عالی مرتبت،
مہمان ذی وقار،

نمسکار!
سب سے پہلے ، میں صدر لولا کو جی 20 سربراہ اجلاس کے انعقاد کے لیے کیے گئے شاندار انتظامات اور جی 20 کی کامیاب صدارت کے لیے مبارکباد دینا چاہوں گا ۔
نئی دہلی میں جی 20 سربراہ اجلاس میں  کیے گئے عوام پر مرکوز فیصلے برازیل کی صدارت کے دوران آگے بڑھے ہیں ۔
یہ انتہائی اطمینان کی بات ہے کہ ہم نے ایس ڈی جی کے اہداف کو ترجیح دی ۔
ہم نے جامع ترقی ، خواتین کی قیادت میں ترقی اور نوجوانوں کی طاقت پر توجہ مرکوز کی ۔
اور گلوبل ساؤتھ کی امیدوں اور امنگوں کو  پروان چڑھایا ۔
یہ واضح ہے کہ ایک کرہ ارض  ایک خاندان ایک ، اس  اجلاس میں اتنا ہی  اہم ہے جتنا کہ پچھلے سال تھا ۔

دوستو،
پہلے سیشن کے موضوع کے حوالے سے ، میں آپ کے ساتھ ہندوستان کے تجربات اور کامیابی کی کہانیاں شیئر کرنا چاہوں گا ۔
پچھلے 10برسوں میں ہم نے 25 کروڑ لوگوں کو غربت سے باہر نکالا ہے ۔
80 کروڑ سے زیادہ لوگوں کو مفت اناج دیا جا رہا ہے ۔
دنیا کی سب سے بڑی صحت بیمہ اسکیم سے 550 ملین افراد مستفید ہو رہے ہیں ۔
اب 70 سال سے زیادہ عمر کے 60 ملین بزرگ شہری بھی مفت صحت بیمہ سے فائدہ اٹھا سکیں گے ۔
خواتین کی قیادت میں ترقی اور سماجی شمولیت پر اپنی توجہ مرکوز رکھتے ہوئے 30 کروڑ سے زیادہ خواتین مائیکرو انٹرپرینیورز کو بینکوں سے جوڑا گیا ہے اور قرض تک رسائی  فراہم کی گئی ہے ۔
دنیا کی سب سے بڑی فصل بیمہ اسکیم کے تحت 40 ملین سے زیادہ کسانوں کو 20 ارب امریکی ڈالر کے فوائد حاصل ہوئے ہیں ۔
کسانوں کی اسکیم کے تحت 110 ملین  کسانوں کو 40 ارب ڈالر سے زیادہ کی امداد دی گئی ہے ۔
کسانوں کو 300 ارب امریکی ڈالر کا ادارہ جاتی قرض دیا جا رہا ہے ۔
ہندوستان نہ صرف غذائی تحفظ کو یقینی بنا رہا ہے بلکہ غذائیت پر بھی توجہ دے رہا ہے ۔
سکشم آنگن واڑی اور غذائیت 2.0 مہم جو کہ ایک مربوط غذائی امداد کا پروگرام ہے ، خاص طور پر حاملہ خواتین ، نوزائیدہ بچوں ، 6 سال سے کم عمر کے بچوں اور نوعمر لڑکیوں کے لیے غذائیت پر مرکوز ہے ۔
مڈ ڈے میل اسکیم کے ذریعے اسکول جانے والے بچوں کی غذائی ضروریات پر خصوصی توجہ دی جا رہی ہے ۔
ہندوستان عالمی غذائی تحفظ میں بھی اپنا تعاون دے رہا ہے ۔
ہم نے حال ہی میں ملاوی ، زامبیا اور زمبابوے کو انسانی امداد فراہم کی ہے ۔

دوستو ،
ہماری کامیابی کی بنیادی وجہ: ‘بنیادکی طرف واپسی’ اور‘مستقبل کی طرف پیش قدمی’ کاہمارا نقطہ نظر ہے ۔
ہم نے نہ صرف قدرتی کاشتکاری اور نامیاتی کاشتکاری بلکہ نئی ٹیکنالوجی پر بھی توجہ مرکوز کی ہے ۔
ہم نے سری انّ یا موٹے اناج کو فروغ دے کر پائیدار زراعت ، ماحولیات کے تحفظ ، غذائیت اور غذائی تحفظ پر توجہ مرکوز کی ہے ۔
ہم نے 2000 سے زیادہ آب و ہوا  کے تعلق سے لچکدار فصلوں کی اقسام تیار کی ہیں اور ‘ڈیجیٹل زرعی مشن’ شروع کیا ہے۔
ہندوستان کے ڈیجیٹل پبلک انفراسٹرکچر نے سماجی اور مالی شمولیت کو قابل بنایا ۔
امنگوں والے اضلاع اور بلاکس پروجیکٹ کے ساتھ ہم نے جامع ترقی کے لیے ایک نیا ماڈل بنایا جو کمزور ترین ربط کو مضبوط کرتا ہے ۔

دوستو ،
ہم‘‘بھوک اور غربت کے خلاف عالمی اتحاد’’ کے لیے برازیل کے اقدام کی حمایت کرتے ہیں۔
یہ نئی دہلی  اجلاس میں اپنائے گئے غذائی تحفظ کے لیے دکن اعلی سطحی اصولوں کے نفاذ کی طرف ایک اہم قدم ہے ۔

دوستو،
آخر میں ، میں یہ کہنا چاہوں گا کہ گلوبل ساؤتھ کے ممالک عالمی تنازعات کی وجہ سے خوراک ، ایندھن اور کھاد کے بحران سے سب سے زیادہ متاثر ہوئے ہیں ۔
لہذا ہماری بات چیت تب ہی کامیاب ہو سکتی ہے جب ہم گلوبل ساؤتھ کے چیلنجوں اور ترجیحات کو ذہن میں رکھیں ۔
اور جس طرح ہم نے نئی دہلی اجلاس کے دوران افریقی یونین کو جی 20 کی مستقل رکنیت دے کر گلوبل ساؤتھ کی آواز کو بڑھایا ، اسی طرح ہم عالمی گورننس کے اداروں میں اصلاحات کریں گے ۔
مجھے یقین ہے کہ اگلے اجلاس کے دوران اس موضوع پر اور بھی تفصیل کے ساتھ مثبت بحث ہوگی ۔

بہت بہت شکریہ ۔
 

****

ش ح۔ ف ا ۔ ش ب ن

U-No.2617