প্রধান মন্ত্রী শ্রী নরেন্দ্র মোদীগী স্বচ্ছতা ইন্সতিত্যুস্নেলাইজ তৌনবা অমসুং সরকারদা য়ারিবা মখৈ পেন্দেন্সী হন্থহন্নবা ভিজনদগী ইথিল লৌদুনা কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহগী লমজিং মখাদা গৃহ মন্ত্রালয় (MHA)না স্পেসিএল কেম্পেন 4.0 মায়পাক্না পাংথোকখ্রে। মন্ত্রালয় অমসুং মাগী এতেচ/সবওর্দিনেৎ ওফিসশিংদা কেম্পেন অসি ওক্তোবর 2দগী ওক্তোবর 31, 2024 ফাওবা পাংথোকখি।

কেম্পেন অসিগী মরুওইবা পান্দমদি ক্লিনলিনেস, পেন্দেন্সী , স্পেস মেনেজমেন্ত হেগৎহনবা অমসুং থবক মফমদা এক্সপরিয়েন্স হেনগৎহনবনি। কেম্পেন অসিগী মনুংদা, লৈবাক শিনবা থুংনা মীয়ামগী ইন্তরফেস লৈবা ফিল্দ/ আউৎস্তেসন ওফিসশিংদা অখন্নবা মীৎয়েং থমখি।

কেম্পেন অসি কেন্দ্রগী গৃহ মন্ত্রী, রাজ্য মন্ত্রীশিং অমসুং হোম সেক্রেতরীনা মশামক্না শরুক য়াদুনা অমসুং চাং নাইনা থবক্কী খোঙজেল অসি য়েংশিনবগী মথক্তা খ্বাইদগী ৱাংবা থাক্তা চাং নাইনা য়েংশিনখি। MHAগী দিভিজন পুম্নমক, সেন্ত্রেল আর্মদ পুলিস ফোর্সেস (CAPF) অমসুং অতোপ্পা মরী লৈনবা ওর্গনাইজেসনশিংনা কেম্পেন অসিদা থৌদাং লৌখি। দেদিকেতেদ তীম অমনা নুমিৎ খুদিংগী প্রোগ্রেস অদু মোনিতর তৌখি অমসুং দেতা অদু দিপার্তমেন্ত ওফ এদমিনিস্ত্রেতিব রিফোর্ম্স এন্দ পব্লিক গ্রীভান্সনা হোস্ত তৌরিবা SCPDM (স্পিসিএল কেম্পেইন 4.0) পোর্তেলদা অপলোদ তৌখি।

কেম্পেন অসি সেপ্তেম্বর 15, 2024দগী প্রিপরেতরী ফেজ অমগা লোয়ননা হৌদোকখি। মসিগী মনুংদা গৃহ মন্ত্রালয়না কেম্পেনগী মফম 7751 মশক খঙদোকখি। মসিগী মতুংদা কেম্পেন অসি পাকথোক চাউথোকহনখি অমসুং মফম 8982দা মায় পাক্না পাংথোকখি। কেম্পেন অসিগী মনুংদা, পার্লিয়ামেন্ত মেম্বরশিং (MPশিং) গী রিফরেন্স 92, রাজ্য সরকারশিংগী রিফরেন্স 153 অমসুং PMOগী রিফরেন্স 104 দিস্পোজ তৌখি। মসিগা লোয়ননা, অপুনবা পব্লিক গ্রিভান্স 4724 অমসুং অপীল 329 গী ৱারোইশিন পীখ্রে।

মতম অসিগী মনুংদা ফিজিকেল ফাইল 2,77,980 অমসুং ইলেক্ত্রোনিক ফাইল 1,39,780 য়েংশিনখি। অপুনবা স্ক্বার ফিত 38,950গী অহাংবা মফম অমা হাংহনবা ঙমখ্রে অমসুং স্ক্রেপশিং দিস্পোজ তৌদুনা লুপা করোর 2.38গী শেনফম তানবা ঙমখ্রে। কেম্পেন অসিগী মখাদা MHAগী থবক থৌরমশিংবু মীয়ামদা খঙহন্নবা অমসুং প্রমোৎ তৌনবা X প্লেৎফোর্ম (হান্নগী ত্বিতর) দা #SpecialCampaign4 হায়বা হেশতেগ অসিগা লোয়ননা পোস্ত 1,100 রোম তৌখ্রে।

সেন্ত্রেল আর্মদ পুলিস ফোর্সেস (CAPF), সেন্ত্রেল পুলিস ওর্গনাইজেসনশিং (CPO) অমসুং MHAগী অতোপ্পা শরুকশিংনা কেম্পেন অসিদা থৱায় য়াওনা শরুক য়াখি অমসুং পান্দম পুম্নমক্তা 100% ফংদুনা কেম্পেন অসি মায় পাকহনখি।

*****