লৈবাক শিনবা থুংনা শকখঙনরবা দাইবেতোলোজিস্ত অমসু ওইরিবা কেন্দ্র মন্ত্রী, দোক্তর জিতেন্দ্র সিংহনা খ্বায়দগী চাউবা দাইবেতিসকী মালেমগী সোসাইতীশিংগী মরক্তা অমা ওইরিবা রীছর্চ সোসাইতী ফোর দি স্তদী ওফ দাইবেতিস ইন ইন্দিয়া (RSSDI)গী মালেমগী ৫২শুবা এনুএল কন্ফরেন্স হৌদোকপগা লোয়ননা অথোইবা মীথুং ওইনা শরুক য়াগদৌরি‍। কন্ফরেন্স অসি অয়োভুমী, দ্বার্কা, নই দিল্লীদা নবেম্বর ১৪দগী ১৭ ফাওবা পাঙথোক্কনি‍।

দোক্তর জিতেন্দ্র সিংহগা উনরবা অমসুং মহাক্না অথোইবা মীথুং ওইনা শরুক য়ানবগী অয়াবা লৌরবা মতুংদা RSSDIগী নেস্নেল প্রেসিদেন্ত, দোক্তর বি.এম. মক্করনা ৱাফম অসি কনফর্ম তৌরকপনি‍।

পন্বা য়াবা ৱাফমদি দোক্তর জিতেন্দ্র সিংহ RSSDI গী লাইফ পেত্রোন অমসুং লাইফতাইম এচীবমেন্ত এৱার্দ ফংলবা মীওই অমসুনি‍।

তোঙান তোঙানবা মফমদা ওন-ওন্দুনা পাঙথোকপা লেমজনিংঙাই ওইরবা প্রীমিয়র থৌরম অসি মমাঙদা দিল্লীদা ২০১৩দা দোক্তর জিতেন্দ্র সিংহ মশামক্না কন্ফরেন্স অসিগী সাইন্তিফিক চেয়রমেন ওইরিঙৈদা পাঙথোকখিবনি‍।

নবেম্বর কন্ফরেন্স অসিদা ভারত শিনবা থুংবদগী অমসুং মপান লৈবাকশিংদগী দাইবেতিসকী লমদা শক্নাইরবা অখঙ অহৈশিং, থিজিল্লোয়শিং, অমসুং প্রাক্তিস্নরশিং পুনশিন্দুনা কত্তিং-এদ্জ নোলেজ তাথোক তাশিন তৌনবা, অনৌবা রীছর্চশিং থিজিন্নবা, অমসুং দাইবেতিস লাকশিনবদা পুন্না হোৎনমিন্ননবা থৌরাং য়াৎকনি‍।

মীওই ২০,০০০ হেন্বনা পুনগনি হায়না পানরিবা চহি অসিগী RSSDI কন্ফরেন্স অসিনা দাইবেতিস লায়েংবা অমসুং পব্লিক হেল্থ এপ্রোচকী লমদা খুমাঙ চাওশিলহন্নবা অচৌবা অমসুং খেন্নবা মখলগী প্রোগ্রাম অমা পুথোক্নবা ৱাফম থম্লি‍। শরুক য়ারিবশিংনা দাইবেতিস রীছর্চ, ক্লিনিকেল কেয়র, অমসুং পব্লিক হেল্থ স্ত্রেতেজী হায়রিবা মরুওইবা হীরমশিং কোনশিন্দুনা কীনোত লেকচর, প্লেনরী সেসন, ইন্তরেক্তিব ৱর্কসোপ, রীছর্চ প্রজেন্তেসন, অমসুং পোস্তর সেসন কয়াদা শরুক য়ানবগী খুদোংচাবা ফংগনি‍।

RSSDI গী ৫২শুবা এনুএল কন্ফরেন্স অসিদা মালেমগী মীয়াম্না শকখঙনরবা স্পীকর ২৭না শরুক য়াদুনা, মখোয় খুদিংমক্না লেমজনিংঙাই ওইরবা থৌরম অসিদা মখোয়গী তোপ তোপ্পা হৈথোই শিংথোইবশিং পুরক্কনি‍। দাইবেতিস রীছর্চ, ক্লিনিকেল প্রেক্তিস, অমসুং পব্লিক হেল্থকী লমদা লুচিংবা ওইরিবা মালেমগী মশক মমিং নাইরবা মীওইশিং অসিনা মখোয়গী ৱাখল্লোনশিং অমসুং অনৌবা ফাইন্দিংশিং পুথোক্তুনা দাইবেতিস মেনেজ তৌবা অমসুং ঙাকথোকপগী মরমদা খন্ন-নৈনবা অসি হেন্না মতিক হাপকনি‍। মখোয়না শরুক য়ারিববা অসিনা কন্ফরেন্স অসিবু মালেমগী থাক্তা ৱাখল লৌশিং তাথোক তাশিন তৌনবা, ইনোভেতিব ওইবা লম্বীশিং শীজিন্নবা, অমসুং দাইবেতিস কেয়রদা মালেমগী ওইনা খুৎশম্ননা চৎমিন্ননবা মশক নাইবা ফম্পাক অমা ওইহনবদা মরুওই‍।

অখন্ননা পন্বা য়াবশিংগী মরক্তা শক্নাইরবা আর্তিস্ত সুদর্সন পত্নাইক্কী সেন্দ আর্ত ইন্সতোলেসন, শরুক য়ারিবা মীওই লিশিং কয়া পুনশিন্দুনা ৱাশক লৌবগী থৌরম, অমসুং ভারতকী দাইবেতিস কেয়র অমসুং রীছর্চকী লমদা মপুং ফাবা ৱাইত পেপর অমা ফোঙবা য়াওরি‍। RSSDIগী ৱাখল চাউবা প্রোজেক্ত অমা ওইরিবা ৱাইত পেপর অসিনা ভারত পুম্বদা দাইবেতিস লায়েংবগী মরুওইবা ৱাখল্লোন অমসুং মতিং লৈবা চৎন-পথাপশিং স্তেন্দর্দাইজ তৌনবা তাঞ্জা পীগনি‍।

কন্ফরেন্স অদুগী ওর্গনাইজিং কম্মিতীগী হেন্দআউত অমগী মতুং ইন্না, দোক্তর জিতেন্দ্র সিংহনা থৌরম অসিদা শরুক য়ানবা য়ারকপা অসিনা হেল্থকেয়রগী লমদা মহাক্না লেপ্লিবা খোঙফম অমসুং সেক্তর কয়াদা মহাক্কী অশানবা মীৎয়েঙগী ইথিল তাক্লি‍। RSSDIগী পেত্রোন অমা ওইনা, মহাক্না শরুক য়াগদৌরিবা অসিনা থৌরমদুদা শরুক য়াগদৌরিবা মীওইশিংগগী পুক্নিং থৌগৎনফম ওইদুনা, মীয়ামগী হকশেল অমসুং দাইবেতিসকুম্বা ক্রোনিক হেল্থ ইসুশিংগী ইনোভেতিব ওইবা পাম্বৈ পুথোকপদা লৈঙাক্না পুক্নিং লুপ্লিবা অসি হেন্না চেৎশিনহল্লগনি‍।

মেম্বর ১২০০ রোম লৈদুনা খ্বায়দগী চাউবা দাইবেতিস ফীজিক্সিয়ন্সশিংগী গ্লোবেল সোসাইতীশিংগী মরক্তা অমা ওইরিবা RSSDI, দাইবেতিসকী লমদা রীছর্চ অমসুং এজুকেসন য়োকখৎনবা লেপ্পা লৈতনা হোৎনবগীদমক শকখঙনৈ‍। মখোয়গী এনুএল কন্ফরেন্স অসি দাইবেতিস থেংনবগী ভারতকী খোঙজেলদা মতেঙ ওইগদবা গ্রাউন্দব্রেকিং ওইবা ৱাখল্লোন অমসুং খ্বায়দগী ফবা থৌওংশিং তাথোক তাশিন তৌনবগী মরুওইবা ফম্পাক অমা ওইদুনা লৈরি‍।

থৌরম অসিনা হেন্না মশা মউ ফবা তুংলমচৎ অমা পুরক্নবা রীছর্চ, মেদিকেল এক্সপর্তিজ, অমসুং লৈঙাক্কী তেঙবাংকী থৌদাংদা মীৎয়েঙ থমদুনা দাইবেতিস কম্ম্যুনিতীখক্তগী নত্তনা লৈবাক্কীদমকসু কান্নরবা থৌরম অমা ওইরি‍।

***