म्हायती आनी वितरावणी मंत्रालय
इफ्फी 2024त भव्य प्रीमियर सिनेमाची मेजवानी आनी रेड-कार्पेट लायनअप
#IFFIWood, 17 नोव्हेंबर 2024
भारतीय आंतरराष्ट्रीय चित्रपट महोत्सवाची 55 वी आवृत्ती, सिनेमा कला, संवसारीक प्रतिभेचो आनी अपवादात्मक कथाकथनाचो एक लकाकतो उत्सव, खूब प्रतीक्षीत गाला प्रिमियर आनी रेड कार्पेट कार्यावळींनी प्रेक्षकांचेर मोनेळ घालपाक तयार आसा. ह्या ग्लॅमरस विभागाची तिसरी आवृत्ती इफ्फी 2024 एक अविस्मरणीय अणभवाची माची तयार करपाक लागल्या, जो फिल्मांच्या संवसाराक आपल्या भावुक प्रेक्षकां कडेन जोडटा.
जागतीक आनी प्रादेशिक सिनेमाचो एक भव्य वाठार :
अंदूंचो गाला प्रिमियर लायनअप सिनेमाची मेजवानी दिवपाचें उतर दिता, तातूंत वेंचीक चित्रपट, वेब मालिका आनी डॉक्युमेंटरी हांची मेजवानी मेळटली.
2024 वर्साच्या गाला प्रिमियरांत वेगवेगळ्या प्रकार, भास आनी संस्कृतायेचो आस्पाव आसा, तातूंत णव वर्ल्ड प्रिमियर, चार आशिया प्रिमियर, एक इंडिया प्रिमियर आनी एक खाशेलो चिटपट आसतलो.
आकांताचे गुन्यांव थ्रिलर ते काळजाक हात घालपी कुटुंबीक कथानकां आनी विचार करूंक लावपी समाजीक काणयांचो आसपाव आसा. ह्या वर्साची लायनअप दरेका सिनेमा मोगीक मोहित करपाचें उतर दिता. वैशिश्ट्यपूर्ण कृती हिंदी, इंग्लीश, मराठी, मलयाळम, आनी तेलुगू ह्या भाशांच्या गिरेस्त विविधतायेन सादर करतले, जाका लागून इफ्फी 2024 हो जागतीक आनी प्रादेशिक सिनेमाचो खऱ्या अर्थान समावेशक उत्सव म्हणून मुखार येतलो.
उल्लेखनीय चित्रपट म्हळ्यार द पियानो लेसन, झीरो से रिस्टार्ट, साली मोहब्बत, स्नोफ्लावर, पुणे हायवे, हज्जर वाला शोले पहलिला मनुस, द मेहता बॉयज, जब खुली किताब, हिसाब बाराबर, मिसेस, फार्मा, विक्काटकवी, हेडहंटिंग टू बीटबॉक्सिंग, मोआना 2, आनी द राणा दग्गुबाती शो. हे चित्रपट पारंपारीक शिमो हुपून, नव्या कथाकथन स्वरूपांचो सोद घेवपाचें उतर दितात आनी सिनेमाची एकवट आनी प्रेरणा दिवपी शक्त उजवाडाक हाडपी अणभवांची गिरेस्त भेट दितात.
कलाकारांच्या ग्लॅमरान भरिल्लो रेड कार्पेट :
इफ्फी 2024 कलाकारांच्या ग्लॅमरान भरिल्लो कार्यावळींनी उजवाडाक येतलो, जंय नामनेचे चित्रपट निर्माते, नट आनी सिनेमा संवसारांतले हेर दिग्गज आपल्या हाजिरेन ह्या उत्सवाक सोबीतकाय दितले.
सिनेमांतल्या प्रतिकांक आनी उदेंते वटेनच्या नखेत्रांचो उत्सव मनयतना जायत्यो सांजी लकलकीत, ग्लॅमर आनी अविस्मरणीय खीणांची वाट पळयतात. राणा दग्गूबाती, विधु विनोद चोपड़ा, संया मल्होत्रा, विक्रांत मॅसी, आर माधवन, ए आर रहमान, आनी सौरभ शुक्ला हांचो आस्पाव आशिल्ले मानादीक व्यक्ती रेड कार्पेटाचेर येतले, फिल्म उद्देगांतल्या लोकां वांगडा आनी मिडिया वांगडा सिनेमाच्या जादूची बरसात करतले.
रेड कार्पेट विभाग हो इफ्फीचो एक व्हडली कार्यावळ, जाका लागून प्रेक्षकांक तांच्या आवडीच्या कलाकारांक आनी चित्रपट निर्मात्यांलागीं संवाद सादपाची संद दिता. हो उत्सव प्रतिभा, सृजनशीलता आनी सिनेमाचें सांस्कृतीक म्हत्व हांचो उत्सव आसा.
उत्कृश्टताय आनी ग्लॅमर हांचे एक दायज :
वर्सां भितर गाला प्रिमियर इफ्फीच्या दायजाचें खाशेलपण जालां, सिनेमाच्या संवसाराची व्याख्या चालू दवरपी कलाकुसर आनी प्रतिभेची परब मनयतना सिनेमांतल्या उत्कृश्ट कलाकृतींचें प्रदर्शन केलां.
आदल्या आवृत्त्यांनी गाला प्रिमियर विभागान इफ्फीचो प्रिमियर जागतीक चित्रपट महोत्सव म्हूण उंचायेर व्हरपाक म्हत्वाची भुमिका साकारल्या. फाटल्या गाला प्रीमियरांत दृष्टि 2, भेडिया, कदक सिंग, गांधी टॉक्स, आनी आंतरराष्ट्रीय मालिका फौजा (सीझन 4) सारकिले समीक्षकांची तोखणाय मेळयल्ले चित्रपट आसात. रेड कार्पेट खिणांक सलमान खान, अजय देवगन, नवाजुद्दीन सिद्दीकी, वरुण धवन, विजय सेठुपती, अदिति राव हैदरी, आनी हेर जायत्या नामनेच्या कलाकारांनी उपस्थिती दाखयल्या.
एक अविस्मरणीय उत्सवाचो अणभव:
संवसारीक दर्ज्याच्या चित्रपटांची, कलाकारांनी भरिल्लीं रेड कार्पेटांचीं उस्वास घेवपा सारकी भरसण आनी प्रेक्षकांक सिनेमाच्या जादवा कडेन व्हरपाची एक आगळीच संद आशिल्ल्यान, 55वो इफ्फी सिनेमा मोगींक कथानका सांगपाच्या, ग्लॅमराच्या आनी सांस्कृतीक उत्सवाच्या मंत्रमुग्ध करपी प्रवासांत बुडपाक आपयता —हेर खंयच्याच उत्सवासारको उत्सव. हाचे वांगडा, इफ्फी 2024 हो एक अतुलनीय अणभव दिवपाचो हेतू आसा जो जागतीक आनी प्रादेशिक प्रतिभेंच्या उत्कृश्ट लोकांक एकठांय हाडटा.
गाला प्रीमियर वेळापत्रक आनी रेड-कार्पेट गेस्ट्स
|
तारीख
|
शो टाइम
|
फिल्म /प्रोजेक्ट
|
रेड कार्पेट गेस्ट्स
|
|
नोव्हेंबर 21, 2024
|
12.30
|
द पियानो लेसन
|
|
|
नोव्हेंबर 21, 2024
|
4.30
|
द राणा दग्गुबती शो
|
राणा दग्गुबती
|
|
नोव्हेंबर 21, 2024
|
5.45
|
झीरो से रिस्टार्ट
|
विधू विनोद चोपडा,
विक्रांत मॅसे, मेधा शंकर, अनंत विजय
जोशी, अंशुमन पुष्कर, शांतनू मोईत्रा,
स्वानंद किरकिरे, जसकुंवर कोहली
|
|
नोव्हेंबर 22, 2024
|
12
|
स्नो फ्लॉवर
|
छाया कदम, वैभव
मांगले, सरफराज आलम साफू, गजेंद्र विठ्ठल
अहिरे, दीपक कुमार, रेखा भगत
|
|
नोव्हेंबर 22, 2024
|
5
|
साली मोहब्बत
|
दिव्येंदु शर्मा, टिस्का
चोपडा, मनीष मल्होत्रा, ज्योती देशपांडे, दिनेश मल्होत्रा
|
|
नोव्हेंबर 22, 2024
|
5.45
|
मिसेस
|
सान्या मल्होत्रा, आरती
कडव, हरमन बावेजा
|
|
नोव्हेंबर 23, 2024
|
4.30
|
विकटकवी
|
नरेश अगस्त्य, मेघा आकाश, राम तल्लूरी, प्रदीप मदली
|
|
नोव्हेंबर 23, 2024
|
5.30
|
पुणे हायवे
|
अमित साध, मंजरी फडनीस, केतकी नारायण, अनुभव पाल,
शिशिर शर्मा, स्वप्नील अजगांवकार, सुदीप
मोडक, राहुल डी’कुन्हा, बग्स भार्गव कृष्णा,
सीमा मोहपात्रा, जहानरा भार्गव
|
|
नोव्हेंबर 24, 2024
|
12
|
शोले ट्रेलर + हजार वेळा शोले पाहिलेला माणूस
|
रमेश सिप्पी +
सोनाली कुलकर्णी, सिद्धार्थ
जाधव, दिलीप प्रभावळकर, हृषिकेश गुप्ते, शेहजाद सिप्पी
|
|
नोव्हेंबर 25, 2024
|
4.30
|
कन्नप्पा (शोकेस)
|
विष्णु मांचू,
प्रभुदेवा, काजल अग्रवाल, आर सरथकुमार, मोहन बाबू, मुकेश कुमार सिंग
|
|
नोव्हेंबर 25, 2024
|
5.15
|
द मेहता बॉयज
|
बोमन इराणी, अविनाश तिवारी, श्रेया चौधरी, दानेश इरानी
|
|
नोव्हेंबर 26, 2024
|
5
|
जब खुली किताब
|
डिंपल कापाडिया, पंकज
कपूर, अपारशक्ती खुराणा, मनसी पारेख, समीर सोनी, सुप्रिया पाठक, सौरभ शुक्ल, समीर नायर, नरेन कुमार
|
|
नोव्हेंबर 26, 2024
|
5.45
|
हिसाब बराबर
|
आर माधवन, कीर्ति कुलहरी,नील नितीन मुकेश, अश्वनी धीर
|
|
नोव्हेंबर 27, 2024
|
5.15
|
फार्मा (सिरीज)
|
निविन पॉली, रजित कपूर, आलेख कपूर, नरेन, श्रुती रामचंद्रन, वीणा नंदकुमार
|
|
नोव्हेंबर 27, 2024
|
5.45
|
हेडहंटिंग टू बीटबॉक्सिंग
|
ए आर रहमान, रोहित गुप्ता,अमित मलिक, मनिल गुप्ता
|
अधिक तपशीलाखातीर, उपकार करून https://iffigoa.org/gala-premier/3rd-edition ह्या संकेतस्थळाक भेट दिवची.
* * *
PIB IFFI CAST AND CREW | Subhash/Utkarsha/Darshana | IFFI 55 -
सोशल मिडियावर आम्हाला फॉलो करा:
@PIBPanaji 
/PIBPanaji 
/pib_goa 
pibgoa[at]gmail[dot]com 
/PIBGoa
(Release ID: 2074162)
Visitor Counter : 12