প্রধানমন্ত্রীগী লোইশঙ
ঐখোয়না চাউখৎ-থৌরাং অমসুং হেরিতেজকা পুন্না মাংদা চংশিন্নবা লেপ্পী: প্রধান মন্ত্রী
পি.এম.না প্রজাশিংদা ইগাস কুহ্মৈনা লাকপদা য়াইফ-পাউজেল পীখ্রে
থাগৎখিবা:
12 NOV 2024 7:05AM by PIB Imphal
প্রধান মন্ত্রী শ্রী নরেন্দ্র মোদীনা ঙসি ইগাস কুহ্মৈনা লাকপদা প্রজা পুম্নমক্তা য়াইফ-পাউজেল পীখ্রে। মহাক্না হায়খি মদুদি ভারতনা চাউখৎ-থৌরাং অমসুং হেরিতেজকা লোয়ননা পুন্না মাংদা চংশিন্নবা লেপ্পী। মরু ওইনা উত্তরাখন্দগী প্রজাশিংদা য়াইফ পাউজেল পীরদুনা মহাক্না দেবভুমী অসিগী ইগাস কুহ্মৈগী লেগেসী অসি মখা চত্থখিগনি হায়বগী থাজবা ফোংদোকখি।
Xকী থ্রেদ পোস্ত অমদা মহাক্না ইখি:
“উত্তরাখন্দগী ঐগী ইমুং-মনুংশিং য়াওনা ইরৈবাকচা পুম্নমক্তা ঐহাক্না ইগাস কুহ্মৈনা লাকপদা য়াইফ-পাউজেল পীজরি।! ঙসি দিল্লীদা ঐহাক্না উত্তরাখন্দগী লোক সভাগী MP অনিল বলুনীজীগী য়ুমদা কুহ্মৈ অসি য়াওবগী খুদোংচাবসু ফংজখি। ঐহাক্না কুহ্মৈ অসিনা মীপুম খুদিংমক্কী পুন্সিদা হরাও-তয়াম্বা, নুংঙাই-য়াইফবা অমসুং চাউখৎপা পুরকপা ওইরসনু হায়না থৌনিজরি। @anil_baluni”
“ঐখোয়না চাউখৎ-থৌরাং অমসুং হেরিতেজকা পুন্না মাংদা চংশিন্নবা লেপ্পী। মতম অমদা মুৎখিগে তৌরম্লবা অমসুং ফোক কলচরগা মরী লৈনবা ইগাস কুহ্মৈ অসি অমুক হন্না উত্তরাখন্দদা লৈরিবা ঐগী ইমুংগী মীওইশিংগীদমক ধর্মগী মরু ওইবা থৌরম অমা ওইরকপদা ঐহাক্না অপেনবা পোকই।”
“উত্তরাখন্দগী ঐগী ইচিল-ইনাওশিংনা ইগাসকী চৎনবী অসি হিংহন্দুনা থম্বগী মওং অসি য়াম্না পুক্নিং থৌগৎনীংঙাই ওই। শেংলবা কুহ্মৈ অসি লৈবাক অসিদা পাক চাউনা পাংথোক্লিবা অসিনা মসিগী খুদম ওইরি। ঐহাক্না থাজৈ মদুদি দেবভুমী অসিগী লেগেসী অসি মখা চত্থখিগনি।”
***
(রিলিজ আই.দি.: 2072595)
ভিজিতর কাউন্তর : 92
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam