0 3

#IFFIWood, 16 नोव्‍हेंबर 2024

55वो भारतीय आंतरराष्ट्रीय चित्रपट महोत्सव (इफ्फी) मनरिजवण उद्देगांतल्या विकसीत जावपी गतीशीलतेक लागी धरून, सिनेमा उत्कृश्टताय मनोवपाची परंपरा चालू दवरता. डिजिटल सामुग्रींतल्या सृजनशीलतेक वळखून, इफ्फीच्या 54व्या आवृत्तींत सुरू केल्लो बेसबरी वेब मालिका (ओटीटी) पुरस्कार, ओटीटी माचीयेर उत्कृश्ट कथाकथनाचो भोवमान करपाक, एक परिवर्तनकारी मार्गदर्शक दिका थारता.

अंदूं वर्सा हो पुरस्कार, मुखावेले पावलं मारता, 10 मुखेल ओटीटी प्लॅटफॉर्मांचेर सादरीकरणांत 40 टक्क्यांपरस चड वाड जाल्या. हाचे वयल्यान भारताच्या मनरिजवणेच्या पर्यावरण प्रणालींत, वेब आदारीत सामुग्रीचें वाडत वचपी म्हत्व स्पश्टपणान दिसून येता. अंदूं पांच वेब मालिका तांच्या कलात्मक तेजस्वीपण, कथा सांगपाची बारीकसाण, तंत्रीक उत्कृश्टताय आनी सांस्कृतीक परिणाम हांचे खातीर वेंचून काडल्यात:

1.कोटा फॅक्टरी: स्पर्धात्मक परिक्षे खातीर भारतांतलें प्रशिक्षण केंद्र आशिल्ल्या, राजस्थानांतल्या कोटा हांगाच्या उच्च शिक्षणीक वातावरणाचो ताण आशिल्ल्या जिणेविशी ही मालिका भाष्य करता. शिक्षणीक आव्हानांक समजून घेवपी तरणाट्या विद्यार्थ्यांचो संघर्श, आकांक्षा आनी लवचीकपण ह्या मालिकेंत मार्मिक रितीन दाखयलां.

निर्मिती: सौरभ खन्ना

ओटीटी प्लॅटफॉर्म: नेटफ्लिक्स

2. काला पानी: सोबीत अंदमान जुंव्यांचेर घडिल्लें एक आकर्शक जिवीत मालिका. ही मालिका कुटुंब, इतिहास आनी वैयक्तीक सोद हांचे विशय गुंथून भावनीक खोलायेन एक आकर्शक काणी सांगता.

निर्मिती: समीर सक्सेना आनी अमित गोलानी

ओटीटी प्लॅटफॉर्म: नेटफ्लिक्स

3.लंपन: भारताच्या गांवगिऱ्या वाठारांनी घडिल्ली एक काळजाक भिडपी कथा, जी एका तरणाट्या भुरग्याच्या भावनीक आनी समाजीक आव्हानांचेर केंद्रीत आसा. ह्या माळेंत समुदाय, अस्मिताय आनी स्वताच्या सशक्तीकरणाच्या विशयांचेर भर दिला, जीं जिवंत कथानक आनी सिनेमाच्या सोबीतकायेन सादर केल्या.

निर्मिती: निपुण धर्माधिकारी

ओटीटी प्लॅटफॉर्म: सोनी लिव्ह

4.अयाली: पुरातनवादी समाजांतल्या बायलांच्या जिवितांत, खोलायेन पावपी समाजीक जागृत मालिका. एक बळिश्ट कथेंतल्यान परंपरा, समाजीक अपेक्षा आनी वैयक्तीक स्वातंत्र्याचो सोद हांच्या आडमेळ्याचो मालिकेत अभ्यास दाखयला.

निर्मिती: मुथुकुमार

ओटीटी प्लॅटफॉर्म: झी5

5.जुबली: भारतीय सिनेमाच्या भांगरायुगाक मान दिवपी मालिका. स्वातंत्र्या उपरांतच्या काळांत घडिल्ल्या ह्या सिनेमांत, चित्रपट निर्माते आनी कलाकारांची आकांक्षा, संघर्श आनी सपनां धरून नॉस्टॅल्जिया आनी आकर्शक कथाकथन हांचो मेळ या मालिकेत घाला.

निर्मिती: विक्रमादित्य मोटवाने

ओटीटी प्लॅटफॉर्म: अमेझॉन प्राइम व्हिडियो

पुरस्कार सुवाळ्यांत विजेत्या मालिकेच्या दिग्दर्शक, क्रियेटर आनी निर्मात्याक तशेच संबंदीत ओटीटी प्लॅटफॉर्माक भोवमानित करतले. विजेत्यांक तांच्या योगदाना खातीर 10 लाख रोख इनाम आनी प्रमाणपत्रां भेटयतले.

भारतातले ओटीटी क्रांतीखातीर प्रेरक

मनरिजवण क्षेत्रांत सृजनशीलताय आनी नवनिर्मणेक, इफ्फीच्या वचनबद्धतेचेर हो पुरस्कार भर दिता. भारतीय भाशांनी उच्च दर्ज्याची सामुग्री निर्मिती करपाक प्रोत्साहन दिवन आनी जागतीक निर्माते आनी प्लॅटफॉर्मांमदीं सहकार्याक उर्बा दिवन, भारताक डिजिटल कथा सांगपाचें केंद्र म्हूण स्थापन करपाचो इफ्फीचो हेत आसा.

पारंपारीक चित्रपटांतल्यान ते गतिशील ओटीटी मेरेन विंगड विंगड सिनेमा अभिव्यक्तींचो चॅम्पियन म्हूण, महोत्सवाची भुमिका घटमुट करून 55व्या इफ्फी वेळार जैतिवंताचे नाव जाहीर करतले.

* * *

PIB IFFI CAST AND CREW | Subhash/Manali/Darshana | IFFI 55 - 

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa