0 2

#IFFIWood, 19 नोव्‍हेंबर 2024

55वो भारतीय आंतरराष्ट्रीय चित्रपट महोत्सव 20 ते 28 नोव्हेंबर 2024 मेरेन गोंयच्या सोबीत राज्यांत जावपाक सज्ज आसा. अंदूंचो महोत्सव एक सिनेमाचो एक्स्ट्रावागांझा जावपाचें उतर दिता, जातूंत विंगड विंगड कथन, अभिनव आवाज आनी सांस्कृतीक दिवप-घेवप जातले.

गोंयांत जाल्ल्या कर्टन रेझर पत्रकार परिशदेंत मिडियाक संबोधीत करतना, डॉ. प्रमोद सावंत हांणी गोंयांत इफ्फीच्या 55व्या आवृत्तीची येजमानकी करपाक गोंय सज्ज आसा आनी चित्रपटांच्या भव्य महोत्सवांत प्रतिनिधींक येवकार दिवपाक तयार आसा, अशी म्हायती दिली. ह्या महोत्सवांत 81 देशांतले 180 आंतरराष्ट्रीय चित्रपट दाखयतले, अशी म्हायती तांणी दिली. सगळ्या प्रतिनिधीं खातीर महोत्सवाच्या सुवातींनी भोंवप सोंपें जावचें म्हणून फुकट येरादारीची वेवस्था करतले. गोंयच्या फिल्म्साचेर एक खाशेलो विभाग आसतलो, तातूंत थळाव्या प्रतिभेची आनी संस्कृतायेची परब मनयतना, 14 चित्रपट दाखयतले, अशें श्री सावंत हांणी सांगलें. इफ्फी परेड मार्गाचेर ‘आकाशकंदील’ सर्त जातली, आनी भाग घेवप्यांक रोख इनामां दितले. इफ्फी परेड 22 नोव्हेंबराक ईएसजी ऑफिस स्थळा वयल्यान, कला अकादमी मेरेन आयोजीत केल्या, अशी म्हायती श्री सावंत हांणी दिली.

प्रसार माध्यमांक संबोधीत करतना, गोंय मनरीजवण सोसायटीची उपाध्यक्ष दिलायला लोबो हिणें सांगलें, कि हो महोत्सव पर्यावरणाक अनुकूल करपाक आनी सगळ्या थरांतल्या लोकांक अनुभवपाक मेळपा खातीर सगळे यत्न केल्यात.

म्हायती आनी प्रसारण मंत्रालयाचे संयुक्त सचीव आनी एनएफडीसीचे वेवस्थापकीय संचालक, श्री पृथुल कुमार हांणी सांगलें, कि अंदूं 6500 प्रतिनिधींची नोंदणी जाल्या आनी फाटल्या वर्सा परस 25 टक्क्यांनी वाड जाल्या. फिल्म मोगींक फिल्म महोत्सव चड सुलभ करपा खातीर अंदूं आनीक 6 पडदे आनी 45 टक्के चड सिनेमा प्रदर्शन उपलब्ध करतले. ह्या महोत्सवाची सोबीतकाय वाडोवपाक फिल्म क्षेत्रातले नामनेचे व्यक्ती वाटेकार जातले, अशें श्री कुमार हांणी सांगलें. लोकांचो सहभाग आनी एकंदर अणभवाच्या दर्ज्यार अंदूं हो महोत्सव नव्या उंचायेर पावचो हे खातीर एनएफडीसी, म्हायती आनी प्रसारण मंत्री श्री अश्विनी वैष्णव हांच्या फुडारपणा खाला, सगळे यत्न करता असोय उल्लेख श्री कुमार हांणी केला. म्हायती आनी प्रसारण राज्यमंत्री डॉ. एल. मुरुगान ह्या महोत्सवाचे तयारेचो नियाळ सेगीत घेतात. सचीव आय अँड बीच्या सक्षम मार्गदर्शना खाला, समन्वयात्मक कृती आनी वेगवेगळ्या कामांची वेळार अंमलबजावणी करून सगळ्या भागधारकांक एकठांय हाडपाचो यत्न ह्या महोत्सवांत जाता अशेंय, श्री कुमार हांणी सांगलें.

फिल्म उद्देगाच्या वेगवेगळ्या आंगां विशीं खोलायेन समजून घेवन, पत्रकारांक फिल्म वेवसायाच्या सगळ्या गजालींची वळख करून दिवपा खातीर 'प्रेस भोंवडी' घडोवन हाडटले, अशीय म्हायती श्री कुमार हांणी दिली.

म्हायती आनी प्रसारण मंत्रालयाची संयुक्त सचीव वृंदा देसाई, म्हायती आनी प्रसारण मंत्रालय पीआयबीची महासंचालक स्मिता वत्स शर्मा; आनी पीआयबी ईएसजीचे वरिश्ठ अधिकारी ह्यावेळार उपस्थित आशिल्ले.

पत्रकार परिशदेंत इफ्फी 2024च्या मुखेल खाशेलपणांची म्हायती, प्रसार माध्यमांक दिली. तेविशी हि म्हायती:

• इफ्फी  2024 तरणाट्या फिल्म निर्मात्यांचेर लक्ष केंद्रीत करता आनी फाटल्या वर्सा सीएमओटी विभागांत 550  नोंदी आयिल्ल्यो जाल्यार अंदु विक्रमी 1032 नोंदी आयल्यात.
• म्हायती आनी प्रसारण मंत्र्यांच्या हांच्या मार्गदर्शना खाला इफ्फी 2024 तरणाट्या चित्रपट निर्मात्यांचेर भर दिता. “क्रिएटिव्ह माइंड्स ऑफ टुमॉरो” ह्या उपक्रमाचो 100 तरणाट्या प्रतिभेमेरेन (फाटल्या आवृत्तींत 75 परस चड) आदार दिवपाक विस्तार केला आनी देशभरांतल्या तरणाट्या फिल्म विद्यार्थ्यांक वांटो घेवपाक आपयलां.
• उदयाक येवपी प्रतिभेचो भोवमान करपा खातीर नवो बेस्ट डेब्यू इंडियन डायरेक्टर पुरस्कार सुरू केला. तशेच क्युरेट केल्ले मास्टरक्लास, पॅनल डिस्कशन, आनी तरणाट्या निर्मात्यां खातीर तयार केल्ले फिल्म प्रदर्शन आसात. ते भायर, मनरिजवण क्षेत्र  इफ्फीयेस्टात संगीत, नाच आनी परस्पर संवादात्मक अणभवांतल्यान तरणाट्यांची संलग्नताय वाडोवपाचो हेत आसा.
• अंदूंच्या इफ्फीक 101 देशांतल्यान 1,676 सादरीकरणां आयल्यात, ही महोत्सव आंतरराष्ट्रीय पांवड्यार वाडत आशिल्ल्याची गवाय आसा. इफ्फी 2024सात 81 देशांतले 180+ आंतरराष्ट्रीय चित्रपट सादर करतले, तातूंत 16 संवसारीक प्रीमियर, 3 आंतरराष्ट्रीय प्रीमियर,  43 आशियाई प्रीमियर आनी 109  भारतीय प्रीमियर आसतले. संसारिक सर्किटांतल्यान हीं नामनेचीं आनी पुरस्कार फावो जाल्ल्या चित्रपटांची निवड आशिल्ल्यान, ह्या वर्साच्या महोत्सवाचो प्रेक्षकांचेर टिकपी प्रभाव  जावपाचो आसा.
• ऑस्ट्रेलिया इफ्फी 2024 खातीर 'कंट्री ऑफ फोकस' देश आसतलो, ऑस्ट्रेलियन चित्रपटांचें समर्पीत पॅकेज महोत्सवांत आसतले. मुखेल गजाल म्हळ्यार स्क्रीन ऑस्ट्रेलिया आनी एनएफडीसी हांचे मदीं समाजिकायेची कबलात (एमओयू). मायकल ग्रेसीच्या 'बेटर मॅन' ह्या ऑस्ट्रेलियन चित्रपटाच्या आशिया प्रीमियरांतल्यान ह्या महोत्सवाची सुरूवात  जातली, जो प्रतिकात्मक ब्रिटीश पॉप स्टार रॉबी विल्यम्साच्या जिविताची एक मनभुलोवपी झलक दितलो.
• इफ्फी 2024 सात सत्यजीत रे जीणेगौरव पुरस्कार फिलीप नॉयस ह्या नामनेच्या आनी पुरस्कार प्राप्त ऑस्ट्रेलियन दिग्दर्शकाक प्रदान करतले. अपवादात्मक कथाकथन आनी सस्पेन्सफुल, संस्कृतीक नदरेन प्रतिध्वनीत चित्रपट तयार करपाच्या निपुणतेखातीर ताची नामना आसा. नॉयसाच्या फिल्मोग्राफींत पॅट्रियट गेम्स, क्लियरअँड प्रेजेंट डेंजर, सॉल्ट, द सेंट, द बोन कलेक्टर आनी हेर जायते नामनेचे चित्रपट आसात. हॅरिसन फोर्ड, निकोल किडमन, एंजेलीना जोली, डेन्झेल वॉशिंग्टन, मायकल केन ह्या नामनेच्या कलाकारांकडेन ताणें केल्ल्या सहकार्यांतल्यान, सिनेमात तांचे म्हत्वाचे योगदान स्पश्ट जाता.
• 15 फिचर फिल्मांक (12 आंतरराष्ट्रीय + 3 भारतीय) सर्वोत्कृष्ट फिल्म पुरस्कार, भांगराळो मोर आनी 40 लाख रुपयाखातीर सर्त करपाक वेंचून काडल्यात. उत्कृश्ट चित्रपट सोडल्यार उत्कृश्ट दिग्दर्शक, उत्कृश्ट अभिनेतो (दादलो), उत्कृश्ट अभिनेत्री (बायल), खाशेल्या जूरी इनामाच्या वर्गांतले विजेते लेगीत, जूरी थारायतली.
• 5 आंतरराष्ट्रीय आनी 2 भारतीय  फिल्म्स ह्या विभागांत रुप्या मोर, रोख इनाम म्हणून 10 लाख रुपया आनी प्रमाणपत्रा खातीर सर्त करतले.
• श्री. आशुतोष गोवारीकर (अध्यक्ष) प्रशंसीत भारतीय फिल्म निर्माते आनी अभिनेते, अँथनी चेन एक नामनेचे सिंगापूरचे लेखक, दिग्दर्शक, आनी निर्माते, एलिझाबेथ कार्लसन आदराणीय ब्रिटन निर्माती, फ्रान बोर्गिया हि आशियांत रावपी एक नामनेची निर्माती आनी जिल बिलकॉक हे एक नामनेचे ऑस्ट्रेलियन चित्रपट संपादक, हांचो आस्पाव आसा.
• इंडियन पॅनोरमा विभागांत भारताच्या गिरेस्त सांस्कृतीक आनी भाशीक विविधतायेचें प्रतिनिधित्व करपी 25 फिचर फिल्मां आनी 20 नॉन फीचर फिल्मां दाखयतले. ह्या विभागांत रणदीप हुड्डा हांणी दिग्दर्शीत केल्लो उक्तावणाचो फीचर चित्रपट 'स्वातंत्र्य वीर सावरकर' (हिंदी) आनी उक्तावणाचो नॉन फीचर चित्रपट 'घर जैसा कुछ' (लद्दाखी) हांचो आस्पाव जाता.
• देशभरांतल्या तरणाट्या चित्रपट निर्मितीच्या प्रतिभेक वळखुपाक स्थापन केल्लो हो नवो पुरस्कार म्हळ्यार, ‘युवा फिल्म निर्मात्यां’चेर लक्ष केंद्रीत केल्ल्या इफ्फीच्या विशयाक जुळोवन घेवपी आसा. वट्ट 102 चित्रपट सादर केल्ल्यांतल्यान, 5 चित्रपट ह्या पुरस्कारा खातीर सर्त करतले. समारोप सुवाळ्यांत दिग्दर्शकाक 5 लाख रुपया रोख इनाम आनी प्रमाणपत्र प्रदान करतले.
• सर्वोत्कृष्ट वेब सिरीज (ओटीटी) पुरस्कार विभागांत अंदूं 46 अर्ज आयल्यात, जाल्यार फाटल्या वर्सा 32 अर्ज आयिल्ले. जिखपी वेब सीरीजाक प्रमाणपत्रां आनी 10 लाख रोख इनाम म्हणून दितले, जो समारोप सुवाळ्यांत जाहीर जातलो.
• शताब्दी उत्सव: इफ्फी 2024सात भारतीय सिनेमातल्या राज कपूर, मोहम्मद रफी, तपन सिन्हा, आनी अक्किनेनी नागेश्वर राव ह्या  नामनेच्या व्यक्तींक उक्तावण आनी समारोप सुवाळ्यांत खाशेले ऑडियो-व्हिज्युअल सादरीकरणावरवीं आनी इफ्फीएस्टांत प्रदर्शनांवरवीं आर्गा ओपतले. सरकाराच्या नॅशनल फिल्म हेरिटेज मिशन (एनएफएचएम) खाला एनएफडीसी-एनएफएआयन परतून तयार केल्लो, ह्या दरेका दिग्गजांचो एक क्लासिक चित्रपट इफ्फीत दाखयतले. जातूंत राज कपूर हांचो आवारा, अक्किनेनी नागेश्वर राव हांचो देवदसू (1953), मोहम्मद रफी हाचो हम दोनो आनी तपन सिन्हा हाचो हार्मोनियम ह्या चित्रपटाचो आस्पाव जाता.
• इफ्फी 2024 चार नव्या आंतरराष्ट्रीय प्रोग्रामिंग विभागांची वळख करून दिता: रायजिंग स्टार (उदेंतेकडल्या दिग्दर्शकांचो  उत्सव मनयतात), मिशन लायफ (इको-जागृती  सिनेमाचेर भर दिवपी), ऑस्ट्रेलिया: कंट्री ऑफ फोकस, आनी ट्रीटी कंट्री पॅकेज, जातूंत ब्रिटीश फिल्म इन्स्टिट्यूटान क्युरेट केल्लीं फिल्म आसात.
• इफ्फी 2024 बायलांनी दिग्दर्शीत केल्ल्या 47 चित्रपटांनी आनी तरणाट्या आनी पदार्पणांतल्या चित्रपट निर्मात्यांच्या 66 कृतींनी विविधताय आनी समावेशीय वस्तादपण चालू दवरता, जें कमी प्रतिनिधित्व आशिल्ल्याक उरबा दीवन  महोत्सवाची वचनबद्धताय दाखयता. सिनेमांतल्या बायलां विभागांत उदयाक येवपी प्रतिभेचेर आनी बायल चित्रपट निर्मात्यांच्या म्हत्वाच्या योगदानाचेर भर दितले.
• आयनॉक्स मडगांव & आयनॉक्स फोंडेंची  2 चित्रपट घरां ह्या वर्सा महोत्सवाच्या प्रदर्शना खातीर जोडल्यात. ह्या महोत्सवांत 270 परस चड सिनेमा 5 सुवातींनी दाखयतले – आयनॉक्स पणजी  (4), मेकनीज पॅलेस (1), (4), आयनॉक्स मडगांव (4), आयनॉक्स फोंडा (2) & झेड स्क्वेर सम्राट अशोक (2). ते भायर गोंयभर फिल्म दाखोवपा खातीर 5 पिक्चर टाईम इन्फ्लेटेबल थिएटर आसतली.
• क्रिएटिव्ह माइंड्स ऑफ टुमॉरो (सीएमओटी) उपक्रमांत अंदूं 1,032 नोंदीं सयत  विक्रमी सहभाग दिसता, जो 2023 वर्साच्या सुमार दुपेटीन  आसा.हो कार्यक्रम 13 फिल्म निर्मिती क्राफ्टांतल्यान तरणाट्या प्रतिभेक पोसवण दिता, आनी पयलेच खेपे , 100 भाग घेवप्यांक वेंचून काडटले, जे आकांक्षी फिल्म निर्मात्यां खातीर एक आगळोच मंच दितले.
• एआर रहमान, शबाना आझमी, मणि रत्नम, विधू विनोद चोपडा सारकिल्या उद्देगीक दिग्गज आनी फिलीप नॉयस सारकिल्या आंतरराष्ट्रीय दिग्गजाच्या फुडारपणा खाला कला अकादेमींत 25+ मास्टरक्लास आनी पॅनल चर्चा जावपाची आस्त बाळगूंक शकता. जॉन सील सारकिल्ले अणभवी तज्ञ हांतूत वांटेकार जातात. हाजीर आशिल्ल्यांक ध्वनी डिझायन, डिजिटल युगांत अभिनय, आनी चित्रपट निर्मितीच्या फुडारा विशीं म्हायती मेळटली.
• फिल्म बाजाराची 18 वी आवृत्ती आतां मेरेनची सगळ्यांत व्हडली जावपाची आसा, फिल्म बाजारांतल्या वेगवेगळ्या भागांनी 350+ फिल्माचो आस्पाव आसा. चित्रपट निर्मिती, वितरण, आनी आंतरराष्ट्रीय सहकार्याचेर सत्रां आनी कार्यशाळा आसतल्यो.  ‘मार्श डु कान्स’ चे आदले मार्केट मुखेली श्री जेरोम पिलार्ड हांणी फिल्म बाजाराचो सल्लागार म्हणून काम सांबाळ्ळां. ह्या ज्ञान माळेंत चित्रपट निर्मिती, वितरण, आनी आंतरराष्ट्रीय सहकार्याचेर पिचिंग सत्रां आनी कार्यशाळा आसतल्यो. 2007 वर्सा सुरू जाले उपरांत फिल्म बाजार दक्षिण आशियांतलें सगळ्यांत व्हडलो  आनी महत्वाचो  फिल्म बाजार जालां.
• अंदूं, पॅव्हिलियन आनी प्रदर्शनां स्थापन जातली आनी वेगवेगळ्या देशांनी राज्यांनी, फिल्म उद्देग, तंत्रगिन्यान आनी व्हीएफएक्स उद्देग, आदी कडल्यान व्हड प्रमाणांत वांटो घेतली. फिक्की कडेन भागीदारी वरवीं जायते स्केल-अप करतात आनी  बरे तरेन निश्चीत करपाक मदत करपाक वांटो घेतात. अंदूंच्या फिल्म बाजारांतय उक्ती ‘खरेदीदार-विक्रेते’ मेळावो घडोवन हाडटले, जंय फिल्म निर्मात्यांक सहकाऱ्याक  मेळपाक मेळटलें.
• ‘इफ्फीफीयेस्टा’ एक परस्पर संवादात्मक अणभव सांस्कृतीक उत्सव: ह्या वर्सा, इफ्फी पयलो फीयेस्टा, एक मनरिजवणेची कार्यावळ आयोजीत करतली, जो फिल्म, संगीत, नाच, जेवण, कला, आनी परस्पर संवादात्मक अणभवांवरवीं समाजांक एकठांय हाडपा खातीर तयार केला. महोत्सवांत वचपी लोकां खातीर क्युरेट केल्लें जेवण आनी संगीत आसतले.   जाका लागून महोत्सवाची सांस्कृतीक जीवेपण  वाडटले. कला अकादेमींत आनी ताचे भोंवतणीं मनरिजवण अॅरेना तरणाट्यां खातीर केंद्रीत आसतलो. तशेंच झोमाटोच्या भागीदारींतल्यान सादरीकरणां घडोवन हाडटले. ‘जर्नी ऑफ इंडियन सिनेमा’ भोंवतणी कार्निवाल परेड 22 नोव्हेंबर 2024 दिसा फिएस्टाचो एक भाग म्हूण घडोवन हाडटले.
• सुलभताय आनी समावेशकता: इफ्फीच्या इतिहासांत पयलेच फावट , 55 वी इफ्फी सुलभ इफ्फी आसतली. फिल्म महोत्सव सगळ्या सिनेमाप्रेमींक, खास करून दिव्यांगजना सयत चलपांक त्रास आशिल्ल्यांक सुलभ आसचो, हे खातीर इफ्फीन एक संस्थेवरवी स्वयम सुलभताय अशे हे व्यवस्थेक नांव दिलां. इफ्फी 2024 समावेशकताये खातीर बांदील  आसा, सगळ्यो सुवाती भौतिक रितीन सुलभ केल्यात, दिव्यांगजानाच्या गरजे विशीं स्वयंसेवकांक संवेदनशील केल्यात. इफ्फीतल्या सिनेमा, कार्यावळी, कार्यावळींनी ऑडिओ, सांकेतिक भाशेचो अर्थ लावप, ऍप्लिकेशनांचो वापर करून सुलभताय सुनिश्चीत करप, भारताच्या प्रधानमंत्र्यांनी  दिल्ल्या “सबका साथ, सबका विकास” च्या घोषणेक मूर्त रूप दिवप अशीं सुलभताय खाशेलपणां आसात.

एमडी, एनएफडीसी हांणी केल्लें पॉवरपॉइंट सादरीकरण वाचपा खातीर उपकार करून हांगा क्लिक करात

क्रिएटिव्ह माइंड्स ऑफ टुमॉरो विशी म्हायती :

• https://pib.gov.in/PressReleaseIframePage.aspx?PRID=2067309
• https://www.iffigoa.org/public/press_release/screening.pdf
• https://pib.gov.in/PressReleaseIframePage.aspx?PRID=2067309
• https://pib.gov.in/PressReleaseIframePage.aspx?PRID=2067101

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa