ঙসি প্রধান মন্ত্রী শ্রী নরেন্দ্র মোদী নিউ দিল্লিদা হিন্দুস্থান তাইমস লিদরশিপ সম্মিৎতা ৱা ঙাংখ্রে। থৌরম অদুদা প্রধান মন্ত্রীনা হায়খি চহি ১০০গী মমাঙদা মহাত্মা গান্ধীনা হিন্দুস্থান তাইমস শঙ্গাখি অমসুং পাউ-চে অসিগী চহি ১০০গী পুৱারি ওইরবা খোঙচৎ অসিগীদমক হিন্দুস্থান তাইমস অমসুং মসি হেক হৌদোরকপদগী লোয়ন্নরক্লিবা মীওইশিং থাগৎপা ফোঙদোকচরি। মখোয়গী তুংদা লাক্কদবা থবক থৌরমশিংগী মখোয়গী মফমদা য়াইফ-পাউজেল পীজরি। থৌরম পাংথোকফমদা হিন্দুস্থান তাইমসকী একজিবিসন য়েংলবা মতুংদা, প্রধান মন্ত্রীনা হায়খি মসি হেন্না নুংঙাইবা অমনি অমসুং দেলিগেতশিং একজিবসন অসি য়েংগদবনি। ভারতনা নিংতম্বা ফংখিবা অমসুং সংবিধান চৎনবা হৌখিবা মতমগী অরিবা পাউ-চেশিং মহাক উরে। মার্তিন লুথর কিং, নেতাজি সুভাস চন্দ্র বোস, দোক্তর শ্যামা প্রসাদ মুখর্জি, অতল বিহারি বাজপায়, দোক্তর এম.এস স্বামীনাথন্না হিন্দুস্থান তাইমসকী আর্তিকলশিং ইরমখি। নিংতম ইহৌ অমসুং নিংতম্বা ফংলবা মতুংগী থাজবশিং উখিবা শাংলবা খোঙচৎ অসি তমজনিঙাই ওইবা অমসুং অঙকপনি।

প্রধান মন্ত্রীনা হায়খি মদুদি ওক্তোবর ১৯৪৭ দা কাস্মির ভারত্তা তিনখিবগী পাউ তাবদা অতোপ্পা মীওইশিংগুম মহাক চপ মান্নবা হরাওবা ফাওখি। তাঞ্জা অদুদা, কমদৌনা ৱারেপ লৌবা ঙমদবদগী চহি ৭০ রোম কাস্মির হিংশানা শোকহনখিবগে হায়বা মহাক খঙলকখি। জম্মু অমসুং কাস্মিরদা রেকোর্দ ওইনা ভোৎ থাদনবখিবগী পাউশিং পাউ-চেশিংদা ফোঙলকপদা য়াম্না হরাওখি। অতোপ্পা লমায় অমদা অসামদা দিসতর্ব এরিয়া লাউথোকপগী পাউ য়াওবা, অদুগা অতোপ্পা লমায় অমদা অতল জিনা ভারতিয় জনতা পার্তি লিংখৎখিবগী পাউ য়াওবা অখন্নবা অতোপ্পা পাউ-চে অমা থেংনখি। ঙসি বি.জে.পিনা অসামদা শান্তি পুরক্নবা হোৎনবদা অচৌবা থৌদাং অমা লৌরিবা অসি য়াম্না নুংঙাইবা মপা চানবা অমনি।

ঙরাং মহাক্না অহানবা বোরোলেন্দ মহোৎসব শরুক য়াখিবা অদু নিংশিংলদুনা, প্রধান মন্ত্রীনা হায়খি থৌরম অদু মেদিয়ানা মপুংফানা পাউ লৌদবা উবদা মহাক অঙকপা ফাওই। চহি ৫০ গী মতুংদা নহারোলশিং অমসুং মীয়াম খুৎলায় থাদোকপা অমসুং নাতকী থৌরম অমা দিল্লিদা পাংথোকপা অসি অচৌবা মাইপাকপা অমনি। বোরো পিছ একোর্দ ২০২০ গী মতুংদা মীয়ামগী পুন্সিদা অহোংবা লাক্লে। হিন্দুস্থান তাইমস সম্মিৎ একজিবিসন্দা শ্রী মোদীনা মুম্বাইগী ২৬/১১ তেরর এক্তেকশিংগী ফোতোশিং য়েংখি অমসুং হায়খি মদুদি য়ুম্লোন্নরিবা লৈবাকশিংনা তেরর স্পোন্সর তৌবদগী মীয়াম মখোয়গী য়ুমশিং অমসুং সহরশিংদা লৈবদা অকিবা ফাওবা মতম অমা লৈরমখি। অদুবু, হৌজিক মতম অদু হোংলে অমসুং তেরোরিস্তশিং মখোয়গী য়ুমশিংদা লৈবদা অকিবা ফাওরে।

প্রধান মন্ত্রীনা হায়খি মদুদি হিন্দুস্থান তাইমসকী চহি ১০০ অসিদা, চহি ২৫ না মীনাই ওইবগী চহিশিং ওইখি অমসুং চহি ৭৫ না নিংতম্বা ফংবগী চহিশিং ওইখি অমসুং  ভারতকী মরাইবক লেপ্লিবা, ভারতকী মাইকৈ তাক্লিবা শক্তি অসি ভারতকী মীচম মীয়ামগী লৌশিং অমসুং থবক তৌবা ঙম্বা অসিনি। অখঙ-অহৈশিংনা য়াম্না তোইনা ভারতকী মীচম মীয়ামগী তৌবা ঙম্বশিং মশক খঙবা ঙমখিদে। বৃতিসনা ভারত থাদোকখিবা মতমদা লৈবাক অসি মচেৎ তাগনি হায়নখি অমসুং ইমর্জেন্সি থম্বা মতমদা, মীওই খরনা ইমর্জেন্সি অসি মতম চুপ্পগী ওইনা থমগনি হায়খি অমসুং মীওই খর অমসুং ইন্সতিতুসন খরনা ইমর্জেন্সি থম্লিবা মীওইশিংদা চঙজখি। মতম অদুদা ফাওবা, ভারতকী মীয়াম লাউরকখি অমসুং ইমর্জেন্সি মরু ফংনা লৌথোকখি। কোবিদ লাইচৎ মনুংদা মীচম মীয়াম্না অকনবা লানফম অমা থেংনখিবা অদু মীচম মীয়ামগী থৌনাননি।

প্রধান মন্ত্রীনা হায়খি ১৯৯০ গী মতমদা লৈবাক অসিদা চহি ১০ গী মনুংদা মীখল ৫ পাংথোক্তুনা লৈবাক অসি তংদু-লৈতাদবা ফিবম অমদা লৈখি। ফিবম অসি মখা তানা লৈগনি হায়না পাউ-চেশিংদা অখঙ-অহৈশিংনা ইখি অদুবু ভারতকী মীচম মীয়াম্না মখোয় অরানবা তাহনখি। ঙসি, মালেমগী লৈবাক কয়া তম্বা ঙমদবা ফিবম অমসুং তংদু-লৈতাদবা ফিবমশিংদা লৈরিবা মতম অসিদা, ভারতকী মীয়াম্না মখোয় অমুক হন্না অরানবা তাহল্লে। ঙসি মালেমগী লৈবাক কয়াদা শক্তি মুন্নবগী মুক্নবা কয়া উরিবা অসিদা ভারতকী মীয়াম্না চপ মান্নবা সরকার অহুমলকশুবা ওইনা খল্লে। মমাংঙৈগী রাজনিতিদা হায়নবা অমা লৈখি, ‘অফবা ইকোনোমিক্স অসি ফত্তবা রাজনিতিনি’ হায়রিবা ৱাহৈশিং অসি অখঙ-অহৈশিং অমসুং সরকারশিংনা শৌগৎখি। মসি মমাংগী সরকারশিংনা মখোয়গী মতিক চাদবা লৈঙাক অমসুং থবক হৈতবা অদু কুপশিন্নবা পাম্বৈ অমা ওইখি। মসিনা লৈবাক অসিদা চাউখৎপগী থোং মান্নবা ঙমখিদে অমসুং সরকারদা মীয়ামগী থাজবা মাঙহনখি।

প্রধান মন্ত্রীনা হায়খি মীয়াম চাউখৎপা, মীয়াম্না চাউখৎহনবা, মীয়ামগীদমক চাউখৎপা লাইৱা শীজিন্নবদগী মহাক্কী সরকারদা মীয়াম্না অমুক হন্না থাজবা থম্লে। অনৌবা অমসুং চাউখৎলবা ভারত অমা শেমগৎনবা সরকারনা পান্দম থম্লি অমসুং মখোয়গী থাজবগা লোয়ননা ভারতকী মীয়াম্না মখোয়দা শক্তি শীন্নরে। সোসিএল মেদিয়াগী মতমদা অরানবা পাউ কয়া শন্দোক্লবশু, ভারতকী মীয়াম্না ঐখোয়, ঐখোয়গী সরকারদা থাজবা থম্লি।

প্রধান মন্ত্রীনা হায়খি মীয়ামগী থাজবা হেনগৎলকপা মতমদা, লৈবাক্কী চাউখৎ-থৌরাংদা তোঙানবা কান্নবা অমা পী। খুদোংথিবা মায়োক্নবা ঙম্বা অসি য়াম্না মরুওই। ঐখোয়গী ইপা-ইপুশিংনা খুদোংথিবা কয়া মায়োক্নদুনা ভারতকী পোৎ-চৈশিং অমসুং থবকশিং মপান লৈবাকশিংদা থাদোকপদা ঐখোয়গী মতেং পাংখি অমসুং ভারত ললোন-ইতিক অমসুং নাতকী মরুওইবা মফম অমা ওইনা শেমগৎখি। অদুবু মসিগী খুদোংথিবা থেংনবা ঙম্বা চৎনবী অসি মমাংগী সরকারশিংনা নিংতম্বা ফংলবা মতুংদা মাঙহনখ্রে। ভারতনা চাউখৎপা উরে অমসুং মহাক্কী সরকারনা শক্তি পায়রকপা হৌখিবা চহি ১০ অসিদা অহোংবশিং পুরক্লে অমসুং ভারতকী মীয়াম মরক্তা খুদোংথিবা মায়োক্নবা ঙম্নবা অনৌবা থৌনা অমা পীরে। ঐখোয়গী নহারোলশিংনা খুদোংচাবশিং ফংবা অমসুং তোঙান-তোঙানবা হিরমশিংদা খুদোংথিবা মায়োক্নবা ঙম্বা অসি ভারত্তা স্তার্দঅপ লাখ ১.২৫ হেন্না রেজিস্তার তৌরিবা অসিনা খুদমনি। শান্নবা অসি শীনফম অমা ওইনা লৌবদা খুদোংথিবা মতম অমা লৈরমখি। ঙসিদি, অপীকপা সহরদা লৈবা ঐখোয়গী নহারোলশিংনা মসিগী খুদোংথিবা অসি মশানা লৌজরে অমসুং মালেমদা লৈবাক অসিগী মিংচৎ পুরক্লে। নুপীশিংনা সেল্ফ হেল্প গ্রুপশিংদা থবক তৌদুনা লাখপতি দিদি করোর ১ রোম মখোয় মশাগী ললোন-ইতিক পায়খৎতুনা খুঙ্গং খুদিংমক্তা ওন্ত্রেপ্রেন্যুয়রশিং ওইরে।

প্রধান মন্ত্রীনা হায়খি মদুদি ঙসিদি, ভারত মমাঙদা অমুক্তা ওইখিদ্রিবা অনিংবা অপাম্বশিংনা পীক থল্লে অমসুং ঐখোয়না হায়রিবা অনিংবশিং অসি ঐখোয়গী থৌশিলশিংগী য়ুম্বী অমা ওইরে। শেন থাদুনা থবক ফংহনবা, চাউখৎহন্দুনা ইকায়খুম্নবা ফংহনবা চাউখৎপগী নমুনা অমা সরকারনা য়োকখৎলে। শেন থাদবা মফমদা, শেন থাদবনা চাউখৎলকপদগী থবক ফংহল্লি অমসুং চাউখৎপা হেনগৎলকপদগী ভারতকী মীয়ামগী ইকায়খুম্নবা হেনগৎলক্লে। লৈবাক অসিদা তোইলেতশিং শাবা অসিনা মীয়ামগী সেকুরিতি অমসুং ইকায়খুম্নবা অমসুং খুদোংচাবা হেনগৎহল্লে। শেন থাদবদগী থবক ফংবা হেনগৎলকপা অমসুং চাউখৎলকপদগী ইকায়খুম্নবা ফংবা হেনগৎলকপা অসি মাইপাকপগী খুদমনি। মতম অমদা এল.পি.জি সিলিন্দর অসি ইনাকখুনবগী খুদম অমা ওইনা লৌনরমখি। মমাঙদা সরকারশিংনা মীয়ামদা ফংহনগদবা সিলিন্দর মশিংগী মতাংদা মরৈ য়েৎনদুনা লৈরিঙৈদা মহাক্কী সরকারনা য়ুমথোং খুদিংদা গ্যাস কন্নেক্সন পীরে। ২০১৪ দা গ্যাস কন্নেক্সন করোর ১৪ লৈরম্বদগী হৌজিক লৈবাক অসিদা গ্যাস কন্নেক্সন করোর ৩০ হেন্না লৈরে। দরকার ওইবা গ্যাস সিলিন্দরশিং ফংহন্নবা মতেং পাংনবা ইনফ্রাস্ত্রকচর লৈরে। মসিনা সিলিন্দরশিং ফংহন্নবা দিস্ত্রিবুসন সেন্তরশিং শেমগৎনবা তোঙান-তোঙানবা মফমশিংদা বোত্তলিং প্লান্তশিং লিংখৎপদগী থবক কয়া ফংহল্লে। মোবাইল ফোন, রুপে কার্দ, য়ু.পি.আই অসি থবক পীনবা শেন থাদবা, চাউখৎলকপগী ইকায়খুম্নবা ফংলকপা চাউখৎপগী নমুনাদা য়ুম্ফম ওইবনি।

প্রধান মন্ত্রীনা হায়খি মদুদি ঙসি লৈরিবা ভারতকী চাউখৎপগী খোঙজেল অসি মশক খঙনবা সরকারগী অতোপ্পা থৌরাং খঙনবা হোৎনবা অসি য়াম্না তঙাইফদে। ঐখোয়গী সরকারগী থবক্তি মীয়ামগী শেন য়াম্না চাদিং তৌবা, মীয়ামগীদমক শেন য়াম্না তুংশিনবনি। ২০১৪ দা ভারতকী য়ুনিয়ন বজেত লুপা করোর লাখ ১৬ ওইবদা ঙসি ভারতকী য়ুনিয়ন বজেত লুপা করোর লাখ ৪৮ য়ৌরে। ২০১৩-১৪ দা কেপিতেল এক্সপেন্দিচর লুপা করোর লাখ ২.২৫ ওইবদা ঙসিগী কেপিতেল এক্সপেন্দিচর লুপা করোর লাখ ১১ হেল্লে। কেপিতেল এক্সপেন্দিচর অসি অনৌবা হোস্পিতালশিং, স্কুলশিং, লম্বীশিং, রেলৱেজ, রিছার্সকী খুদোংচাবশিং অমসুং মীয়ামগী ইনফ্রাস্ত্রকচরশিং শেমগৎপদা শীজিন্নখি। মীয়ামগীদমক চাদিং তৌবা হেনগৎলকপগা লোয়ননা, সরকারনা মীয়ামগী শেনফম তুংশিনবশু হেনগৎলে। দি.বি.তিনা লৈবাক্কী লুপা করোর লাখ ৩.৫ নারোন্দা লৌথোকপদগী কনবা ঙম্লে অমসুং অয়ুস্মান ভারত য়োজনাগী মখাদা লেম্না লায়েংদুনা লায়রবশিংগী লুপা করোর লাখ ১.১০ কনবা ঙম্লে। জন ঔসাধি কেন্দ্রশিংদা হিদাক-লাংথকশিং মমল চাদা ৮০ তানা ফংহনবদগী মীয়ামগী লুপা করোর লিশিং ৩০ কনবা ঙম্লে অমসুং স্তেন্তশিং অমসুং নী ইমপ্লান্তশিংগী মমল হন্থহনবদগী মীয়ামগী লুপা করোর লিশিং কয়া কনবা ঙম্লে। উজালা স্কিমনা মীয়ামগী লুপা করোর লিশিং ২০ গী মৈগী বিলশিং কনবা ঙম্লে অমসুং শ্বাছ ভারত মিসন্না লায়নাশিং হন্থহল্লে অমসুং মসিনা খুঙ্গংশিংদা ইমুং খুদিংমক্কী লুপা লিশিং ৫০ রোম কনবা ঙম্লে। য়ুনিসেফকী রিপোর্ত অমগী মতুংইন্না, মশাগী তোইলেত লৈবা ইমুং অমনা লুপা লিশিং ৭০ কনবা ঙম্লে অমসুং ৱার্ল্দ হেল্থ ওর্গনাইজেসনগী থিজিনবা অমগী মতুংইন্না অহানবা ওইনা তোতি ঈশিং ফংলবা মীওই করোর ১২ রোম চহি অমদা লুপা করোর লিশিং ৮০ কনবা ঙম্লে।

প্রধান মন্ত্রীনা হায়খি ভারত্ত অশুক য়াম্বা অহোংবশিং লাক্কনি হায়বা চহি ১০ গী মমাঙদা কনা অমতনা খনখিদে। ভারতকী মাইপাকপা অসিনা অচৌবা মঙলানশিং মঙনবা অমসুং মদু মঙফাওনবা ঙম্নবা ঐখোয়দা ইথিল পীরে। মসিনা থাজবা হেনগৎহল্লে অমসুং চৎলিবা চহিচা অসি ভারতকী চহিচা ওইরগনি। মাইকৈ অসিদা চৎনবা থবক কয়া পায়খৎপা দরকার ওইরে। হিরম খুদিংমক্তা খ্বাইদগী ফবা থবক পাংথোক্নবা সরকারনা য়াংনা থবক তৌরি।  পোৎথোকশিং মেনুফেকচরিং তৌবা নত্ত্রগা শেমগৎ-শাগৎপা নত্ত্রগা লাইরিক-লাইশু নত্ত্রগা হরাও-কুহ্মৈদা ভারতকী থাক অসি মালেমগী থাক অমা ওইনা পুখৎনবা ঐখোয়গী থবকশিং পাংথোকপা দরকার ওইরে। মসিগী থৌরাং অসি মীয়ামগী ৱাখলদা লৈহনবদা হিন্দুস্থান তাইমসনা অচৌবা থৌদাং অমা লৌরি অমসুং মখোয়না চহি ১০০ দা ফংলকখিবা লৌশিং অদু বিকসিত ভারত অমগী মাইকৈদা থাংজিনবা খোঙথাংদা য়াম্না কান্নগনি।

ৱারোল লোইশিল্লকপদা, প্রধান মন্ত্রীনা হায়খি ভারতনা মসিগী চাউখৎপগী খোঙজেল অসি চপ চানা থমগনি অমসুং অথুবা মতমদা মালেমদা অহুমশুবা খ্বাইদগী চাউবা ইকোনোমি ওইরগনি। য়াংনা হোংলক্লিবা ভারতকী অনৌবা চহিচা হিন্দস্থান তাইমশু উবা ফংলগনি।

Addressing the Hindustan Times Leadership Summit. @htTweets #HTLS2024 https://t.co/BG2XQfH2mJ

— Narendra Modi (@narendramodi) November 16, 2024

जिस शक्ति ने भारत का भाग्य बनाया है, भारत को दिशा दिखाई है... वो है... भारत के सामान्य मानवी की सूझबूझ, उसका सामर्थ्य: PM @narendramodi pic.twitter.com/lw0Xd6LWSe

— PMO India (@PMOIndia) November 16, 2024

Progress of the people...

Progress by the people...

Progress for the people... pic.twitter.com/3NWmA2pGwI

— PMO India (@PMOIndia) November 16, 2024

In the past 10 years, the transformations in the country have reignited a risk-taking culture among the citizens. pic.twitter.com/ky700RYbS3

— PMO India (@PMOIndia) November 16, 2024

Today, India is filled with unprecedented aspirations and we have made these aspirations a cornerstone of our policies. pic.twitter.com/xDmF7LCV76

— PMO India (@PMOIndia) November 16, 2024

Our government has provided citizens with a unique combination... pic.twitter.com/do0f0XbIIi

— PMO India (@PMOIndia) November 16, 2024

Spend Big For The People… Save Big For The People. pic.twitter.com/DKfI9Xde5R

— PMO India (@PMOIndia) November 16, 2024

This century will be India's century. pic.twitter.com/f2AmRk47QO

— PMO India (@PMOIndia) November 16, 2024

****