0 2

بین الاقوامی فلم فیسٹیول آف انڈیا (افّی) کا 55 واں ایڈیشن 20 سے 28 نومبر 2024 تک گوا کی دلکش ریاست میں منعقد کیا جائے گا۔ اس سال کے  میلے سے توقع ہے کہ وہ سنیما  کا ایک شاندار مظاہرہ  ہوگا جس میں  متنوع بیانیے پیش کیے جائیں گے، اختراعی آوازیں سنائی دیں گی، اور ثقافتی تبادلے کو فروغ دیا جائے گا۔

گوا کے وزیر اعلی ڈاکٹر پرمود ساونت نے گوا میں مختصر تعارف  سے متعلق  پریس کانفرنس میں میڈیا سے خطاب کرتے ہوئے بتایا کہ گوا افّی کے 55ویں ایڈیشن کی میزبانی کے لیے پوری طرح تیار ہے اور فلموں کے اس  عظیم میلے میں مندوبین کا استقبال کرنے کے لیے تیار ہے۔ انہوں نے بتایا کہ فیسٹیول کے دوران 81 ممالک کی 180 بین الاقوامی فلمیں دکھائی جائیں گی۔ تمام مندوبین کے لیے فیسٹیول کے تمام مقامات پر سفر کی سہولت کے لیے مفت ٹرانسپورٹ کی سہولیات کا انتظام کیا جائے گا۔ جناب ساونت نے کہا کہ گوا کی فلموں پر  ایک خصوصی سیگمنٹ ہوگا جس میں 14 فلمیں دکھائی جائیں گی، جس میں  مقامی  صلاحیت  اور ثقافت کو نمایاں کیا جائے گا ۔ افّی پریڈ کے روٹ پر 'اسکائی لینٹرن' مقابلہ دکھایا جائے گا، اور شرکاء کو نقد انعامات دیے جائیں گے۔ جناب ساونت نے بتایا کہ 22 نومبر کو ای ایس جی آفس کے مقام سے کلا اکیڈمی تک افّی پریڈ کا انعقاد کیا جا رہا ہے۔

میڈیا سے خطاب کرتے ہوئے، انٹرٹینمنٹ سوسائٹی آف گوا کی وائس چیرمین محترمہ ڈیلیالہ لوبو نے کہا کہ اس فیسٹیول  کو ماحول دوست بنانے اور زندگی کے تمام شعبوں کے لوگوں کے لیے قابل رسائی بنانے کی تمام کوششیں کی جا رہی ہیں۔

اطلاعات و نشریات کی وزارت کے جوائنٹ سکریٹری اور این ایف ڈی سی کے منیجنگ ڈائریکٹر جناب پرتھول کمار نے کہا کہ اس سال 6500 مندوبین کو رجسٹر کیا گیا ہے جس میں گزشتہ سال کے مقابلے میں 25 فیصد اضافہ ہوا ہے۔ فیسٹیول کو فلم شائقین کے لیے مزید قابل رسائی بنانے کے لیے اس سال مزید 6 اسکرینیں اور 45 فیصد مزید اسکریننگ تھیٹر دستیاب کرائے جائیں گے۔ جناب کمار نے کہا کہ فیسٹیول میں فلم انڈسٹری کی نامور شخصیات شرکت کریں گی۔ جناب کمار نے یہ بھی بتایا کہ این ایف ڈی سی اطلاعات و نشریات کے وزیر جناب اشونی ویشنو کی قیادت میں پوری کوشش کر رہا ہے تاکہ یہ یقینی بنایا جا سکے کہ لوگوں کی شرکت اور مجموعی تجربے کے معیار کے لحاظ سے اس سال یہ فیسٹیول  نئی بلندیوں تک پہنچے۔ اطلاعات و نشریات کے وزیر مملکت ڈاکٹر ایل مروگن میلے کی تیاریوں کا مسلسل جائزہ لے رہے ہیں۔ جناب کمار نے کہا کہ فیسٹیول تمام اسٹیک ہولڈرز کو مربوط کارروائی کے ذریعے اکٹھا کرنے کی کوشش کرتا ہے اور سکریٹری آئی اینڈ بی کی قابل رہنمائی میں مختلف کاموں کو بروقت انجام دیتا ہے۔

جناب کمار نے یہ بھی بتایا کہ صحافیوں کو فلمی صنعت کے مختلف پہلوؤں کو گہرائی سے سمجھنے کے ساتھ فلمی کاروبار کے تمام پہلوؤں سے واقف کران ے کے لیے ایک پریس ٹور کا اہتمام کیا جائے گا۔

اطلاعات و نشریات کی وزارت  کی  جوائنٹ سکریٹری، محترمہ ورندا دیسائی، وزارت اور اطلاعات و نشریات کی وزارت کے ادارے پی آئی بی  کی ڈائریکٹر جنرل محترمہ اسمیتا  وتس شرما  اور پی آئی بی اور ای ایس جی کے سینئر افسران نے بھی میڈیا  کے سامنے افّی 2024 کی اہم جھلکیاں پیش کیں۔

یہ جھلکیاں   درج ذیل ہیں:

• افّی 2024 نوجوان فلم سازوں پر توجہ مرکوز کرتا ہے اور اس نے سی ایم او ٹی سیکشن میں ریکارڈ 1032 اندراجات حاصل کیے ہیں جب کہ گزشتہ سال موصول ہونے والے اندراجات کی تعداد   550 تھیں۔

• اطلاعات و نشریات کے وزیر کی بصیرت انگیز  رہنمائی کے تحت، افّی 2024 نوجوان فلم سازوں کو اہمیت دے گا ۔ "کرئیٹیو مائینڈز آف ٹومارو" پہل کو 100 نوجوان ٹیلنٹ (پچھلے ایڈیشن میں 75 سے زیادہ) کی حمایت کے لیے وسعت دی گئی  ہے، جس میں ملک بھر سے نوجوان فلمی طلباء کو شرکت کے لیے مدعو کیا گیا ہے۔

• ابھرتے ہوئے ٹیلنٹ کو اعزاز دینے کے لیے ایک نیا بہترین ڈیبیو انڈین ڈائریکٹر ایوارڈ متعارف کرایا گیا ہے، جس میں کیوریٹڈ ماسٹر کلاسز، پینل ڈسکشنز، اور نوجوان تخلیق کاروں کے لیے بنائی گئی فلم کی نمائش شامل ہے۔ مزید برآں، تفریحی زون افّیسٹا کا مقصد موسیقی، رقص، اور انٹرایکٹو تجربات کے ذریعے نوجوانوں کی شمولیت کو فروغ دینا ہے۔

• افّی  2024 کو 101 ممالک سے ریکارڈ 1,676 گذارشات موصول ہوئی ہیں، جو اس میلے کی بڑھتی ہوئی بین الاقوامی حیثیت کا ثبوت ہے۔ افّی 2024  میں 81 ممالک کی 180سے زیادہ  بین الاقوامی فلمیں پیش کی جائیں گی، جن میں 16 ورلڈ پریمیئرز، 3 انٹرنیشنل پریمیئرز، 43 ایشیائی پریمیئرز اور 109 ہندوستانی پریمیئرز شامل ہیں۔ عالمی سرکٹ سے مشہور ٹائٹلز اور ایوارڈ یافتہ فلموں کے انتخاب کے ساتھ، اس سال کا میلہ ناظرین پر دیرپا اثر چھوڑنے کے لیے تیار ہے۔

• اسکرین آسٹریلیا اور این ایف ڈی سی  کے درمیان  ایک مفاہمت نامے (ایم او یو) کے ذریعے آسٹریلیا ایک وقف فلم پیکج کی نمائش اور بھارت کے ساتھ تعاون کو فروغ دینے کے لیے فوکس کا ملک ہوگا۔ فیسٹیول کا آغاز مائیکل گریسی کی ایک آسٹریلیائی  فلم بیٹر مین سے ہوگا جو مشہور برطانوی پاپ اسٹار روبی ولیمز کی زندگی کی ایک دلکش جھلک پیش کرتی ہے۔

• ستیہ جیت رے لائف ٹائم اچیومنٹ ایوارڈ 'فلپ نوائس' کو دیا جائے گا، جو مشہور اور اعزاز یافتہ آسٹریلیائی  ہدایت کار ہیں، جو اپنی غیر معمولی کہانی سنانے اور سنسنی خیز، ثقافتی طور پر گونج والی فلمیں بنانے میں مہارت کے لیے مشہور ہیں۔ نوائس کی فلموگرافی میں پیٹریاٹ گیمز، کلیئر اینڈ پریزنٹ ڈینجر، سالٹ، دی سینٹ، دی بون کلیکٹر جیسی معروف  فلمیں  اور بہت سی دیگر  فلمیں شامل ہیں ۔ ہیریسن فورڈ، نکول کڈمین، انجلینا جولی، ڈینزیل واشنگٹن، اور مائیکل کین جیسے مشہور اداکاروں کے ساتھ ان کے تعاون نے سنیما پر ان کے دیرپا اثرات کو واضح کیا۔

• بین الاقوامی مقابلے کے سیکشن میں 15 فیچر فلمیں ہوں گی (12 بین الاقوامی اور 3 ہندوستانی) جو بہترین فلم کے ایوارڈ، گولڈن پیکاک اور 40 لاکھ کے نقد انعام کے لیے مقابلہ کریں گی۔ بہترین فلم کے علاوہ، جیوری بہترین ہدایت کار، بہترین اداکار (مرد)، بہترین اداکار (خواتین)، خصوصی جیوری انعام کے زمرے میں بھی فاتحین کا تعین کرے گی۔

• بہترین فیچر فلم ڈیبیو ڈائریکٹر ایوارڈ کے زمرے میں، 5 بین الاقوامی اور 2 ہندوستانی فلمیں موقر  سلور پیکاک، 10 لاکھ ہندوستانی روپے بطور نقد انعام اور ایک سرٹیفکیٹ کے لیے مقابلہ کریں گی۔

• بین الاقوامی جیوری کی سربراہی معروف ہندوستانی فلم ساز جناب آشوتوش گواریکر (چیئرپرسن) کریں گے اور ان میں انتھونی چین، ایک مشہور سنگاپوری مصنف، ہدایت کار، اور پروڈیوسر، الزبتھ کارلسن، برطانیہ کے معزز پروڈیوسر، فران بورجیا، ایشیا میں مقیم ایک ممتاز پروڈیوسر اور جِل بلکاک، ایک مشہور آسٹریلیائی فلم ایڈیٹر پروڈیوسر بھی شامل ہوں گے۔

• انڈین پینوراما سیکشن میں 25 فیچر فلمیں اور 20 غیر فیچر فلمیں دکھائی جائیں گی جو ہندوستان کی ثقافتی اور لسانی تنوع کی نمائندگی کرتی ہیں۔ اس سیگمنٹ میں اوپننگ فیچر فلم، سواتنتریہ ویر ساورکر (ہندی)، جس کی ہدایت کاری رندیپ ہوڈا نے کی ہے، اور اوپننگ نان فیچر فلم، گھر جیسا  کچھ (لداخی) شامل ہیں۔

• نیا ایوارڈ "بہترین انڈین ڈیبیو ڈائرکٹر" کو ملک بھر میں نوجوان فلم سازی کی صلاحیتوں کو پہچاننے کے لیے قائم کیا گیا ہے جو افّی کے تھیم سے ہم آہنگ کیا گیا ہے جس کا مرکز 'ینگ فلم میکرز' ہے۔ مجموعی طور پر 102 فلموں میں سے 5 فلمیں اس ایوارڈ کے لیے مقابلہ کریں گی۔ انعام میں سرٹیفکیٹ اور نقد انعام 5 لاکھ روپے اختتامی تقریب میں دیے جائیں گے۔

• بیسٹ ویب سیریز (او ٹی ٹی ) ایوارڈ کو گزشتہ سال 32 کے مقابلے اس سال 46 انٹریز موصول ہوئی ہیں۔ جیتنے والی سیریز کو انعامی رقم کے طور پر سرٹیفکیٹس اور 10 لاکھ کا نقد انعام دیا جائے گا، جس کا اعلان اختتامی تقریب میں کیا جائے گا۔

• صد سالہ تقریبات: افّی 2024 ہندوستانی سنیما کی ما  یہ ناز شخصیات  جیسے  راج کپور، محمد رفیع، تپن سنہا، اور اکینی نی ناگیشورا راؤ کو خراج تحسین پیش کرے گا جس میں افتتاحی اور اختتامی تقریبات میں خصوصی آڈیو وژول پرفارمنس، افّیسٹا میں امرسی  نمائشیں، اور انڈیا پوسٹ کے ذریعے ایک یادگار مائی اسٹامپ  سیریز کی نمائش کی جائے گی ۔ حکومت کے نیشنل فلم ہیریٹیج مشن (این ایف ایچ ایم) کے تحت این ایف ڈی سی – این ایف اے آئی  کے ذریعے بحال کی گئی فلموں  میں سے ہر ایک کی ایک کلاسک فلم بھی افّی میں دکھائی جائے گی جس میں راج کپور کی آوارہ، اکینی نی ناگیشور راؤ کی دیوداسو (1953)، محمد رفیع  کے ذریعہ ہم دونوں اور تپن سنہا کے ذریعہ  ہارمونیم  شامل ہیں۔

• چار نئے بین الاقوامی پروگرامنگ سیکشنز جیسے رائزنگ اسٹارز (ابھرتے ہوئے ہدایت کاروں کا جشن منانے والے)، مشن لائف (ماحول سے متعلق سنیما پر توجہ مرکوز کرنا)، آسٹریلیا: کنٹری آف فوکس، اور ٹریٹی کنٹری پیکیج، جس میں برٹش فلم انسٹی ٹیوٹ کے منتخب کردہ انتخاب شامل ہیں۔

• افّی  2024 خواتین کے ذریعہ  ہدایت کی گئی 47 فلموں اور نوجوان اور ڈیبیو فلم سازوں کی 66 فلموں کے ساتھ تنوع اور شمولیت پر بھی  توجہ  مرکوزکرے گا، جو کم نمائندگی والی آوازوں کو بڑھانے کے لیے میلے کے عزم کی عکاسی کرتا ہے۔ ویمین ان سنیما سیکشن ابھرتی ہوئی صلاحیتوں اور خواتین فلم سازوں کی نمایاں شراکت کو اجاگر کرے گا۔

• اسکریننگ کے لیے 6 اضافی تھیٹر دستیاب ہوں گے جس میں انوکس  مڈگاؤں کے 4 تھیٹر اور انوکس پونڈا کے 2 تھیٹر شامل ہیں۔ فیسٹیول کے دوران 5 مقامات پر 270 سے زائد فلموں کی نمائش کی جائے گی – انوکس پنجم (4)، ماکوئنز پیلس (1)، انوکس پوروورم (4)، انوکس مڈگاؤں(4)   انوکس پونڈا  (2) اور زیڈ اسکوائر سمراٹ اشوک (  (2۔اس کے علاوہ پورے گوا میں فلم کی نمائش کے لیے 5 پکچر ٹائم انفلٹیبل تھیٹر لگائے جا رہے ہیں۔

• سی ایم اوٹی پہل نے اس سال 1,032 اندراجات کے ساتھ ریکارڈ توڑ شرکت حاصل کی ہے، جو 2023 کے مقابلے میں تقریباً دوگنی ہے۔ یہ پروگرام 13 فلم سازی کے ہنر میں نوجوان ٹیلنٹ کو فروغ دیتا ہے، اور پہلی بار 100 شرکاء کا انتخاب کیا جائے گا، جو خواہشمند فلم سازوں کے لیے ایک منفرد پلیٹ فارم پیش کرے گا۔

• ماسٹرکلاسز، پینلز، اور انڈسٹری کی مصروفیت: فلم کے شائقین کلا اکیڈمی میں 25سے زیادہ   ماسٹر کلاسز اور پینل ڈسکشن کا انتظار کر سکتے ہیں، جس کی قیادت انڈسٹری کے نامور شخصیات جیسے کہ اے آر رحمان، پرسون جوشی، شبانہ اعظمی، منی رتنم، ودھو ونود چوپڑا، اور بین الاقوامی مہمان  جیسے فلپ نوائس اور جان سیل کریں گے۔ شرکاء ساؤنڈ  ڈیزائن، ڈیجیٹل دور میں اداکاری، اور فلم سازی کے مستقبل کے بارے میں بصیرت حاصل کریں گے۔

• فلم بازار 2024: جنوبی ایشیا کی سب سے بڑی فلم مارکیٹ: فلم بازار کا 18 واں ایڈیشن  توقع کے مطابق اب تک کا سب سے بڑا  بازار ہوگا ، جس میں فلم مارکیٹ کے مختلف عمودی حصوں میں 350سے زیادہ  فلمی پروجیکٹس شامل ہیں۔ ’مارشے دو کینز‘ کے سابق مارکیٹ ہیڈ جناب جروم پیلرڈ نے فلم بازار کے مشیر کا عہدہ سنبھال لیا ہے۔ نالج سیریز میں فلم پروڈکشن، ڈسٹری بیوشن اور بین الاقوامی تعاون پر پچنگ سیشنز اور ورکشاپس شامل ہوں گی۔ 2007 میں اپنے قیام کے بعد سے، فلم بازار جنوبی ایشیا کا سب سے بڑا اور ضروری فلمی بازار بن گیا ہے۔ اس سال پویلینز اور نمائشیں واٹر فرنٹ پرومنیڈ کے ساتھ لگائی جائیں گی اور اس میں مختلف ممالک اور ریاستوں، فلم انڈسٹری، ٹیک اینڈ وی ایف ایکس انڈسٹری وغیرہ کی زبردست شرکت دیکھی گئی ہے۔ فکّی کے ساتھ شراکت داری کے ذریعے کئی اسکیل اپ کیے جا رہے ہیں، تاکہ پویلین میں صنعت کی  بہتر شرکت کو  یقینی بنانے  میں مدد ملے۔اس سال کے فلم بازار میں کھلی ’خریدار – فروخت کنندہ‘میٹنگ کا بھی اہتمام کیا جائے گا، جہاں فلم ساز معاونین  سے مل سکتے ہیں۔

• افّیسٹا‘ ثقافتی میلوں کے ساتھ ایک تعاملی  تجربہ: افّی 2024 پہلی افّیسٹا کی میزبانی کرے گا، جو ایک تفریحی شاندار پروگرام  ہے، جو فلم، موسیقی، رقص، کھانے، آرٹ، اور انٹرایکٹو تجربات کے جادو کے ذریعے فیسٹیول کی ثقافتی رونق کو بڑھائے گا۔ جو زومیٹو کے ذریعے ڈسٹرکٹ کے ذریعے فروغ دیا گیا  ،  افّیسٹا میں کیوریٹڈ لائیو پرفارمنس، کھانے اور تفریحی زون کے لیے ایک خصوصی زون ہوگا۔ کلا اکیڈمی اور اس کے ارد گرد تفریحی میدان نوجوانوں کے لیے مرکوز رہے گا۔ اس میں ہندوستانی سنیما کے سفر پر نمائش کے ساتھ 4 صد سالہ  تقریبات کی شاندار نمائش ہوگی۔ 22 نومبر کو افّیسٹا کے حصے کے طور پر 'جرنی آف انڈین سنیما' کے گرد ایک کارنیول پریڈ کا اہتمام کیا جائے گا۔

• رسائی اور شمولیت: افّی کی تاریخ میں پہلے قدم  کے طور پر، 55 ویں افّی ایک قابل رسائی تقریب ہو گی۔ اس بات کو یقینی بنانے کے لیے کہ فلم فیسٹیول تمام سنے فائیلز ، خاص طور پر دیویانگ جنوں سمیت کم نقل و حرکت  والے شائقین کے لیے قابل رسائی ہو، افّی نے سوئیم جو کہ  ایک اہم تنظیم ہے،  کو ایکسیسی بلٹی پارٹنر کے طور پر نامزد کیا ہے۔ افّی  2024 شمولیت کے لیے پرعزم ہے، تمام جگہوں کو جسمانی طور پر قابل رسائی بنایا گیا ہے، رضاکاروں کو معذور افراد کے بارے میں حساس بنایا گیا ہے۔ افّی میں فلموں، پروگراموں اور تقاریب  کو قابل رسائی خصوصیات سے آراستہ کیا جا رہا ہے جیسے کہ آڈیو کی وضاحت اور اشاروں کی زبان کی تشریح، موبائل ایپلی کیشنز کے استعمال کے ذریعے رسائی کو یقینی بنانا، عزت مآب وزیر اعظم کی طرف سے دیے گئے "سب کا ساتھ، سب کا وکاس" کے جذبے کو عملی جامہ  پہنانا ۔

• ایم ڈی، این ایف ڈی سی کی پاورپوائنٹ پریزنٹیشن پڑھنے کے لیے یہاں کلک کریں۔

مزید پڑھیں - کل کے تخلیقی اذہان کی تفصیلات:

• https://pib.gov.in/PressReleaseIframePage.aspx?PRID=2067309

• https://www.iffigoa.org/public/press_release/screening.pdf

• https://pib.gov.in/PressReleaseIframePage.aspx?PRID=2067309

• https://pib.gov.in/PressReleaseIframePage.aspx?PRID=2067101

*************

ش ح ۔ ا گ ۔ ر ب

U. No.2636