ವಾರ್ತಾ ಮತ್ತು ಪ್ರಸಾರ ಸಚಿವಾಲಯ
ಇಫ್ಫಿಯೆಸ್ಟಾ : ಸಿನಿಮಾ ಮತ್ತು ಸಂಸ್ಕೃತಿಯ ಅದ್ಭುತ ಸಮ್ಮಿಲನವು 55ನೇ ಐ.ಎಫ್.ಎಫ್.ಐ.ನಲ್ಲಿ ಅನಾವರಣಗೊಳ್ಳುತ್ತದೆ
ಐ.ಎಫ್.ಎಫ್.ಐ.ಪರೇಡ್ ನಲ್ಲಿ ಭಾರತದ ಸಾಟಿಯಿಲ್ಲದ ಸಾಂಸ್ಕೃತಿಕ ವೈವಿಧ್ಯತೆಯನ್ನು ಪ್ರದರ್ಶಿಸಲಾಗುವುದು
ಸಂಗೀತ, ಕಲೆ ಮತ್ತು ಸಂಸ್ಕೃತಿಯನ್ನು ಮನರಂಜನೆಯ ಹೃದಯಭಾಗಕ್ಕೆ ತರುವ ಮೂಲಕ, ನವೆಂಬರ್ 20 ರಿಂದ 28,2024 ರವರೆಗೆ ಗೋವಾದ ಪಣಜಿಯಲ್ಲಿ ನಡೆಯಲಿರುವ 55ನೇ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ.)ವು ಇಫ್ಫಿಯೆಸ್ಟಾ (IFFIESTA) ವನ್ನು ಅನಾವರಣಗೊಳಿಸಲು ಸಿದ್ಧವಾಗಿದೆ. ಈ ರೋಮಾಂಚನಕಾರಿ ಆಚರಣೆಯು ಕಲೆ, ಸಂಸ್ಕೃತಿ ಮತ್ತು ಮನರಂಜನೆಯ ರೋಮಾಂಚಕ ಸಮ್ಮಿಲನವನ್ನು ಪ್ರದರ್ಶಿಸುತ್ತದೆ, ಅಲ್ಲಿ ಸಿನೆಮಾದ ಚಮತ್ಕಾರ, ನೇರ ಸಂಗೀತ ಮತ್ತು ಆಕರ್ಷಕ ಪ್ರದರ್ಶನಗಳ ನಾಡಿಮಿಡಿತದೊಂದಿಗೆ ಸರಾಗವಾಗಿ ಹೆಣೆದುಕೊಂಡಿದೆ.
ಕಾರ್ಯಕ್ರಮದಲ್ಲಿ ಭಾಗವಹಿಸುವವರ ಅಭಿರುಚಿಗೆ ಹೊಂದುವಂತೆ ಅತ್ಯಾಕರ್ಷಕ ಆಯ್ಕೆಗಳು ಮತ್ತು ಸಂಗೀತ ಪ್ರದರ್ಶನಗಳ ಅನುಭವವನ್ನು ನೀಡುತ್ತದೆ. ಪಣಜಿಯು ಕಲಾ ಅಕಾಡೆಮಿ ಈ ಐತಿಹಾಸಿಕ ಉಪಕ್ರಮವನ್ನು ಆಯೋಜಿಸುತ್ತದೆ.
ಉತ್ಸವವು ವಿಶಿಷ್ಟ ಮತ್ತು ಶ್ರೀಮಂತ ಸಾಂಸ್ಕೃತಿಕ ವೈವಿಧ್ಯತೆಯನ್ನು ಪ್ರತಿನಿಧಿಸುವ ದೇಶಾದ್ಯಂತದ ವಿವಿಧ ಪ್ರಾದೇಶಿಕ, ಸಾಂಪ್ರದಾಯಿಕ ಮತ್ತು ಸಾಂಸ್ಕೃತಿಕ ತಂಡಗಳಿಂದ ಪ್ರದರ್ಶನವನ್ನು ಹೊಂದಿರುತ್ತದೆ.
ಐ.ಎಫ್.ಎಫ್.ಐ. ಪರೇಡ್
"ಸೆಲೆಬ್ರೇಟಿಂಗ್ ದಿ ಜಾಯ್ ಆಫ್ ಸಿನಿಮಾ" (ಸಿನಿಮಾದ ಖುಷಿಯ ಆಚರಣೆ) ಎನ್ನುವ ವಿಷಯದ ಮೇಲೆ ʼಕಾರ್ನಿವಲ್ ರ್ಯಾ ಲಿʼ ಮೆರಣಿಗೆಯು ಸೃಜನಶೀಲತೆ ಮತ್ತು ಸಂಸ್ಕೃತಿಯ ವಿಶಿಷ್ಟ ಮಿಶ್ರಣದ ಭರವಸೆ ನೀಡುತ್ತದೆ. ಮೆರವಣಿಗೆಯು ಸುಂದರವಾಗಿ ರಚಿಸಲಾದ ಪ್ರದರ್ಶನಗಳ ಒಂದು ಶ್ರೇಣಿಯನ್ನು ಹೊಂದಿರುತ್ತದೆ. ನೈಜ ಗೋವಾದ ಉತ್ಸಾಹದೊಂದಿಗೆ, ಸ್ಥಳೀಯ ಫ್ಲೋಟ್ ವಿನ್ಯಾಸಕರು ಮತ್ತು ಮೆರವಣಿಗೆ ಗುಂಪುಗಳು ಈ ಉಪಕ್ರಮದ ಮೂಲಕ ತಮ್ಮ ಕಲಾತ್ಮಕ ಪ್ರತಿಭೆ ಮತ್ತು ಸಾಂಸ್ಕೃತಿಕ ಹೆಮ್ಮೆಯನ್ನು ಪ್ರದರ್ಶಿಸುತ್ತವೆ.
ಅತ್ಯುತ್ತಮ ಸೃಜನಶೀಲತೆ ಮತ್ತು ನಾವೀನ್ಯತೆಯನ್ನು ಗುರುತಿಸಿ, ವಿಷಯನ್ನು ಉತ್ತಮವಾಗಿ ಸಾಕಾರಗೊಳಿಸುವ ಫ್ಲೋಟ್ ಗಳು ಮತ್ತು ಪ್ರದರ್ಶನಗಳಿಗೆ ನಗದು ಬಹುಮಾನಗಳನ್ನು ನೀಡಲಾಗುತ್ತದೆ. ಈ ಪ್ರಶಸ್ತಿಗಳು ನಾವೀನ್ಯತೆಯನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿವೆ.
ಸಾಟಿಯಿಲ್ಲದ ಮನರಂಜನೆಯ ಸಂಭ್ರಮ
ಈ ವರ್ಷ, ಇಫ್ಫಿಯೆಸ್ಟಾ ಗೋವಾ ಜೊಮಾಟೋ ಅವರ ಡಿಸ್ಟ್ರಿಕ್ಟ್ ನಿಂದ ನಡೆಸಲಾಗುತ್ತಿದೆ, ನೇರ ಸಂಗೀತ ಮತ್ತು ಮನರಂಜನಾ ಶ್ರೇಣಿಯೊಂದಿಗೆ ಪ್ರೇಕ್ಷಕರನ್ನು ವಿಸ್ಮಯಗೊಳಿಸುತ್ತದೆ. ಉತ್ಸವದ ಮುಖ್ಯ ವೇದಿಕೆಯಲ್ಲಿ ಪ್ರಖ್ಯಾತ ಕಲಾವಿದರಿಂದ ಪ್ರದರ್ಶನಗಳು ಇರುತ್ತವೆ, ಅವುಗಳೆಂದರೆ:
- ಅಸೀಸ್ ಕೌರ್: ಪ್ರಖ್ಯಾತ ಗಾಯಕಿ
- ಪಾರಾಡಾಕ್ಸ್: ಭಾರತದ ಸಂಗೀತ ಕ್ಷೇತ್ರವನ್ನು ಮರುವ್ಯಾಖ್ಯಾನಿಸುವ ಡೈನಾಮಿಕ್ ಹಿಪ್-ಹಾಪ್ ಕಲಾವಿದ
- ವೆನ್ ಚಾಯ್ ಮೆಟ್ ಟೋಸ್ಟ್: ಈ ಇಂಡೀ-ಫೋಕ್ ಬ್ಯಾಂಡ್, ತಮ್ಮ ಭಾವಪೂರ್ಣ ಹಾಡುಗಳಿಗೆ ಹೆಸರುವಾಸಿಯಾಗಿದೆ
- ದಿ ಯೆಲ್ಲೋ ಡೈರಿ: ಒಂದು ವಿಶೇಷ ರಾಕ್ ಬ್ಯಾಂಡ್
ಉದಯೋನ್ಮುಖ ಪ್ರತಿಭೆಗಳು ತಾಜಾ ಮತ್ತು ವೈವಿಧ್ಯಮಯ ಧ್ವನಿಗಳನ್ನು ನೀಡುವ ಮೂಲಕ ಗಮನ ಸೆಳೆಯುತ್ತಾರೆ. ಗಾಯಕ ಮತ್ತು ಗೀತರಚನಾಕಾರರಾದ ಅನುಮಿತಾ ನಡೇಸನ್ ಅವರ ಮಾಂತ್ರಿಕ ಧ್ವನಿ, ಚೋರ್ ಬಜಾರ್ ನ ಶಕ್ತಿಯುತ ಪ್ರದರ್ಶನ, ಸ್ಥಳೀಯ ತಾರೆ ರೂಬೆನ್ ಡಿ ಮೆಲೊ ಅವರ ರೋಮಾಂಚಕ ಗೋವಾ ಸಂಗೀತ ಮತ್ತು ಡಿಜೆ ದಿ ಸ್ಪಿನ್ ಡಾಕ್ಟರ್ ಮತ್ತು ತ್ಸುಮ್ಯೋಕಿ ಮತ್ತು ದಿ ಗೋವಾ ಟ್ರ್ಯಾಪ್ ಕಲ್ಚರ್ ನ ಆಧುನಿಕ ಬೀಟ್ಗಳ ವಿದ್ಯುನ್ಮಾನ ಮಿಕ್ಸ್ಗಳನ್ನು ಅನುಭವಿಸುವ ಅವಕಾಶವನ್ನು ಉತ್ಸವದ ಪ್ರೇಕ್ಷಕರು ಪಡೆಯುತ್ತಾರೆ..
ಇಫ್ಫಿಯೆಸ್ಟಾ ಕೇವಲ ಒಂದು ದೃಶ್ಯ ಪ್ರದರ್ಶನವಲ್ಲದೆ ಅದಕ್ಕಿಂತಲೂ ಹೆಚ್ಚಾಗಿರುತ್ತದೆ-ಇದು ಕಲೆ, ಸಮುದಾಯ ಮತ್ತು ಸಿನಿಮಾಗಳ ಒಕ್ಕೂಟವಾಗಿದೆ. ಬನ್ನಿ ಮತ್ತು ಕಥೆ ಹೇಳುವ ಮಾಂತ್ರಿಕತೆಯು ರಾಷ್ಟ್ರದ ರೋಮಾಂಚಕ ಸಂಸ್ಕೃತಿಯನ್ನು ಜೀವನ ಮತ್ತು ಸೃಜನಶೀಲತೆಯ ಭವ್ಯವಾದ ಆಚರಣೆಯಲ್ಲಿ ಸಂಧಿಸುವ ಹಬ್ಬದ ಈ ಅವಿಸ್ಮರಣೀಯ ಕ್ಷಣಗಳಿಗೆ ಸಾಕ್ಷಿಯಾಗಿ.
ದಿನಾಂಕಗಳನ್ನು ನೆನಪಿಟ್ಟುಕೊಂಡು ಭಾಗವಹಿಸಿ ಮತ್ತು ಚಮತ್ಕಾರದಲ್ಲಿ ಜೊತೆಯಾಗಿರಿ!
ಹೆಚ್ಚಿನ ಓದಿಗಾಗಿ ಈ ಕೊಂಡಿಗಳನ್ನುಕ್ಲಿಕ್ಕಿಸಿ:
*****
(Release ID: 2075039)
Visitor Counter : 7