এনভাইরনমেন্ত, ফোরেস্ত এন্দ ক্লাইমেত চেঞ্জকী কেন্দ্রগী রাজ্য মন্ত্রী, শ্রী কির্তি বর্ধন সিংহনা ওক্তোবর ২৯, ২০২৪দা কোলোম্বিয়াদা পাঙথোক্লিবা কন্ফরেন্স ওফ পার্তিজ (CoP) তু দি কনভেন্সন ওন বাইওলোজিকেল দাইভর্সিতীগী ১৫শুবা মীফমগী হায় লেভেল সেগমেন্ততা বাইওলোজিকেল রিসোর্সশিং ঙাক-শেন্দুনা থম্নবগী মরমদা লৈবাক্কী ৱারোল থমখ্রে‍।

MoS শ্রী সিংহনা কোলোম্বিয়াগী এনভাইরনমেন্ত মিনিস্তর মিস সুসনা মুহম্মদকী মফমদা খ্বায়দগী মতম শাংনা COPগী প্রেসিদেন্তকী ফম পায়রম্বা চাইনাগী মিস্তর হুৱাং রুনচিদগী COP প্রেসিদেন্সী পায়হৌবগীদমক নুংঙাইবা ফোঙদোকখ্রে‍।

থৌরমদুদা ৱা ঙাংলদুনা, শ্রী সিংহনা ভারত্তা মালেম ইমাবু খুরুমজবগী ইনাক খুল্লবা নাৎ অমসুং চৎনবী লোয়ননা মহৌশাগা লোয়ননা লৈমিন্নবগী মচৎ লৈরকই হায়খি‍। ভারত অসি মালেমগী শকখঙলবা বাইওদাইভর্সিতী হোতস্পোত ৩৬কী মনুংদা মরি লৈবা মালেমগী মেগা-দাইবর্স রিচ লৈবাক ১৭কী মনুংদা অমন‍ি‍। “ঐখোয়না ঐখোয়গী পলেম ইমাবু ইকায়খুম্নবগুম মালেম ইমাবু ইকায়খুম্ননবা, ঐখোয়গী বাইওদাইভর্সিতী হঞ্জিলহন্নবা অমসুং ঙাকথোক্নবা পুন্না হোৎনমিন্নবা ওইনা ঐখোয়গী প্রধান মন্ত্রীনা চহি অসিগী ৱর্ল্দ এনভাইরনমেন্ত দে থৌরমদা লৈবাক পুম্বগী উ থাবগী কেম্পেন ‘এক পের মা কে নাম’ নৎত্রগা ‘Plant4Mother’ হৌদোকখি,” হায়না মহাক্না হায়খি‍।

‘মহৌশাগী ইং-চিক্না লৈমিন্নবা’ হায়বসি ঙল্লিঙৈ বেদিক মতমদগী হৌনা ভারতকী ইনাক খুল্লবা নাৎকী লনগী শরুক ওইদুনা লাক্লবনি‍। থীম অসি অকোয়বগী ফীভমদা চুনবা পুন্সি মহিং লৌশিন্নবা ভারতনা লুচিংবা মালেমগী মীয়ামগী ইহৌ অমা ওইরিবা ভারতকী ‘লাইফস্তাইল ফোর দি এনভাইরনমেন্ত (LiFE)’ মিসনগা চুশিন্নৈ হায়না মন্ত্রীনা মখা তাখি‍।

বিগ কেতশিং অসি মশা মউ ফবা ইকোসিস্তেম অমসুং ইনাক খুন্বা বাইওদাইবর্সিতী লৈ হায়ববা তাকপনা মরম ওইরগা মালেমগী অচৌবা বিগ কেত মখল তরেৎ ঙাক শেন্নবা পান্দমদা ইন্তরনেস্নেল বিগ কেত এলাইন্স (IBCA) লিংখত্তুনা মালেমগী ৱাইল্দলাইফ কঞ্জার্বেসনগী লমদা শিংথানিংঙাই ওইবা খোঙথাং লৌখৎলে হায়না শ্রী সিংহনা পাউদমখি‍।

‘নমামি গঙ্গে’ মিসনগী খুত্থাঙদা ঐখোয়গী শেংলবা গঙ্গা তুরেল মশা ফগৎহন্নবা ভারতনা হোৎনরিবা থৌরাং অসিবু য়ুনাইতেদ নেসন্সনা রিভরাইন ইকোসিস্তেম হিঙ্গৎহন্নবা মকোক থোংবা ৱর্ল্দ রেস্তোরেসন ফ্লেগসিপ ১০গী মনুংদা অমা ওইনা শকখঙলি হায়না মন্ত্রীনা হায়খি‍। ভারতকী রমসার সাইত মশিং ২০১৪দগী হৌরগা ২৬তগী ৮৫দা হেনগৎলক্লে অমসুং মশিং অসি অথুবা মতমদা ১০০ য়ৌরগনি হায়না মহাক্না পাউদমখি‍।

ভারতনা কুনমিং-মোন্ত্রীল গ্লোবেল বাইওদাইভর্সিতী ফ্রেমৱর্ক (KMGBF)কা চুননা পান্দম থম্নবা নেস্নেল বাইওদাইভর্সিতী স্ত্রেতেজী এন্দ এক্সন প্লান (NBSAP) অপদেত তৌবা মতমদা ‘হোল ওফ গভর্নমেন্ত’ অমসুং ‘হোল ওফ সোসাইতী’ হায়বা পরিংদা চঙশিল্লি হায়না শ্রী সিংহনা নৌহৌননা নীংশিংখি‍। মন্ত্রালয়না কালিদা ৩০.১০.২০১৪দা অপদেত তৌরবা NBSAP ফোঙলগনি হায়না মহাক্না পাউদমখি‍।

NBSAP থবক ওইনা পায়খৎনবগীদমক KMGBF গী লোয়ননা DSI গী পান্দম ১৯দা পীরিবগুম্না ফাইনেন্সিএল রিসোর্সসশিং য়াওনা থবক পায়খৎনবা পাম্বৈ ফংহনবা মরুওই হায়না মন্ত্রীনা হায়খ‍ি‍। মথৌ তাবা স্পীত, স্কোপ অমসুং স্কেলগা লোয়ননা, লায়না ফংবা য়াবা থবক পায়খৎপগী পাম্বৈশিং হায়বদি ফাইনেন্সিএল রিসোর্সশিং, তেক্নোলোজী অমসুং কেপাসিতী বিল্দিংগী মথৌ তাবশিং ফংহন্নবা চঙশিনগদবা য়াম্না ৱাৎলি হায়না মহাক্না মখা তাখি‍।

‘বসুদৈব কুতুম্বকম – মালেম অমা, ইমুং অমা, তুংলমচৎ অমা’ হায়রিবা ৱাখল্লোনসিদা, ভারত মশাগী লোয়য়ননা মালেমগী বাইওদাইভর্সিতীবু হৌজিক্কী অমসুং তুংগী মীরোলগীদমক ঙাক শেন্দুনা থম্বগী মায়কৈদা ভারতনা লেপ্লিবা খোঙফম অমুক হন্না ফোঙদোক্তুনা শ্রী সিংহনা মহাক্কী ৱারোল লোইশিনখি‍।

*****