কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত সাহনা লুচিংবা অৱাংবা থাক্কী কম্মিতী (HLC) অমনা ছত্তিসগর, ওরিসা অমসুং ৱেস্ত বেঙ্গলগী “এক্সপান্সন এন্দ মোদর্নাইজেসন ওফ ফাইয়র সর্ভিসেস ইন দি স্তেতস” কী মখাদা লুপা করোর ৭২৫.৬২গী প্রোজেক্ত অহুম অয়াবা পীখ্রে‍। কম্মিতী অসিনা ছত্তিসগরগী লুপা করোর ১৪৭.৭৬, ওরিসাগী লুপা করোর ২০১.১০ অমসুং ৱেস্ত বেঙ্গলগী লুপা করোর ৩৭৬.৭৬ অয়াবা পীখিবনি‍। HLC অসিদা শেলথুম মন্ত্রী, লৌউ শিংউ মন্ত্রী, অমসুং নিতি অয়োগ ভাইস চেয়রমেন্না মেম্বর ওইনা য়াওরি‍।

প্রধান মন্ত্রী শ্রী নরেন্দ্র মোদীগী দিজাস্তর রেজিলিএন্ত ভারতকী মঙলান মঙফাওনহন্নবা, গৃহ মন্ত্রালয়না কেন্দ্র মন্ত্রী, শ্রী অমিত সাহগী লমজিং মখাদা লৈবাকসিদা দিজাস্তর মেনেজমেন্তকী মতিং হেনগৎহন্নবা থৌশিল কয়া লৌখৎলে‍। ভারতকী দিজাস্তর রিস্ক রিদক্সন সিস্তেম মপাঙ্গল কনখৎহন্দুনা দিজাস্তর থোরকপা মতমদা পুন্সি অমসুং লন-থুম মাঙবগী চাং হন্থহন্নবা খোঙথাং কয়া লৌখৎখ্রে‍।

কেন্দ্র লৈঙাক্না নেস্নেল দিজাস্তর রেসপোন্স ফন্দ (NDRF)কী মখাদা “এক্সপান্সন এন্দ মোদর্নাইজেসন ওফ ফাইয়র সর্ভিসেস ইন দি স্তেতস” গী ওইনা পুন্না লুপা করোর ৫০০০গী চাকথুং খাক্তুনা থম্লি, লুপা করোর ২৫৪২.১২গী ওইগদবা স্তেত ১৫গী প্রপোজেলশিং হান্ননা অয়াবা পীখ্রবনি‍।

প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী শ্রী অমিত সাহগী লমজিং মখাদা চহি অসিগী মনুংদা স্তেতশিংদা লুপা করোর ২১,০২৬ হেন্বগী শেনফম থাদোকখ্রে‍। মসিদা স্তেত ২৬তা স্তেত দিজার্তর রেসপোন্স ফন্দ (SDRF)দগী পীবা লুপা করোর ১৪,৮৭৮, স্তেত ১৫দা নেসস্নেল দিজাস্তর রেসপোন্স ফন্দ (NDRF)দগী পীবা লুপা করোর ৪,৬৩৭.৬৬, স্তেত ১১দা স্তেত দিজাস্তর মিতিগেসন ফন্দ (SDMF)দগী পীবা লুপা করোর ১,৩৮৫.৪৫, অমসুং স্তেত ০৩দা নেস্নেল দিজাস্তর মিতিগেসন ফন্দ (NDMF)দগী পীবা লুপা করোর ১২৪.৯৩ য়াওরি‍।

*****