প্রধানমন্ত্রীগী লোইশঙ
প্রধান মন্ত্রীনা পোর্তুগালগী প্রধান মন্ত্রী উনখ্রে
Posted On:
19 NOV 2024 6:08AM by PIB Imphal
ব্রাজিলগী রিও দে জেনিরোদা পাংথোক্লিবা জি-২০ মীফমগী নাকলদা ঙসি প্রধান মন্ত্রী শ্রী নরেন্দ্র মোদীনা পোর্তগালগী প্রধান মন্ত্রী লুইজ মোন্তেনেগ্রো উনখ্রে। হন্দক্কী অসিনা লুচিংবা অনি উনবা অহানবনি। এপ্রিল ২০২৪ দগী মহাক্না ওফিস পায়রকপদদা প্রধান মন্ত্রী শ্রী নরেন্দ্র মোদীনা প্রধান মন্ত্রী মোন্তেনেগ্রো থাগৎপা ফোঙদোকখ্রে অমসুং ভারত অমসুং পোর্তুগালগী মরক্তা লৈবাক অনিগী মরীশিং মপাঙ্গল কনখৎহন্নবা পুন্না থবক তৌমিন্ননিংবগী মহাক্কী অপাম্বা ফোঙদোকখ্রে।
মখোয়না ললোন-ইতিক, শেন থাদবা, দিফেন্স অমসুং সেকুরিতি, লম্বী-থোং, তুরিজম, হকশেল, সাইন্স অমসুং তেক্নোলোজি অমসুং মীগা মীগা লৈনবা মরীশিংগী লমদা মতেং পীনবা য়াওনা তোঙান-তোঙানবা হিরমশিংদা লৈবাক অনি মতেং পাংন্নবা লুচিংবশিংনা খন্নখ্রে। মখোয়না অনৌবা হিরমশিং হায়বদি আই.তি অমসুং দিজিতেল তেক্নোলোজিশিং, রিন্যুএবল ইনর্জি, স্তার্দঅপশিং অমসুং ইন্নোবেসন, শীনফম কয়াগী মীওইশিং অমসুং খুৎশা-হৈবা শিন্মীশিং চৎথোক-চৎশিন তৌনবগী মতেং পাংনবা হেনগৎলক্লিবা অসি মখোয়না খঙখি। ইন্দিয়া-ই.য়ু মরীশিং য়াওনা লৈবাক অনিনা দরকার ওইবা মালেমগী অমসুং লমদম লমদমগী ওইবা ৱাফমশিং লুচিংবা অনিনা খন্নখ্রে। লমদম লমদমগী অমসুং মালেমগী লুপশিংদা হৌজিক লৈনরিবা মতেং পাংনবা অসি মখা চৎথবা হায়না মখোয়না য়ানখ্রে।
ভারত অমসুং পোর্তগালগী মরক্তা কুতনিতিগী মরী লৈনবা চহি ৫০ মপুংফারকপগী থৌরম ২০২৫ দা পাংথোক্নবা মখোয়না খন্নখ্রে। থৌরম অসি কান্নগবা মওংদা পাংথোক্নবা ভারত অমসুং ইন্দিয়াগী লুচিংবা অনিনা ফোঙদোক্নখ্রে। মখোয় অমগা অমগা মখা তানা পাউ ফাওনবা হায়না লুচিংবা অনিমক্না য়ানখ্রে।
****
(Release ID: 2074454)
Visitor Counter : 43
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam