লৈঙাক্না লুপা করোর ১২৬১গী শেনফম কাইথোক্তুনা DAY-NRLMগী মখাদা নুপী সেল্ফ হেল্প গ্রুপশিংদা দ্রোন পীননবা সেক্ত্রেল সেক্তর স্কীম ‘নমো দ্রোন দিদী’ অয়াবা পীখ্রে‍। স্কীম অসিনা লৌউ-শিংউদা (হৌজিক্কী ওইনা হার অমসুং তিলহাৎ হিদাক চাইবদা) শীজিন্ননবা লৌমীশিংদা শান্দোক্নবগীদমক ২০২৪-২৫ তগী ২০২৫-২৬ ফাওবগী মনুংদা খনগৎলবা নুপী SHGs ১৪৫০০দা দ্রোন ফংহন্নবা পান্দম থম্লি‍। দিপার্তমেন্ত ওফ এগ্রিকলচর এন্দ ফার্মর্স ৱেলফ্যারনা স্কীম অসিগী ওপরেসস্নেল গাইদলাইন্স ফোঙখ্রে অমসুং স্তেকহোলদরশিংগী মফমদা ‘নমো দ্রোন দিদী’ স্কীম থুনা চৎনবা হৌহন্নবা ওপরেস্নেল গাইদলাইনশিং অসিবু নীংথিনা শীজিন্ননবা ৱাফম থমখি‍। ওপরেস্নেল গাইদলাইন্স অসিগী মরুওইবা কম্পোনেন্তশিংদি মখাদা পীরি:

- স্কীম অসিনা কেন্দ্রগী থাক্তা দিপার্তমেন্ত ওফ এগ্রিকলচর এন্দ ফার্মর্স ৱেলফ্যারো দিপার্তমেন্ত ওফ রুরেল দিভেলপমেন্ত, দিপার্তমেন্ত ওফ ফর্তিলাইজর্স, মিনিস্ত্রী ওফ সিভিল এভিএসন, অমসুং মিনিস্ত্রী ওফ ৱুমেন এন্দ চাইল্দ দিভেলপমেন্তকী সেক্রেতরীশিংগী এম্পৱার্দ কম্মিতী অমনা চলাইগনি‍।

- দিপার্তমেন্ত ওফ রুরেল দিভেলপমেন্তকী এদিস্নেল সেক্রেতরীনা লুচিংবা অমসুং স্তেকহোল্দর পুম্নমক্তগী মীহুৎশিং য়াওবা ইমপ্লিমেন্তেসন এন্দ মোনিতরিং কম্মিতীনা স্কীম অসিগী ইফেক্তিব প্লান্নিং, ইমপ্লিমেন্তেসন অমসুং মোনিতরিংগী থৌদাং লৌগনি অমসুং স্কীম অসি পায়খৎপগা মরী লৈনবা তেক্নিকেল ওইবা ৱাফমশিংদা মপুং ওইবা পাউতাক অমসুং লমজিং পীগনি‍।

- স্কীম অসিগী মখাদা, দ্রোনশিং পেকেজ ওইনা লৈননবা দ্রোন অমসুং এসেসরী/এনসিলরী চার্জশিংগী শেঞ্জংগী ৮০% য়াম্লবদা লুপা লাখ ৮ ফাওবগী সেন্ত্রেল ফাইনেন্সিএল এসিস্তেন্স নুপী SHG শিংদা ফংহনগনি‍।

- SHG শিংগী ক্লস্তর লেভেল ফেদরেসন (CLFs)/SHG শিংনা লেমহৌরিবা শেনফম অদু (সবসিদী লৌথোকখ্রগা লৈবদা চঙগদবা অপুন্বা শেন্ফম) নেস্নেল এগ্রিকলচর ইনফ্রা ফাইনান্সিং ফেসিলিতী (AIF)গী মখাদা লোন ওইনা লৌবা য়াগনি‍। AIF লোন্দা ৩%গী ইন্তরেস্ত সবভেন্সন CLFs/SHGs দা ফংহনগনি‍।.

- CLFs/SHGs শিংদা রুরেল দিভেলপমেন্ত মন্ত্রালয়গী অতোপ্পা সোর্স/প্রোগ্রাম/স্কীমশিংগী লোন লৌনবা লম্বীসু লৈগনি‍।

- স্কীম অসিগী মখাদা, দ্রোনখক্তা নত্তনা, দ্রোনশিং পেকেজ ওইনা সপ্লাই তৌগনি‍। পেকেজ অসিদা হার মহি অমসুং তিলহাৎ হিদাক চাইনবা স্প্রে এসেমব্লী য়াওরবা বেসিক দ্রোন, দ্রোন হাপ্নবা বোক্স, স্তেন্দর্দ বেত্তরী সেত, মখাদা ওন্থবা কেমেরা, দুএল-চেনেল ফাস্ত বেত্তরী চার্জর, বেত্তরী চার্জর হব, এনেমোমিতর, pH মিতর অমসুং পোৎলম খুদিংগী চহি ১গী ওনসাইত ৱারেন্তী য়াওগনি‍।

- পেকেজ অসিদা স্প্যার বেত্তরী সেত ০৪, স্প্যার প্রোপেল্লর সেত অমা (সেত অমমমদা প্রোপেল্লর ৬ য়াওগনি), নোজ সেত, দুএল চেনেল ফাস্ত বেত্তরী চার্জর, বেত্তরী চার্জর হব, দ্রোন পাইলোত অমসুং দ্রোন এসিস্তেন্তকী নুমিৎ ১৫নি ত্রেনিং, চহি অমগী মপুং ফাবা ইন্স্যুরেন্স, চহি ২গী চহিগী মেন্তেনেন্স কন্ত্রেক্ত অমসুং চৎনগদবা GST য়াওরি‍। অহেন্বা বেত্তরী সেত হাপ্লিবসিনা লেপ্তনা দ্রোন পাইবা য়াহন্দুনা নোংমদা একর ২০ লোম লায়না কোনশিন্বা ঙমহনগনি‍।

- নুপী SHG শিংগী মেম্বর অমমম মেন্দেতরী দ্রোন পাইলোত ত্রেনিং অমসুং নৃউত্রিএন্ত অমসুং তিলহাৎ হিদাক চাইবগী লৌউ-শিংউগী অহেন্বা ত্রেনিং য়াওবা নুমিৎ ১৫নিগী ত্রেনিংগীদমক খনগৎকনি‍। ইলেক্ত্রিকেল পোৎলমশিং শেমজিন্বা, ফিত্তিং অমসুং মেকানিকেল ৱর্কশিংদা হৈনিংবা SHG গী অতৈ মেম্বরশিং/ইমুংগী মীওইশিংনা দ্রোন এসিস্তেন্ত ওইনা ত্রেনিং পীগনি‍। দ্রোন মেনুফেকচররশিংনা ত্রেনিংশিং অসি ওপরেস্নেল গাইদলাইন্সতা পীরিবা ত্রেনিং সিদ্যুলগী মতুং ইন্না দ্রোন সপ্লাই তৌবগা লোয়ননা পেকেজ ওইনা ত্রেনিংসু পীগদবনি‍।

- স্তেতশিংগী থৌদাং পুরিবা লীদ ফর্তিলাইজর কম্পেনীশিং (LFCs)না স্তেতকী থাক্তা স্কীম অসিগী ইমপ্লিমেন্তিং এজেন্সী ওইগনি অমসুং মখোয়না স্তেত দিপার্তমেন্ত, দ্রোন মেনুফেকচরর, SHG শিংগী ক্লস্তর লেভেল ফেদরেসন/SHGs, অমসুং লৌমী/বেনিফিসরীশিংগগী মরক্তা মথৌ তাবা কোওর্দিনেসন পুরক্কনি‍। দ্রোনশিং অসি অমকপা লৈতবা অমসুং ত্রান্সপেরেন্ত ওইবা থৌওংদা LFCs শিংনা লৈগনি অমসুং দ্রোনগী মপু SHGs শিংগী CLF নৎত্রগা SHGs শিংনা ওইগনি‍।

- স্কীম অসি পায়খৎপগী থৌরাং অসি এগ্রিকলচর সর্ভিস পীননবা দ্রোনগী দিমান্দ লৈবা মফমশিংদা লৈরিবা এরিয়া/ক্লসস্তর অমসুং SHG গ্রুপশিং মওং চুম্না খন্বদা লৈ‍। লৌউ-শিংউগী থবক্তা দ্রোন শীজিন্নবা অসি হৌরকপদা ঙায়রিবা মরম্না, স্তেতশিংনা ইন্তরভেন্সনগী থৌওং কুপ্না য়েংশিনগনি, নুপী SHGs শিংদা হেন্দহোল্দিং সপ্পোর্ত ফংহনগনি অমসুং মখোয়বু চহিদা য়ামদ্রবদা একর ২০০০ দগী ২৫০০ ফাওবগী লৌফম কোনশিন্নবা মতেঙ পাংবিগনি‍। লৌউ শিংউগী স্তেত দিপার্তমেন্ত অমসুং DAY-NRLMগী স্তেত মিসন দাইরেক্তরনা অকন্বা মওংদা য়েংশিনগদবনি অমসুং স্কীম অসি গ্রাউন্দদা মায় পাক্না পায়খৎনবগীদমক স্তেত লেভেল কম্মিতীশিংগী মতেঙগা লোয়ননা থৌবু ওইদুনা হোৎনগদবনি‍।

- স্কীম অসি মওং চুম্না মোনিতর তৌবগী থবক IT বেজ মেনেজমেন্ত ইনফোর্মেসন সিস্তেম (MIS) হায়বদি দ্রোন পোর্তেল অমগী খুত্থাঙদা তৌগনি, মসিনা সর্ভিস দেলিভরী অমসুং মোনিতরিং, ফন্দ ফ্লো অমসুং ফন্দ থাদোকপগী এন্দ-তু-এন্দ সোফ্তৱ্যার অমা ওইনা মথৌ তৌগনি‍। পোর্তেল অসিনা দ্রোন খুদিংগী ওপরেসন ত্রেক তৌগনি অমসুং দ্রোন শীজিন্নবগীম তাঙদা লাইব ইনফোর্মেসন ফংহনগনি‍।

- সস্কীম অসিগী মখাদা পায়খৎলিবা থৌশিল অসিনা SHG শিংদা তুং কোইগদবা বিজিনেস অমসুং লাইবলিহুদ সপ্পোর্ত পীগনি অমসুং মখোয়না অহেন্বা শেন্থোক তান্বা ঙমহনগনি হায়না পান্দম থম্লি‍।‍ স্কীম অসিনা লৌউ-শিংউগী লমদা মতিং হেনগৎহন্নবা, ফৌথোক হেনগৎহন্নবা অমসুং লৌমীশিংদা কান্নহন্নবা শেঞ্জং হন্থহন্নবা এদভান্স তেক্নোলোজী শীজিন্নহনবদা মতেঙ পাংগনি‍।

*****