#IFFIWood, 19 नोव्‍हेंबर 2024 

गोंयांत जावपी 55व्या आंतरराष्ट्रीय चित्रपट महोत्सवाच्या फांटभूयेर प्रेस इन्फॉर्मेशन ब्युरो (पीआयबी), म्हायती आनी प्रसारण मंत्रालयान भारतीय फिल्म आनी दूरचित्रवाणी संस्था (एफटीआयआय), पुणेच्या सहकार्यान मिडिया प्रतिनिधीं खातीर ‘रिव्यूइंग फिल्म्स: फ्रॉम क्रिटिकिंग टू रीडिंग सिनेमा’ ह्या विशयाचेर एक मनोवेधक फिल्म एप्रीसिएशन कोर्स  घडोवन हाडलो.  हो अभ्यासक्रम खासा  इफ्फीच्या मिडिया  प्रतिनिधीं खातीर आयोजीत केल्लो, तातूंत चित्रपटांच्या कला आनी हस्तकलेचे वेगवेगळे पैलू आनी चित्रपट माहितीपूर्ण रितीन वाचपाक शिकपाचें म्हत्व सोदून काडपाचेर भर दिल्लो. ह्या अभ्यासक्रमाचें फुडारपण उद्देग तज्ञ डॉ.इंद्रनील भट्टाचार्य, प्रा.अम्लान चक्रवर्ती, आनी एफटीआयआय, पुण्याच्यो श्रीमती मालिनी देसाय हाणी केलें.

प्रा.डॉ. इंद्रनील भट्टाचार्य हाणी उपस्थितांक  ‘फिल्म विश्लेशणाचीं तत्वां' हे विशी वळख करून दिली. प्रा. अम्लान चक्रवर्ती हांच्या नेतृत्वाखाला  'एडिटिंग ॲज ॲन आर्टिस्टिक टूल' या विषयाचेर सत्र जाले. दुसऱ्या एका आकर्षक सत्रात, प्रा. मालिनी देसाई हाणी ‘‘नाट्य साधन म्हणून उजवाड.’’ ह्या विशयाचेर उजवाड घालो.

प्रा.अम्लान चक्रवर्ती हांणी फिल्म एप्रीसिएशनाचे  महत्त्व अधोरेखित केले. “फिल्माची प्रशंसा  करप  म्हणल्यार फकत तोखणाय न्हय तर तो समजून घेवप. दर एक चित्रपट आपल्या प्रेक्षकांचेर परिणाम करपा खातीर तयार केल्लो आसता. कांय सिनेमा आमच्या मनान उरतात, आनी ते कित्याक अशें विचारपाची गरज आसा.” ऑस्कर 2025 खातीर भारतान लापता लेडीज फ़िल्मातल्यान  केल्ली अधिकृत नोंदणीचे उदाहरण दिवन ताणें चित्रपटांत खोलायेन  गुंथिल्लो समाजशास्त्रीय अर्थ स्पष्ट केलो.

उपरान्त, प्रा. भट्टाचार्य हांणी लघुपटांच्या विश्लेषणाचेर  लक्ष केंद्रित करपी एक विशेष सत्र आयोजित केले, जातुत सहभागींक लघु-फॉर्म सिनेमाच्या संरचनेविशी आनी  कथा सांगपाचें तंत्राविशी भोव मोलादिक म्हायती मेळ्ळी.

एनएफडीसीचे वेवस्थापकीय संचालक श्री प्रितुल कुमार हांणी प्रसार माध्यमांक सक्रीय वांटो घेवपा खातीर तांचे उपकार मानले आनी चित्रपट प्रचारांत प्रसार माध्यमांनी केल्ली म्हत्वाची भुमिका हाचेर भर दिलो. फिल्मां समजून घेवपाचें म्हत्व सांगतना तांणी सांगले की, "फिल्म एप्रीसिएशन कोर्स  खऱ्यांनीच फिल्मांच्या मळार खोलायेन शिकपाखातीर उपकाराक पडटलो जो प्रसार माध्यमांक तांचे विशीं समजून घेवपाक आनी बरोवपाक समृध्द करतलो."

माहिती आणि प्रसारण मंत्रालयाच्यो वेस्ट झोन महासंचालक श्रीमती स्मिता वत्स शर्मा हांणी भाग घेवप्यांक संबोधीत करतना म्हायती दिली की “हो अभ्यासक्रम भारतभरांतल्या माध्यमां खातीर उक्तो आसा, तातूंत गोंयकार आनी अखिल भारतीय प्रतिनिधींचो आस्पाव आसा कारण मिडिया सिनेमाच्या उत्सवांत आनी फिल्मांक देशभर आनी संवसारभर व्हरपाक म्हत्वाची भुमिका बजायता आनी ताका लागून आमच्या मिडिया वेवसायिकांक सोंपें जावचें म्हण ह्या अभ्यासक्रमाक इफ्फी वेळार वेळ थारायलाआयोजीत केला. तशेंच हें शक्य करपा खातीर एफटीआयआय हांणी दिल्ल्या अमूल्य आदार खातीर तिणें उपकार मानले.

चित्रपटांची परब फक्त मनोवपाचीच न्हय तर तांच्या गुंतागुंतीच्या तपशीलांत खोलायेन वचपाची गरज पीआयबी मुंबयचे संयुक्त दिग्दर्शक सय्यद रबीहश्मी हांणी उक्तायली. 

“विचारांचे आदान-प्रदान करपाक आनी संवसाराक सिनेमाची कला समजून घेवपाक मदत करपाक प्रसार माध्यमांची महत्वाची भुमिका आसा आनी फिल्म निर्माते म्हूण आमीय  आमचो  दृष्टिकोन  प्रेक्षकां मेरेनय पावयतात अशे अशा उपक्रमांचें म्हत्व सांगतना प्रा.मालिनी देसाय हांणी आपले मत उक्तायले. प्रसार माध्यमां आनी सिनेमा निर्माते  हांच्या मदल्या ह्या परस्परसंवादा लागून - जे दोगूय ‘संवादात्मक मळार ’ आसात,  एकामेकां विशींची समजूत खूब समृध्द जाता.” अशेंय तांणी मुखार म्हळे. 

“फिल्म पत्रकारांक शिक्षण दिवपा खातीर मंत्रालयान घेतिल्लो  हो एक व्हड फुडाकार आसा. तातूंतल्यान फिल्मां विशीं तांचें गिन्यान वाडटलें अशे मत १९९९ सावन इफ्फी कव्हर करपी पत्रकार आनी वाटेकार स्क्रीन ग्राफियाची श्रीमती हर्षिता हाणी उक्तायले. फुडल्या आवृत्त्यांनीय हो अभ्यासक्रम परतून जातलो अशी आस्त बाळगता अशेंय तांणी म्हळे. 

कितलीशीच वर्सासावन  इफ्फीत  वाटेकार जावपी  ज्येष्ठ पत्रकार श्री सत्येंद्र मोहन हांणी सांगले  की, “आपूण 1983 सावन  इफ्फीत  वाटेकार  जाता . हे सत्र खूब  माहितीपूर्ण आणि शिक्षणिक आशिल्ले.  ह्या सत्राक लागून पत्रकारांक  चित्रपटांचे अधिक कौतुक करपाक  मजत  जातली.” जे 55 व्या IFFIचो दर्जो वाडयतले. 

कार्यक्रमाची सांगता समारोप सत्रान जाली. सत्राक हाजीर आशिल्ल्या 30 परस  अधिक माध्यम प्रतिनिधींक  प्रमाणपत्रा  वितरीत केली. 

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa