#IFFIWood, 18 नोव्‍हेंबर 2024

 

म्हायती आनी प्रसारण मंत्रालय (भारत सरकार), राष्ट्रीय चित्रपट विकास म्हामंडळ (एनएफडीसी) आनी गोंय सरकारान, एंटरटेनमेंट सोसायटी ऑफ गोवा (ईएसजी) वरवीं संयुक्तपणान आयोजीत केल्ल्या आंतरराष्ट्रीय चित्रपट महोत्सवाची 55 वी आवृत्ती 20 ते 28 नोव्हेंबर 2024 मेरेन गोंयच्या सोबीत राज्यांत जावपाची आसा. अंदूंचो महोत्सव एक सिनेमॅटिक एक्स्ट्राव्हॅगान्झा जावपाचें उतरा वांगडाच, तातूंत विंगड विंगड कथा, नाविन्यपूर्ण आवाज आनी सांस्कृतीक आदान-प्रदान वाडोवपाचेर भर दिता.

गोंयचे मुखेलमंत्री  डॉ.प्रमोद सावंत हाणी आयज इफ्फी मिडिया सेंटरांत पत्रकार परिशद घेतली. हे वेळार, गोंय मनरिजवण सोसायटीच्यो  उपाध्यक्ष श्रीमती डीलायला लोबो, म्हायती आनी प्रसारण मंत्रालयाचे संयुक्त सचीव आनी एनएफडीसीचे वेवस्थापकीय संचालक श्री प्रीथूल कुमार, म्हायती आनी प्रसारण मंत्रालयाच्यो संयुक्त सचीव श्रीमती वृंदा देसाय, म्हायती आनी प्रसारण मंत्रालय पीआयबीच्यो महासंचालक श्रीमती स्मिता वत्स शर्मा; आनी पीआयबी आनी ईएसजीचे वरिश्ठ अधिकारी हाजीर आशिल्ले.

अंदु वर्साच्या नव्या उपक्रमांची म्हायती दितना डॉ. सावंत हांणी सांगले की, ‘स्काय लँटर्न’  सर्तीच्यो प्रवेशिका  इफ्फी परेडच्या मार्गार प्रदर्शित करतले  आनी  वाटो घेवप्यांक रोख इनामां दितले. 22 नोव्हेंबराक ईएसजी कार्यालय ते कला अकादमीमेरेन इफ्फी परेडीचे आयोजन करतले.

ह्या महोत्सवांत 81 देशांतले 80 आंतरराष्ट्रीय चित्रपट दाखयतले. महोत्सवाच्या सुवातींनी भोंवपाक सोंपें जावचें म्हणून फुकट येरादारीची वेवस्था करतले. गोंय फिल्मां विशीं खाशेलो विभाग आसतलो, जातूंत थळाव्या प्रतिभेची आनी संस्कृतायेची परब मनयतना 14 चित्रपट दाखयतले अशी म्हायती मुखेलमंत्र्यांनी  फुडें दिली.

श्री  प्रीथूल कुमार, एमडी, एनएफडीसी हांणी सांगलें की गूगल आनी माय गव्ह प्लॅटफॉर्मां वांगडा भागीदारी वरवीं महोत्सवांत युट्युब इन्फ्लुएन्सर्स संघटना सुनिश्चीत केल्या. फिल्म बाजारांत ऑस्ट्रेलियन फिल्म पॅव्हिलियन दाखयतले. तशेंच फिल्म उद्देगांतले नामनेचे व्यक्ती विधु विनोद चोपडा, ए.आर. रहमान, विक्रांत मॅसी, आर.माधवन, नील नितीन मुकेश, कीर्ति कुल्हारी, अर्जुन कपूर, भूमि पेडणेकर, रकुल प्रीत सिंग, नुषरत भरुच्चा, सान्या  मल्होत्रा, इलियाना डी क्रूझ, बोमन इराणी, पंकज कपूर, अपारशक्ती खुराणा, मानसी पारेख, प्रतीक गांधी, सई ताम्हणकर, विष्णु मंचू, प्रभुदेव, काजल अग्रवाल, सौरभ शुक्ल आनी हेर हाजेरी लायतले.

श्री कुमार, एमडी, एनएफडीसीन फुडें सांगलें की अंदूं 6500 प्रतिनिधींची नोंदणी जाल्या आनी फाटल्या वर्सा परस 25 टक्क्यांनी वाड जाल्या. फिल्म मोगींक फिल्म महोत्सव चड सुलभ करपा खातीर अंदूं आनीक 6 पडदे आनी 45 टक्के चड सिनेमा प्रदर्शन उपलब्ध करतले.

फिल्म उद्देगाच्या वेगवेगळ्या आंगांचे खोलायेन गिन्यान घेवन पत्रकारांक फिल्म वेवसायाच्या सगळ्या व्हर्टीकलांविशी वळख करून दिवपा खातीर प्रेस भोंवडी घडोवन हाडटले अशीय म्हायती श्री प्रीथूल कुमार हांणी दिली. इफ्फी 2024 तरणाट्या फिल्म निर्मात्यांचेर लक्ष केंद्रीत करता आनी फाटल्या वर्सा आयिल्ल्या 550 नोंदीच्या तुळेंत अंदु  सीएमओटी विभागांत विक्रमी 1032 नोंदी आयल्यात अशें श्री कुमार हांणी सांगलें.

भारत सरकाराच्या म्हायती आनी प्रसारण मंत्रालय पीआयबीच्यो महासंचालक श्रीमती स्मिता वत्स शर्मा हांणी प्रसार माध्यमां मदीं महोत्सवाचें वाडटे आकर्शण आनी प्रादेशिक प्रतिनिधीत्व वाडोवपाच्या दिकेंन  केल्ल्या म्हत्वाच्या योगदानाचेर भर दिलो. प्रसार माध्यमां कडल्यान व्हडा  प्रमाणांत अर्ज आयिल्ल्याची म्हायती तांणी दिली. वट्ट 840 अर्ज आसात आनी तातूंतले 284 गोंयचेच अर्ज आसात. देशांतल्या सगळ्या वाठारांनी महोत्सवाचो विस्तार वाडोवपा खातीर पीआयबीची प्रादेशिक कार्यालयां, कोंकणी भाशेंसयत त्या त्या भाशांनी प्रसिद्धीपत्रकां जारी करतले.

To read the Powerpoint presentation by MD, NFDC please click here

 

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa

(Release ID: 2074514) Visitor Counter : 11