৫৫শুবা ইন্তরনেসনেল ফিল্ম ফেস্তিবেল ওফ ইন্দিয়ানা নবেম্বর ২০ দগী নবেম্বর ২৮ ফাওবা গৱাগী কলচরগী মশেক-মঙাল থোকহন্নবা থৌরাং তৌরে। মসিগা লোয়ননা, নবেম্বর ২০ দগী নবেম্বর ২৪ ফাওবা ১৮শুবা ফিল্ম বাজার পাংথোক্কনি অমসুং পুন্না থবক তৌমিন্ননবা অমসুং মখোয়গী থবকশিং মশক তাক্নবা ফিল্ম পুথোক্লিবশিং অমসুং ইন্দস্ত্রিগী মীওইশিংদা অফবা মফম অমা পীরি। 

ভারত অমসুং খা এসিয়াগী অফবা ফিল্মশিং য়াওরবা ভিয়ুইং রুম চহি অসিদগী মরিওত রিজোর্ত্তা অমুক পাংথোক্লগনি। মসি ফিল্ম দিস্ত্রিবুত তৌনবা অমসুং শেন থাদরক্নবা মীওইশিং ফিল্মমেকরশিংনা থিনবা মরুওইবা মফম অমা ওইনা শেমগৎপনি। মপুংফানা লোইশিল্লবা নত্ত্রগা পোস্ত-প্রদক্সনগী থাক্তা লৈরিবা ফিল্মশিং ভিয়ুইং রুমদা উৎকনি অমসুং মখোয়গা মালেমগী ফিল্ম প্রোগ্রাম্মরশিং, দিস্ত্রিবুতরশিং, সেল এজেন্তশিং অমসুং ইনভেস্তরশিংগা উনবা য়াগনি। নবেম্বর ২১ দগী নবেম্বর ২৪ ফাওবা ভিয়ুইং রুম পাংথোক্কনি।

চহি অসিগী ভিয়ুইং রুম লাইব্রেরিদা ফিল্ম ২০৮ উৎকদৌরিবা অসিদা ফিচর ফিল্ম ১৪৫, ময়াই ওইরপ শাংবা ফিল্ম ২৩ অমসুং অতেনবা ফিল্ম ৩০ য়াওরি। ফিচর অমসুং ময়াই ওইরপ শাংবা ফিল্মশিংগী মনুংদা এন.এফ.দি.সিনা পুথোকপা অমসুং পুন্না পুথোকমিন্নবা ফিল্ম ১২ অমসুং এন.এফ.দি.সি-এন.এফ.এ.আইগী পুক্কৈদগী অমুক হন্না শেমজিল্লবা ক্লাসিক ফিল্ম ১০ য়াওরি। মিনিত ৩০গী মখাদা লৈবা ফিল্মশিং অতেনবা ফিল্মগী কাংলুপ্তা উৎকনি।

ফিল্ম বাজার রিকমেন্দস (এফ বি আর)

ফিল্ম বাজার রিকমেন্দস (এফ বি আর) গী ফিল্মশিংগী প্রোজেক ২৭ গী মনুংদা ফিচর ফিল্ম ১৯, ময়াই ওইরপ শাংবা ফিল্ম ৩ , অতেনবা ফিল্ম ২ অমসুং নৌনা শেমজিল্লবা ক্লাসিক ৩ য়াওরি।

এন.এফ.দি.সিগী মেনেজিং দিরেক্তর প্রিথুল কুমারনা হায়খি, ফিল্ম বাজার রিকমেন্দস (এফ বি আর) গী খল্লবা ফিল্মশিং লাউথোকপদা ঐখোয় হরাওই অমসুং মসিদা ফিল্মমেকরশিংগী হৈথোই-শিংথোইবা অমসুং পামজবা অদু ইকায়খুম্নবা উৎলি। থবক অসিনা ইকায়খুম্নবা উৎপা খক নত্তনা, মখোয়গী পান্দমশিং মালেমদা খঙহন্নবা ৱারি লিরবশিংদা থৌনা পীরি। অওনবা পুরকপদা ফিল্মগী থৌদাং ঐখোয়না থাজবা থম্লি অমসুং মসিনা তুংগী মীরোলশিংগী কলাকারশিং শৌগৎকনি অমসুং ইথিল পীগনি।

ফিল্ম বাজার রিকমেন্দস (এফ বি আর) দগী খনগৎলবা প্রোজেকশিংদা মখোয়গী ফিল্মশিং ইন্দস্ত্রিগী লুচিংবশিং, প্রদুসরশিং, সেল এজেন্তশিং, দিস্ত্রিবুতরশিং, ফেস্তিবেল প্রোগ্রাম্মরশিং অমসুং ইনভেস্তরশিংদা উৎনবগী খুদোংচাবা পীগনি। ভিয়ুইং রুমদগী খল্লবা ফিচর, ময়াই ওইরপ শাংবা ফিল্ম অমসুং অতেনবা ফিল্মশিং গৱাদা ফিল্ম বাজার মনুংদা প্রদুসরশিং, সেল এজেন্তশিং, দিস্ত্রিবুতরশিং, ফেস্তিবেল প্রোগ্রাম্মরশিং অমসুং ইনভেস্তরশিংদা উৎকনি।

* ফিল্ম বাজার রিকমেন্দস (এফ বি আর) লিস্ত নত্ত্রগা ভিয়ুইং রুমদা য়াওরবা ফিল্মশিং মখোয়গী ক্রেদিৎশিং নত্ত্রগা প্রোমোসনগী মচাকশিংদা ফিল্ম বাজার লোগো শীজিন্নবগী অয়াবা পীদে।

ফিল্ম বাজারগী মরমদা

ফিল্ম বাজার অসি খা এসিয়াগী ফিল্মশিং মালেমগী অমসুং জাতিগী কৈথেলদা মশক তাক্নবা বি২বি মফম অমনি। ফিল্ম বাজারদা পাংথোক্লিবা ভিয়ুইং রুম অসি মখোয়গী ফিল্মশিং ইন্তরনেসনেল ফিল্ম ফেস্তিবেলশিং, মালেমগী সেল এজেন্তশিং অমসুং বয়রশিংদা লনাই ওইনা মশক তাক্নবা ফিল্ম মেকরশিংনা শেন পুথোকচবা মফম অমনি।

ভিয়ুইং রুমদা ফিল্ম মেকরশিংগা মালেম শীনবা থুংবগী প্রদুসরশিং, সেল এজেন্তশিং, দিস্ত্রিবুতরশিং, ফেস্তিবেল প্রোগ্রাম্মরশিং অমসুং ইনভেস্তরশিংগা উনগনি। মখোয়গী প্রোফাইলশিংদা য়ুম্ফম ওইরগা ফিল্ম বাজারান বয়রশিং মশক তাক্কনি। বয়রশিংনা ফিল্মশিংগী অকুপ্পা মরোলশিং লৌবা য়াগনি অমসুং অখন্নবা ভিয়ুইং রুম সোফৱায়ারদা ফিল্ম মেকরশিংগা পাউ ফাওনবা য়াগনি।

ফিল্ম বাজারগী মরমদা অহেনবা পাউশিংগীদমক, চানবীদুনা মখাগী লিঙ্কশিং অসি য়েংবীয়ু:

https://filmbazaarindia.com/the-bazaar/about-film-bazaar/

https://pib.gov.in/PressReleasePage.aspx?PRID=2068120

 *****