وزارت اطلاعات ونشریات
55 ویں افی کےافیسٹا میں سنیما اور ثقافت کے شاندار امتزاج کی نقاب کشائی
ہندوستان کا بے مثال ثقافتی تنوع افی پریڈ میں نمائش کے لیے پیش کیا جائے گا
موسیقی، فن اور ثقافت کو تفریح کے مرکز میں لاتے ہوئے، 20 سے 28 نومبر 2024 کو پنجی، گوا میں منعقد ہونے والا 55 واں بین الاقوامی فلم فیسٹیول آف انڈیا (افی ) افیسٹا کی نقاب کشائی کے لیے تیار ہے۔ یہ پُرجوش جشن آرٹ، ثقافت اور تفریح کے ایک متحرک امتزاج کی نمائش کرے گا جہاں سنیما کا جادو براہ راست موسیقی اور دلکش پرفارمنس کا تعلق بغیر کسی رکاوٹ کے ضم ہوجاتا ہے۔
یہ تقریب شرکاء کی پسند کے مطابق دلچسپ انتخاب اور میوزیکل شوکیس کا تیار کردہ تجربہ پیش کرے گی۔ کلا اکیڈمی، پنجی اس تاریخی اقدام کی میزبانی کرے گی۔
میلے میں ملک بھر سے آنے والے مختلف علاقائی، روایتی اور ثقافتی گروپس کی کارکردگی پیش کی جائے گی، جو منفرد اور بھرپور ثقافتی تنوع کی نمائندگی کرتی ہے۔
افی پریڈ
’’سینما سے لطف اندوز ہونےکا جشن‘‘ منانے کے موضوع پر کارنیوال ریلی تخلیقی صلاحیتوں اور ثقافت کے انوکھے امتزاج کو پیش کرتی ہے۔ پریڈ میں خوبصورتی سے تیار کردہ پرفارمنس کی ایک صف پیش کی جائے گی۔ گوا کے مستند جذبے کے ساتھ، مقامی فلوٹ ڈیزائنرز اور پریڈ گروپ اس اقدام کے ذریعے اپنی فنکارانہ صلاحیتوں اور ثقافتی فخر کا مظاہرہ کریں گے۔
شاندار تخلیقی صلاحیتوں اور اختراعات کے اعتراف میں، موضوع کو بہترین طریقہ سے پیش کرنے والے فلوٹس اور پرفارمنس کو نقد انعامات سے نوازا جائے گا۔ ان ایوارڈز کا مقصد اختراع کی حوصلہ افزائی کرنا ہے۔
ایک ایسا تفریحی شاندار پروگرام کہ اس کے جیسا کوئی اور نہیں
اس سال، افیسٹا گوا، ڈسٹرکٹ بائی زوماٹو کے تعاون سے ، براہ راست موسیقی اور تفریحی لائن اپ کے ساتھ سامعین کو حیران کر دے گا۔ فیسٹیول کے اصل اسٹیج پر معروف فنکاروں کی پرفارمنس پیش کی جائیں گی ، ان میں مندرجہ ذیل فنکار شامل ہیں:
آسیس کور: ایک اول درجہ کی گلوکارہ
پیراڈاکس: ایک متحرک ہپ ہاپ فنکار جو ہندوستان کے موسیقی کے منظر نامے کی نئی تعریف پیش کرتا ہے۔
وین چائی میٹ ٹوسٹ: بھارتی لوک بینڈ جو اپنی پرجوش موسیقی اور نغموں کے لیے جانا جاتا ہے۔
دی یلو ڈائری: روایت سے ہٹ کر موسیقی والا راک بینڈ
ابھرتی ہوئی صلاحیتیں تازہ اور متنوع موسیقی پیش کرتے ہوئے اسپاٹ لائٹ کا حصہ بنیں گی۔ فیسٹیول میں جانے والوں کو گلوکارہ گیت لکھنے والی انومیتا نادیسن کی جادوئی آواز، چور بازار کی پرجوش کارکردگی، مقامی اسٹار ریوبن ڈی میلو کی متحرک گوان موسیقی اور دی گوا ٹریپ کے ڈی جے، دا اسپن ڈاکٹر اور سمیوکی اور دا گوا ٹریپ کلچر کی جدید دھنوں سے لطف اندوز ہونے کا موقع ملے گا۔
افیسٹا محض ایک بصری تماشے سے کہیں زیادہ ہے — یہ آرٹ، کمیونٹی اور سنیما کا سنگم ہے۔ آئیے میلے کی اس ناقابل فراموش جھلک ملاحظہ کریں ، جہاں داستان گوئی کا جادو زندگی اور تخلیقی صلاحیتوں کے شاندار جشن میں قوم کی متحرک ثقافت میں ضم ہو جاتا ہے۔
تاریخوں کو محفوظ کریں اور اس جادو میں شامل ہوں!
مزید پڑھنے کے لیے:
********
ش ح۔ش ب ۔ ا ک م
(U: 2666)
(Release ID: 2074895)
Visitor Counter : 8