হাইদ্রবাদ, তেলঙ্গনা, নোবেম্বর ১৩ ২০২৪: দেবেলপমেন্ত ওফ নোর্থিস্তর্ন রিজন মন্ত্রালয় (MDoNER)না ঙসি হাইদ্রবাদতা নোর্থ ইস্ত ত্রেদ অমসুং ইনভেস্তমেন্ত রোদশো শিনখ্রে। সহর অসিদা মমাংদা শিনখিবা থৌরমদা ময়াম্না নিংথিনা শরুক য়াখিবা অদুনা মরম ওইরগা মসিগী রোদশো অসিনা নোর্থ ইস্তকী রাজ্যশিংদা খুদোচাবশিং য়েংবা পাম্বা ইনভেস্তর কয়া অমগী পুক্নিং চিংশিনখি। থৌরম অদুদা MDoNER অমসুং এজুকেশনগী ইকাখুম্নরবা রাজ্য মন্ত্রী, দা. সুকান্তা মাজুমদার, মিজোরামগী ইকাইখুম্নরবা গোবর্নর, দা. হরি বাবু কামভমপাতিগা লোইন-লোইননা মন্ত্রালয়দগী, দিপার্তমেন্ত ফোর প্রোমোশন ওফ ইন্দস্ত্রী এন্দ ইন্তর্নেল ত্রেদকী সেনিয়র ওফিসিয়েলশীং অমসুং নোরথ ইস্তকী রাজ্যশিংদগী মীহুৎশিংনা শরুক য়াখি।   

ইকাইখুম্নরবা রাজ্য মন্ত্রীনা লমদম অসিগী ফজরবা লেগেসীগী মতাংদা পনখি, মহাক্না হায়খি মদুদি “ভারতনা নিংখা তমদ্রিঙৈগী মমাংদা মতম শাংনদগী, নোর্থ ইস্ত অসি য়াম্না চাউখৎপা ইন্দস্ত্রিয়েল অমসুং ইকোনোমিক হব ওইরম্মি।” মহাক্না অসামগী মরু ওইবগী মতাংদা য়াম্না অখন্ননা পনখি মদুদি মালেম অসিগী খ্বাইদগী লিরবা মথৌ তৌরিবা ওইল ৱেল, দিগবোই ওইল ফীল্দ লেবা মফম অমসুং চাগা মতম শাংনদগী মরি লৈরকপা মফম অমা ওই। মহাক্না লমদম অসিগী তুরিজম, মেদিকেল তুরিজম, অমসুং ITগী লমদা লৈরিবা পোতেন্সিয়েলগী মতাংদা পনখি, মহাক্না হাইদ্রবাদকী হেল্থকিয়র অমসুং IT সেক্তরশিংদা নোর্থ ইস্ততা শন্দোক্তুনা, মখোয়গী নহা ওইরিবা, লাইরিক-লাইশু হৈরবা ৱার্কফোর্স অমসুং অকন্নবা সর্বিসশিংগীদমক্তা দিমান্দ ৱাংখৎলক্লিবশিং অসিগী খুদোংচাবা লৌনবা হায়খি। মহাক্না মখাতানা ফুদ তুরিজমগী লৈরিবা য়াম্না চাউরবা পোতেন্সিয়েল অদুগী মতাংদা পনখি, মহাক্না হাইদ্রবাদি স্পাইসশিং অমসুং নোর্থ ইস্তকী ফ্লেবরশিং পুনশিন্দুনা ফ্যুজন ক্ৱিজিনশিংগী মতাংদা পনখি। মহাক্না মখা তারকখি মদুদি সরকার অসিগী নুমিৎ ১০০নিগী মাইপাকপা অসিগী মখাদা, MDoNERগী স্কীমশিংগী মখাদা য়াম্না চাউবা প্রোজেক্ত কয়া অমা সেঙ্কসন তৌখ্রে খুদম ওইনা PM-DevINE, NESIDSচিংবশিং অসিনি। হায়রিবা প্রোজেক্তশিং অসিনা রোদ ইনফ্রাস্ত্রকচর, হেল্থকিয়র অমসুং বেম্বু প্রোসেসিংদা অখন্নবা মিৎয়েং থমদুনা নোর্থ ইস্ত ইন্দিয়াদা পুনশি মহিং ফগৎহল্লগনি। ইকাইখুম্নরবা রাজ্য মন্ত্রীনা নোর্থ ইস্তকী পোতেন্সিয়েলবু এক্সপ্লোর তৌনবা অমসুং মখোয়গী য়াম্না শিংথানিংঙাই ওইরবা ৱারিশিংগী শরুক অমা ওইনবা ইনভেস্তরশিংদা চেবাউ পীখি।

মিজোরামগী ইকাইখুম্নরবা গোবর্নর, দা. হরি বাবু কামভমপাতিনা মহাক্কী ৱারোলদা পনখি মদুদি নোর্থ ইস্ত রিজন অসিদা ASEAN ইকোনোমীশিংদা য়াম্না কোম্না এক্সেস ফংবা য়াম্না স্ত্রেতেজিক ওইবা মফম অমা ওইবনা বিজনেসকীদমক্তা য়াম্না তোংজনিংঙাই ওইবা খুদোংচাবশিং পীরি। মহাক্না নোর্থ ইস্ত রিজনগী কনেক্তিবিতীশু য়াম্না য়াংনা হোংলক্লি হায়নশু পনখি। য়াম্না চাউরবা রোদ নেতৱার্ক, চাউথোরক্লিবা রেলৱে রুতশিং অমসুং নিংথিনা মথৌ তৌরিবা এয়রপোর্ত ১৭ অসিনা লমদম অসিদা বিজনেসকী পোতেন্সিয়েল অমুক্কশু হেন্না হেনগৎহল্লে। নোর্থ ইস্ত অসি য়াম্না ফজরবা মশাগী পুৱারি, চৎনবী অমসুং মহৌশাগী ফজবনা পিক থল্লবা লমদম অমনি। লমদম অসি মতম শাংনদগী মরুমদা থুপচিন্দুনা থম্লক্লবা মফম অমনি অদুবু হৌজিক্তি ভারতকী য়াম্না চাউরবা ইকোনোমিক ইঞ্জিনশিংগী মনুংদা অমা ওইনা মহাক্কী ওইফম থোকপা মফম কন্নবগীদমক্তা মতিক চানা শেম-শাদুনা লৈরে। মহাক্না পনখি মদুদি য়ুনিয়ন অমসুং কেন্দ্র সরকারনা নোর্থ ইস্তর্ন রিজনদা বিজনেস ফ্রেনলী ওইবা এনভাইরনমেন্ত অমা য়োকখৎনবা অচেৎপা ফিরেপ লৌরি।

MDoNERগী জোইন্ত সেক্রেতরী, সুকুমারি মোনালিসা দাশনা নোর্থ ইস্তকী খুদোংচাবশিং অমসুং ইনভেস্তমেন্ত অমসুং ত্রেদকীদমক্তা লেরিবা খুদোংচাবশিং অদুগী য়াম্না মরু ওইনা পনখি মদুদি নোর্থ ইস্ত রিজন অসিদা হৌজিক ফাওবা নিংথিনা শোক্ত্রিবা পোতেন্সিয়েল কয়া অমা লৈ। হৌখিবা দেকেদ অসিদা, সরকার অসিনা পন্দুনা লৈরম্বা প্রোজেক্ত কয়া অমা লোইশিনখ্রে, স্কীম অমসুং অনৌবা থৌরাং কয়া অমগী খুত্থাংদা মসিনা লোকেল কম্যুনিতীশিং অমসুং মী মিলিয়ন কয়া অমদা কান্নবা পীখ্রে। মহাক্না IT & ITES, হেল্থকিয়র, এগ্রি অমসুং মসিগা মরি লৈনবা, এজুকেশন অমসুং স্কিল দেবেলপমেন্ত, স্পোর্তস অমসুং এন্তরতেন্মেন্ত, তুরিজম অমসুং হোসপিতালিতী, ইনফ্রাস্ত্রকচর অমসুং লোজিস্তিক্স অমসুং ইনর্জীগুম্বা সেক্তর কয়া অমদা লমদা অসিদা লৈরিবা খুদোংচাবশিং অদুগী মতাংদা য়াম্না মরু ওইনা পনখি। মহাক্না হায়খি মদুদি MDoNERনা ইভেস্তমেন্তকী খুদোংচাবশিং ফেসিলিতেত তৌনবা  অমসুং লমদম অসিগী ইনভেস্তমেন্ত ইকোসিস্তেম ফগৎহন্নবা অচেৎপা ফিরেপ লৌরি। নোর্থ ইস্ত রিজন অসি স্ত্রেতেজিক ওইবা ইনভেস্তমেন্ত তৌবা মতমদা য়াম্না চাউখৎলক্কনি হায়বা থাজৈ অমসুং সেক্তর কয়া অমদা লুচিংবা অমা ওইনা ওইরক্কনি, মসিনা লোকেল পোপুলেশণ অমসুং লৈবাক অসিগী অপুনবা ওইনা কান্নবা পুরক্কনি।

কমর্স অমসুং ইন্দস্ত্রী মন্ত্রালয়গী, দিপার্তমেন্ত ফোর প্রোমোশন ওফ ইন্দস্ত্রী এন্দ এন্তর্নেল ত্রেদ (DPIIT)গী দাইরেক্তর, দা. কাজলনা UNNATI স্কীমগী মতাংদা উত্তুনা থৌরম অদুদা শরুক বারিবশিংদা মসিগী কান্নবশিং অমসুং মসিগা লোইননা পীরিবা ইন্সেন্তিবশিং অদুগী মতাংদা য়াম্না মপুং ফানা ময়ামদা খঙহনখি। UNNATI স্কীম অসিনা নোর্থিস্ত ইন্দিয়াদা ইন্দস্ত্রিবেলাইজেশন অমসুং ইকোনোমিক গ্রোথ হেনগৎহন্নবগী পান্দম থম্লি। স্কীম অসিনা ইনভেস্তরশিং অমসুং মেন্যুফেকচরিং কমপনীশিংদা ইন্সেন্তিবশিং পীরি, ‘এক্ত ইস্ত পোলিসী’বু সপোর্ত তৌই অমসুং ইমপোর্তকী মপাল তাংবা হন্থনবা অমসুং এক্সপোর্ত হেনগৎহন্নবা দোমেস্তিক মেন্যুফেকচরিং আমসুং সর্বিসশিংবু প্রোমোত তৌই।

নোর্থ ইস্তকী রাজ্যশিংদগী সরকারগী ওফিসিয়েলশিংনা FICCIদগী মীহুৎশিংগা লোইননা অখন্ননা মিৎয়েং থম্লিবা সেক্তরশিংদা লৈরিবা খুদোংচাবশিং অদুগী মতাংদা য়াম্না মমল য়াম্লবা ৱাখল-লৌশিং কয়া অমা শিয়র তৌখি। রাজ্য খুদিংমক্না মখোয়গী তোপ-তোপ্পা ইনভেস্তমেন্ত প্রোজেক্তশিং অদুগী মতাংদা কমপ্রেহেন্সিব ওইবা ওভরভ্যুশিং পীখি। থৌরম অদুনা অচৌবা বিজনেস কয়া অমদগী হকথেংননা শরুক য়াবা থেংনখি, মসিনা লমদম অসিগী ইনভেস্তমেন্ত লেন্দস্কেপতা ময়াম্না য়াম্না থৱায় য়াওবা অদুবু উৎলি।

নোর্থ ইস্ত ইনভেস্তরস সম্মিতকী প্রি-সম্মিত এক্তিবিতীশিংগী শরুক অমা ওইনা, অসাম, ত্রিপুরা, মিজোরাম, মেঘালয়া, সিক্কিম অমসুং নাগালেন্দ য়াওনা রাজ্য কয়া অমগা রাউন্দতেবলগী থৌরমশিং মাইপাক্না পাংথোকখি। মু্বাই, হাইদ্রবাদ, কোলকাতা অমসুং বেঙ্গলুরুদা মমাংদা পাংথোকখিবা রোদশোশিং অদুনা মসিদা শরুক য়ানবা পুক্নিং থৌগৎখি, অদুগা ভাইব্রেন্ত গুজরাত্তা পাংথোকখিবা স্তেত সেমিনার অদুনা পোতেন্সিয়েল ইনভেস্তরশিং চৱাখল চিংশিনখি।

হাইদ্রবাদ রোদশো অসিনা মরম ওইরগা ইভেস্তরশিংদগী অপাম্বা কয়া ফোংদোক্নরকখি। অওনবা অমা পুরক্কদবা থৌরম অমা ওইনা, হাইদ্রাবদতা পাংথোকখিবা রোদশো অসিনা B2G মীফম কয়া পাংথোকপা থেংনখি, মসিনা নোর্থ ইস্তকী রাজ্যশিংদা ইনভেস্তরশিংদগী থৱায় য়াওবগী মমি তাবা ফংখি।

*****