मिळेल. या परेडमध्ये अनेक सुंदर कलाकृती सादर केल्या जातील. अस्सल गोव्याची अनुभूती देत स्थानिक फ्लोट डिझायनर आणि परेड समूह या उपक्रमाद्वारे त्यांचा कलाविष्कार आणि सांस्कृतिक गौरव प्रदर्शित करतील.
उत्कृष्ट सर्जनशीलता आणि नवोन्मेषाची दखल घेत संकल्पनेला उत्कृष्ट मूर्त स्वरूप देणाऱ्या फ्लोट्स आणि परफॉर्मन्सना रोख बक्षिसे दिली जातील. या पुरस्कारांचा उद्देश नवनिर्मितीला प्रोत्साहन देणे आहे.
एक अनोखा मनोरंजन उत्सव
यावर्षी, डिस्ट्रिक्ट बाय झोमॅटोद्वारा संचालित इफ्फीएस्टा गोवा, लाईव्ह संगीत आणि मनोरंजक कार्यक्रमांसह प्रेक्षकांना मंत्रमुग्ध करेल. महोत्सवाच्या मुख्य मंचावर नामवंत कलाकार सादरीकरण करतील, यामध्ये :
- असीस कौर : प्रख्यात गायिका
- पॅराडॉक्स : हिप-हॉप कलाकार जे भारताचे संगीत परिदृश्य पुनर्परिभाषित करत आहे .
- व्हेन चाय मेट टोस्ट: इंडी-फोक बँड जो त्यांच्या भावपूर्ण गाण्यांसाठी प्रसिद्ध आहे
- द यलो डायरी: एक शैली- विरोधी रॉक बँड
या शानदार कार्यक्रमात नवोदित प्रतिभावंत देखील आपल्या सादरीकरणाने लोकांचे लक्ष वेधून घेतील. महोत्सवाला भेट देणाऱ्या रसिकांना गायिका-गीतकार अनुमिता नादेसन यांचा जादुई आवाज, चोर बाजारचा दमदार परफॉर्मन्स, स्थानिक स्टार रुबेन डी मेलोचे ठेका धरायला लावणारे गोव्याचे संगीत आणि डीजे द स्पिनडॉक्टर आणि त्सुमोकी यांचा अद्भुत मिलाफ आणि द गोवा ट्रॅप कल्चरच्या आधुनिक धून अनुभवण्याची संधी मिळेल.
इफ्फीएस्टा हा केवळ एक दृश्यात्मक देखावा नाही - तो कला, समुदाय आणि सिनेमा यांचा मिलाफ आहे. या आणि उत्सवाच्या या अविस्मरणीय आकर्षणाचे साक्षीदार व्हा, जिथे कथाकथनाची जादू जीवन आणि सर्जनशीलतेच्या भव्य उत्सवात देशाच्या ऊर्जाशील संस्कृतीची सांगड घालते.
कार्यक्रमाच्या तारखा लक्षात ठेवा आणि या आकर्षणाचा भाग बना !
अधिक माहितीसाठी :
* * *
PIB IFFI CAST AND CREW | G.Chippalkatti/S.Kane/Darshana | IFFI 55
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2075202)
Visitor Counter : 10