কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা গুজরাতকী সালাঙপুরদা শ্রী কশতভঞ্জনদেব হনুমানজী মন্দিরদা চৎখি অমসুং লাই খুরুমখি অমসুং লুপা করোর ২০০ চংনা শাবা কা ১১০০ লৈবা য়াত্রি ভৱন শঙ্গাখ্রে।

শ্রী অমিত শাহনা মহাক্কী ৱারোলদা, অহানবদা গুজরাতকী মীশিং অমসুং লৈবাক অসিগী প্রাজাশিংদা দিৱালিগী য়াইফ-পাউজেল পীখি। মহাক্না পনখি মদুদি চাউরবা য়াত্রি ভাৱন অসি মফম অসিদা শাখি অমসুং নারক চাতুরদাশিগী তাঞ্জা অসিদা শঙ্গারগনি। মহাক্না হায়খি মদুদি মসিগী য়াত্রি ভাৱন অসি মপুং ফানা ইকো-ফ্রেনলী ওইনা ফেসিলিতীনি হায়খি। মহাক্না য়াম্না মরু ওইনা পনখি মদুদি অথাপ্পা মফমশিংদগী লাকপা ভিজিতরশিংগী লৈনবগীদমক্তা মতিক চানা শিল-লাংদুনা থম্লি। শ্রী শাহনা হায়খি মদুদিকা ১১০০ লৈবা য়াত্রি ভাৱন অসি স্ক্বয়্যার ফীত লাখ ৯না কোনবা মফমদা লুপা করোর ২০০ চংনা শাখিবনি অমসুং মসি চহি অনি খক্তদা শাবা লোইশিনখি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি লাইশঙ অসিদা ভগবান হনুমানগী মুর্তি খিবা ঙম্লিবা আসি গোপালআণন্দ জী মহারাজগী পুকচেল শেংনা নিংজাব অমসুং পাঙ্গলননি। মহাক্না পনখি মদুদি মসিগি মফম অসি ভগবান স্বামিনরায়নগী থৌজাল ফংলবা মফম্নি। মহাক্না হায়খি মদুদি গোপালআনন্দ স্বামিজী পুকচেল শেংনা কত্থোকপা, সেবা তৌনিংবগী ৱাখল্লোন অমসুং স্বামিনরায়ন ভগবানবু থমোই শেংনা নিংজবামীশক্নি। মহাক অসি য়াম্না চম্মি আমসুং অসিগুম্বা মীওই অসি য়াম্না তাঙি। মহাক্না হায়খি মদুদি মসিগী য়াত্রি ভাৱন অসিনা লাক্কদবা চহি কয়া অমা লমকোইবা মীশিংগীদমক্তা য়ারেকফম অমসুং সর্বিস পীরগনি।

.

শ্রী অমিত শাহনা হায়খি মদুদি আভগবান হনুমান জী মহারাজকী মগুন অদুবু ফোংদোকপা হায়বসি মীওইবা অমা ওইনা ফোআদোকপা ঙম্লোই অমসুং ঐখোয়গী স্ক্রিপচরগী মতুং ইন্না, লোরদ হনুমান জী মহারাজ অসি ঐখোয়গী মালেম অসিদা হিংদুনা লৈরিবা মখোয় তরেতকী মনুংদা অমনি। মহাক্না হায়খি মদুদি তুলসিদাস জীনা হনুমান জীবু ৱাখল-লৌশিংগী অমসুং মতিক-ময়াইনা থল্লবা ইপাক্নি হায়না হায়খি। শ্রী শাহনা পনখি মদুদি ফিদম্নিংঙাই ওইরবা ভক্ত, ফিদম্নিংঙাই ওইরবা লান্মী, ফিদম্নিংঙাই ওইরবা মরুপ অমসুং ফিদম্নিংঙাই ওইরবা পাউজেল্লোই অমনা মসিগী মগুনশিং আসি ভগবান শ্রী রামগী খুয়াখা কত্থোকপা মতমদা, মহাক্না হনুমান জী মহারাজগুম্না ওইরকই অমসুং শিবা নাইদবআ মীশক অমা ওইরকই।

কেন্দ্রগী য়ুম্লৈ-কৈরৈ আমসুং কোওপরেশন মন্ত্রীনা হায়খি মদুদি কশতাভঞ্জন দেব হনুমান জী মন্দিরনা নহাশিংগীমদক্তা স্পিরিচুৱেলিতী অমসুং দিভোসন ফাওহন্নবগী মচাক অমা ওইরগনি। মহাক্না পনখ মদুদি হনুমান জীগি মুর্তি ময়াম অমা লৈ, মখোয় খুদিংমক্না তোঙান-তোঙানবা মগুন অমমম লোইনা য়াওই। শ্রী শাহনা তাক্লকখি মদুদি করিগুম্বা মুর্তি অদুনা চাতুরমুখি (মমাই মরি পানবা) ওইরবদি, মদুনা য়েক্নববু মাঙহন তাকহনবগী মশক তাকই; করিগুম্বা সঙ্কতমোচন (অৱা-অনা কোকহনবা), মদুনা অরুবা অৱা-অনা কয়াদগী কোকহলই; করিগুম্বা দক্সিনামুখি (খা রোমদা মাই ওনবা) ওইরবদি, মদুনা অকি-তুজুং অমসুং অৱা মৈশা লাংবদগী কোকহনবগী মশক তাকই; করিগুম্বা পাঞ্চমুখি (মমাই মঙা পানবা) ওইরবদি, অহিরাৱনগুম্বা ফত্তবা তৌনিংবগী ৱাখল্লোনশিং অদুদাগী কোক্নবা নিংনৈ; করিগুম্বাএকাদশি ওইরবদি, মদুনা হিংচা-য়াইতম্বগী ৱাখল্লোনদগী কোকহনবগী মশক তাকই; করিগুম্বা কশতাভঞ্জন ওইরবদি, মদুনা সনিনা থোকহনবশিং আদু য়াওনা অৱা-অনা খুদোংথিবশিংবু কোকহল্লি।

কেন্দ্রগী য়ুম্লৈ-কৈরৈ মন্ত্রীনা পনখি মদুদি ঙসি অসি সরদার পতেলগী ১৪৯শুবা মপোক কুমওন নুমিৎনি। মহাক্না পনখি মদুদি সরদার পতেলনা অপুনবা অমত্তা ওইবা অমসুং য়াম্না শক্তি লৈবা ভারত অমা শেমগৎনবগীদমক্তা অচেৎপা ফিরেপ অমগা লোইননা হোৎনরম্মি। শ্রী শাহনা হায়খি, প্রধান মন্ত্রী, শ্রী নরেন্দ্র মোদীনা সরদার পতেলগী ১৫০শুবা মপোক কুমওন চহি চুপ্না পাংথোক্নবগী ফিরেপ অদুনা মহাক্কী ৱাখল্লোনশিং অমসুং প্রিন্সিপলশিং প্রোমোত তৌবদা নত্তনা নহাশিংবু লৈবাক অসিগীদমক্তা চেৎনা নিংজবা অমসুং কত্থোকপগী ৱাখল্লোন অসি পোকহল্লগনি।

*****