ঐহাক্না নাইজেরিয়া, ব্রাজিল অমসুং গুয়ানাদা নুমিৎ মঙানিগী খোঙচৎ অমা চৎলি।

ঐহাক্কী H.E. রাস্ত্রপতি বোলা অহমদ তিনুবুনা বর্তন তৌরক্তুনা, নোংচুপ অফ্রিকাগী লমদম অসিদা ঐখোয়গী নক্নবা পার্তনর ওইরিবা নাইজেরিয়াদা চৎপা মসিনাঐহাক্কী অহানবা খোৎচৎনি। ঐহাক্কী খোঙচৎ অসিনা ঐখোয়গী স্ত্রেতেজিক পার্তনরশিপ অদুদা য়ুম্ফম ওইদুনা দেমোক্রেসী অমসুং প্লুরেলিজমদা মান্নবা থাজবা থম্লিবা অসিদা য়ুম্ফম ওইদুনা খুমাং চাউশিনহন্নবা খুদোংচাবা অমা ওইরগনি। ঐহাক্না হিন্দীদা ঐহাকপু তরাম্না ওকপগী পাউজেলশিং থারকখিবা নাইজেরিয়াগী ভারত মচাশিং অমসুং মরুপশিংগা উননবা ঙাইরি।

ব্রাজিলদা, ঐহাক ত্রোইকাগী মেম্বর অমা ওইনা 19শুবা G-20 সম্মিৎতা শরুক য়াগনি। হৌখিবা চহিদা, ভারতকী মায় পাকপা প্রসিদেন্সীনা G-20 বু মীয়ামগী G-20 ওইহনখি অমসুং গ্লোবেল সাউথকী প্রাইওরিতিশিংবু মাগী এজেন্দাদা মরুওইনা লৌখি। চহি অসিদা, ব্রাজিলনা ভারতকী লেগেসীদা য়ুম্ফম ওইদুনা শেমগৎলি। ঐহাক্না ঐখোয়গী ‘ৱান আর্থ, ৱান ফেমিলী, ৱান ফ্যুচর'গী ভিজন অসিগা চুনবা মগুন লৈবা খন্ন-নৈনবগীদমক থাজবা থম্লি। ঐহাক্না অতোপ্পা লুচিংবশিংগা লোয়ননা লৈবাক অনিগী মরক্তা তেংবাং পীনবা হেনগৎহন্নবগী মতাংদা ৱাখল্লোনশিং ফোংদোক্নবগী খুদোংচাবা অদুসু লৌগনি।

H.E  রাস্ত্রপতি মোহমদ ইর্ফান অলীনা বর্তন তৌরক্তুনা চৎকদৌরিবা ঐহাক্কী গুয়ানা খোঙচৎ অসি চহি 50গী মতুংদগী ভারতকী প্রধান মন্ত্রী অমবু ইহান হান্না চৎপা খোঙচৎ ওইগনি। ঐখোয়না মান্নবা হেরিতেজ, কলচর অমসুং ভেল্যুশিংদা য়ুম্ফম ওইবা ঐখোয়গী অখন্নবা মরী অসিদা স্ত্রেতেজিক দিরেক্সন পীনবগী মতাংদা ৱাখল্লোনশিং লান্থোক্লগনি। চহি 185গী মমাংদা মাইগ্রেৎ তৌখিবা খ্বাইদগী লিরবা ইন্দিয়ন দাইস্পোরাশিংগী মনুংদা অমা ওইরিবা অমগী মফমদা ঐহাক্না ইকায় খুম্নবা উৎকনি অমসুং ঐহাক্না মখোয়গী পার্লিয়ামেন্তদা ৱা ঙাংবদা ঐহাক্কী ইচিল-ইনাওশিংগা ৱারী শানগনি।

খোঙচৎ অসিগী মনুংদা, ঐহাক্না অনিশুবা ইন্দিয়া-ব সম্মিৎতা কেরিবিয়ন পার্তনর লৈবাকশিংগী লুচিংবশিংগা শরুক য়াগনি। ঐখোয়না অৱাবা অমসুং খুদোংচাদবশিংগী মরক্তা অমত্তা ওইনা লেপখি। সম্মিৎ অসিনা ঐখোয়গী পুৱারী ওইরবা মরীশিং অমুক হন্না শেমগৎনবা অমসুং ঐখোয়গী কোওপরেসনবু অনৌবা লমশিংদা পাকথোক চাউথোকহন্নবা মতেং পাংগনি।

***