ত্রাইবেল এফিয়র্স মন্ত্রালয়
প্রধান মন্ত্রী মোদীগী খোঙচৎ মাংওইননা জামুইদা জনজাতিয়া গৌরব দিবসকী শেম-শারিবশিং শ্রী জুয়াল ওরামনা য়েংশিনখ্রে
ত্রাইবেলশিং য়াইফনবা সরকারনা পায়খৎলিবা থবকশিং মিনিস্তরনা পাউদমখ্রে
Posted On:
11 NOV 2024 7:13PM by PIB Imphal
জনজাতিয়া গৌরব দিবস থৌরম শরুক য়ানবা খৌরাংনা ঙাইনরিবা প্রধান মন্ত্রী শ্রী নরেন্দ্র মোদীগী খোঙচৎ মাংওইননা, ত্রাইবেল এফেয়ার্সকী য়ুনিয়ন মিনিস্তর শ্রী জুয়াল ওরাম জামুইদা থুংখ্রে। লৈবাক শীনবা থুংবগী ত্রাইবেল ফুরুপশিং য়াইফনবা প্রধান মন্ত্রী মোদীগী লমজিং মখাদা হৌজিক সরকার অসিনা পায়খৎলিবা থবকশিং য়ুনিয়ন মিনিস্তরনা ফোঙদোকখ্রে।
হান্নগী প্রধান মন্ত্রী শ্রী অতল বিহারি বাজপায়না ১৯৯৯ দা ত্রাইবেল এফেয়ার্স মিনিস্ত্রি লিংখৎখিবা অদু ত্রাইবেলশিং য়াইফনবা অচৌবা মাইপাকপা অমনি হায়না য়ুনিয়ন মিনিস্তরনা ফোঙদোকখি। ত্রাইবেল নিংতম লান্মী ভগবান বিরসা মুন্দা ইকায়খুম্নবা উৎনবা ২০২১ দা জনজাতিয়া গৌরব দিবস লাউথোকখিবা মোদী সরকারগী থবকশিং অসি মহাক্না থাগৎপা ফোঙদোকখি। নুমিৎ অসি হৌজিক লৈবাক শীনবা থুংনা ভারতকী ত্রাইবেলশিংগী মমল নাইদ্রবা থবকশিং ইকায়খুম্নবা উৎনবা থৌরম ওইনা পাংথোক্লে।
প্রধান মন্ত্রীগী খোঙচৎকী শেম-শারিবশিং
জামুই জিলাগী খাইরা ব্লোক্তা লৈবা বাল্লোপুর খুঙ্গংদা পাংথোক্কদৌরিবা জনজাতিয়া গৌরব দিবস শরুক য়ানবা নবেম্বর ১৫,২০২৪ দা প্রধান মন্ত্রী শ্রী নরেন্দ্র মোদী জামুইদা থুংগনি। থৌরম মনুংদা, ত্রাইবেলশিং য়াইফনবা অমসুং চাউখৎনবা সরকারনা পায়খৎলিবা থবকশিং মমি তাদুনা, প্রধান মন্ত্রীনা লুপা করোর লিশিং কয়াগী প্রোজেকশিং শঙ্গানবা পান্দম থম্লি।
প্রধান মন্ত্রীগী খোঙচৎকী মাংওইননা শেম-শারিবশিং হন্না য়েংশিন্নবা য়ুনিয়ন মিনিস্তর জুয়াল ওরাম বাল্লোপুরদা চৎখি অমসুং মাইপাকপা থৌরম অমা ওইনবা দরকার ওইবা পাউতাকশিং পীখ্রে। লম্বীশিং, হেলিপেদশিং, বেরিকেদশিং শেম-শাবা অমসুং জর্মন হেঙ্গর তেন্তশিং য়ুংখৎপা য়াওনা থবকশিং খুমাঙ চাউশিল্লে। জাতিগী থৌরম অসিগী মরুওইবা অদু য়েংদুনা, থৌরম পাংথোকফম অসি নিংথিনা থৌরাং তৌরে।
জনজাতিয়া গৌরব দিবস : লৈবাক্কী থৌরম অমা
জনজাতিয়া গৌরব দিবস অসি রাজ্য অমসুং য়ুনিয়ন তেরিতোরি ২৭ দা পাংথোক্কনি। প্রধান মন্ত্রীনা লুচিংদুনা জামুইদা মপুংওইবা থৌরম পাংথোক্লিঙৈদা, রাস্ত্রপতি শ্রীমতি দ্রৌপতি মুর্মুনা সংসদতা বিরসা মুন্দাগী মীতমদা ইকায়খুম্নবা উৎকনি। তোঙান-তোঙানবা চীফ মিনিস্তরশিং, রাজ্যপালশিং অমসুং কেবিনেত মিনিস্তরশিং শরুক য়াদুনা থৌরম অসি তশেংনা জাতিগী থৌরম অমা ওইহনগনি।
য়ুনিয়ন মিনিস্তরনা হায়খি মদুদি ত্রাইবেলশিংনা পাংথোক্লিবা থবকশিং খ্বাইদগী ৱাংবা থাকশিংদা প্রধান মন্ত্রী শ্রী নরেন্দ্র মোদীনা খঙলে। মহাক্কী লমজিং মখাদা বিরসা মুন্দাগী মপোক নুমিৎ অসি জনজাতিয়া গৌরব দিবস হায়না লাউথোকপা অসি ত্রাইবেলগী পুৱারি অমসুং হেরিতেচ ইকায়খুম্নবগী থাগৎনিঙাই ওইবা খোঙথাং অমনি।
য়ুনিয়ন মিনিস্তরনা হায়খি হৌখিবা চহিদা প্রধান মন্ত্রীনা ঝারখন্দগী উলিহাতুদা লৈবা বিরসা মুন্দাগী পোক্নফম খুঙ্গংদা চৎতুনা, শক্নাইরবা ত্রাইবেল লুচিংবা অসিগী পোক্নফম লমদমদা ইকায়খুম্নবা উৎপা অহানবা প্রধান মন্ত্রী মহাক্না ওইরে। চহি অসিগী ওইনা জামুইদা মপুংওইবা থৌরম পাংথোকপা অসিনা বিরসা মুন্দা অমসুং ত্রাইবেলশিংনা পাংথোক্লিবা থবকশিং ইকায়খুম্নবা উৎনবা সরকারগী থবকশিংগী অতোপ্পা খোঙথাং অমনি।
অচৌবা থৌরম অসিদা লুচিংবশিং শরুক য়াগনি
জামুইগী থৌরম অসিদা প্রধান মন্ত্রী শ্রী নরেন্দ্র মোদী, রাজ্যপাল শ্রী রাজেন্দ্র বিশ্বনাথ অরলেকার, চীফ মিনিস্তর শ্রী নিতিস কুমার, য়ুনিয়ন মিনিস্তরশিং অমসুং রাজ্য সরকারশিংগী মিনিস্তরশিং, এম.পিশিং, এম.এল.এশিং অমসুং মফম অদুগী লুচিংশিং শরুক য়াগনি অমসুং অচৌবা অমসুং কাংলুপ খুদিংমক শরুক য়াবা থৌরম অমা ওইহনগনি।
শেম-শারিবা অদুদা য়ুনিয়ন মিনিস্তরনা থাজবা ফোঙদোকখি অমসুং মাইপাকপা থৌরম অমা ওইহন্নবা দলগী মেম্বরশিং অমসুং লমদম অদুগী লুচিংবশিংদা তাকশিনখি। জনজাতিয়া গৌরব দিবস থৌরম পাংথোকপা অসিনা ভারতকী ত্রাইবেল ফুরুপশিংগী ইনাকখুল্লবা হেরিতেচ ইকায়খুম্নবা উৎনবা পান্দম থম্লি।
****
(Release ID: 2072568)
Visitor Counter : 37