വാര്‍ത്താവിതരണ പ്രക്ഷേപണ മന്ത്രാലയം
IFFI 2024-ലെ മാധ്യമ പ്രതിനിധികൾക്കായുള്ള രജിസ്ട്രേഷൻ അടുത്ത ഏതാനും മണിക്കൂറുകൾക്കുള്ളിൽ അവസാനിക്കും
55-ാമത് ഇന്ത്യ അന്താരാഷ്ട്ര ചലച്ചിത്രോത്സവം (IFFI) 2024-ൻ്റെ ഭാഗമായി മാധ്യമ പ്രതിനിധികൾക്കായുള്ള രജിസ്ട്രേഷനുള്ള സമയപരിധി, ഇന്ന് 2024 നവംബർ 12 ന് 11:59:59 PM ന് (ഇന്ത്യൻ സ്റ്റാൻഡേർഡ് സമയം) അവസാനിക്കും
നിങ്ങൾ പരിചയസമ്പന്നനായ ഒരു ചലച്ചിത്ര നിരൂപകനോ കഥപറച്ചിലിൽ അഭിനിവേശമുള്ള വളർന്നുവരുന്ന പത്രപ്രവർത്തകനോ ആകട്ടെ, ഗോവയിലെ പനാജിയിൽ നടക്കുന്ന IFFI യുടെ 55-ാം പതിപ്പിൽ അരങ്ങേറുന്ന സിനിമാ മികവ് അനുഭവിക്കാനുള്ള അവസാന അവസരമാണിത്. ഫെസ്റ്റിവലിൻ്റെ മീഡിയ ഡെലിഗേറ്റായി എൻറോൾ ചെയ്യൂ , ലോകത്തിൻ്റെ മുക്കിലും മൂലയിലും ഈ ഉത്സവം ജനങ്ങളിലേക്ക് എത്തിക്കുന്ന ടീമിൻ്റെ ഭാഗമാകാം .
രജിസ്ട്രേഷൻ പ്രക്രിയ
ഒരു മാധ്യമപ്രതിനിധിയായി രജിസ്റ്റർ ചെയ്യുന്നതിന്, 2024 ജനുവരി 1-ന് 21 വയസ്സ് പൂർത്തിയാക്കിയിരിക്കണം. കൂടാതെ അച്ചടി, ഇലക്ട്രോണിക്, ഡിജിറ്റൽ അല്ലെങ്കിൽ ഓൺലൈൻ മാധ്യമ മേഖലയിൽ ഒരു കറസ്‌പോണ്ടൻ്റ്, ഫോട്ടോഗ്രാഫർ, ക്യാമറ പേഴ്‌സൺ അല്ലെങ്കിൽ ഡിജിറ്റൽ ഉള്ളടക്ക നിർമ്മാതാവോ ആയിരിക്കണം. പ്രായപരിധി പാലിക്കുന്ന ഫ്രീലാൻസ് മാധ്യമപ്രവർത്തകരെയും രജിസ്റ്റർ ചെയ്യാൻ പ്രോത്സാഹിപ്പിക്കുന്നു. രജിസ്റ്റർ ചെയ്യുന്നതിന് മുമ്പ് ദയവായി യോഗ്യതാ മാനദണ്ഡങ്ങൾ ഇവിടെ വായിക്കുകയും രജിസ്റ്റർ ചെയ്യുന്നതിന് മുമ്പ് ആവശ്യമായ രേഖകൾ അപ്‌ലോഡ് ചെയ്യാൻ തയ്യാറായി സൂക്ഷിക്കുകയും ചെയ്യുക. https://my.iffigoa.org/media-login എന്നതിൽ രജിസ്ട്രേഷൻ പ്രക്രിയ ഓൺലൈനായി പൂർത്തിയാക്കാം.
നിങ്ങളുടെ അപേക്ഷയുടെ സൂക്ഷ്മപരിശോധനയ്ക്ക് ശേഷം, ചലച്ചിത്രമേളയിൽ ഒരു മാധ്യമ പ്രതിനിധി എന്ന നിലയിൽ നിങ്ങളുടെ അക്രഡിറ്റേഷൻ സംബന്ധിച്ച വിശദാംശങ്ങൾ ,രജിസ്റ്റർ ചെയ്ത ഇമെയിൽ ഐഡിയിൽ അറിയിക്കും. ഈ രജിസ്ട്രേഷൻ പ്രക്രിയയിലൂടെ പ്രസ് ഇൻഫർമേഷൻ ബ്യൂറോ (PIB) അംഗീകരിച്ച മാധ്യമ പ്രവർത്തകർക്ക് മാത്രമേ 55-ാമത് IFFI 2024-ലേക്കുള്ള മീഡിയ ഡെലിഗേറ്റ് പാസിന് അർഹതയുള്ളൂ. മാധ്യമങ്ങളുടെ ആനുകാലികത, വലുപ്പം (സർക്കുലേഷൻ, പ്രേക്ഷകർ, വ്യാപനം ), സിനിമയ്ക്ക് നൽകുന്ന ശ്രദ്ധ, IFFI-യുടെ പ്രതീക്ഷിക്കുന്ന മാധ്യമ കവറേജ് പോലുള്ള ഘടകങ്ങളെ അടിസ്ഥാനമാക്കി ഓരോ മാധ്യമ സ്ഥാപനത്തിനും എത്ര അക്രഡിറ്റേഷനുകൾ നൽകണമെന്ന് പി ഐ ബി തീരുമാനിക്കും.
മീഡിയ ഡെലിഗേറ്റ് പാസുകൾ അംഗീകൃത മാധ്യമപ്രവർത്തകർക്ക് 2024 നവംബർ 18 മുതൽ IFFI വേദിയിൽ നിന്ന് സ്വീകരിക്കാം. എന്തെങ്കിലും തരത്തിലുള്ള സംശയങ്ങൾക്ക് ദയവായി 'മീഡിയ അക്രഡിറ്റേഷൻ ക്വറി' എന്ന വിഷയത്തിൽ pib4iffi[at]gmail[dot]com-ലേക്ക് ഒരു മെയിൽ അയയ്ക്കുക.
അതിനാൽ, IFFI-യുടെ കൗണ്ട്ഡൗൺ ആരംഭിച്ചിരിക്കെ നിങ്ങൾ പിന്നിലല്ലെന്ന് ഉറപ്പാക്കുക. ഇപ്പോൾ ഇവിടെ രജിസ്റ്റർ ചെയ്യുക
SKY
*********
