য়ু.এন. কনভেন্সন ওন বায়োলোজিকেল দাইভর্সিতি (UNCBD)গী কনফরেন্স ওফ পার্তীজগী ১৬শুবা মীফম (COP 16)গা ইরোইননা, কেন্দ্রগী এনভাইরনমেন্ত, ফোরেস্ত অমসুং ক্লাইমেত চেঞ্জকি রাজ্য মন্ত্রী, শ্রী কির্তি ৱর্ধন সিংনা ২০২৪গী ওক্তোবর ২৯দা, কোলম্বিয়াগী কেলিদা য়ুনিভর্সিতী ওফ ভালেদা ‘এক পের মা কে নাম (#Plant4Mother)’ কেমপেনগী ফরেমৱার্ককী মকাদা প্লেন্তেশন দ্রাইব লুচিংখ্রে।

প্লান্তেশন দ্রাইব অদুদা কোলম্বিয়াদা ভারতকী এম্বাসেদর, হিস এক্সেলেন্সী, শ্রী ভানলালহুমানা শরুক য়াখি; য়ুনিভর্সিতী ওফ ভালেগী ভাইস রেক্তর, সুকুমারি মোনিকা গার্সিয়া সোলার্তে; অমসুং য়ুনিভর্সিতী ওফ ভালেগী রেক্তর, শ্রী গ্বিলের্মো মুরিল্লো ভার্গাসকা লোইন-লোইননা ফেকল্তি মেম্বরশিং অমসুং মহৈরোইশিংনা শরুক য়াখি। এনভাইরনমেন্ত, ফোরেস্ত অমসুং ক্লাইমেত চেঞ্জকী স্পেসিয়েল সেক্রেতরী, শ্রী তন্ময় কুমারগী মমাগী মিংদা য়ুনিভর্সিতী অদুদা উ চারা অমশু থাখি। প্লান্তেশন দ্রাইব অদুদা, রেক্তর; ভাইস রেক্তর অমসুং য়ুনিভর্সিতী ওফ ভালেগী ইন্তর্নেস্নেল কোওপরেশনগী দাইরেক্তরনশু মহাক্কী মমাগি মমিংদা উ চার অমমশু থাখি।

থৌরম অদুদা, শ্রী কির্তি ৱর্ধন সিংনা ফেকলতী মেম্বরশিং অমসুং য়ুনিভর্সিতীগী মঐরোইশিংগা ৱারি=ৱাতাই শাখি  অমসুং মখোয়গী পুনশিদা সস্তেনেবল প্রক্তিসশিং ইন্নবা পুক্নিং থৌগৎখি অমসুং এনভাইরনমেন্তেল কঞ্জার্ভেশনদা নহাশিংনা শরুক য়ানবগী মতাংদা য়াম্না মরু ওইনা পনখি। প্লান্তেশন দ্রাইব অদুদা মহৈরোই অমসুং ফেকলতী মেম্বর ৩০ হেনবনা য়াম্না থৱায় য়াওনা শরুক য়াখি।

কেমপেন ‘এক পের মা কে নাম (#Plant4Mother)’ অসি ভারতকী প্রধান মন্ত্রী, শ্রী নরেন্দ্র মোদীনা হন্দক্কী চহি অসিগী ৱার্লদ এনভাইরনমেন্ত দেদা হৌদোকখিবনি। মসি মমা ওইবীশিংদা থমোই শেংনা ইকাই খুম্নবগা লোইননা এনভাইরনমেন্তেল রেসপোন্সিবিলিতীগা পুনবা অদুগুম্বা য়াম্না তোপ-তোপ্পা অনৌবা থৌরাং অমনি। মসিগী কেমপেন অসি প্রধান মন্ত্রীনা পীপল পাম্বী অমা থাবগা লোইননা হৌদোকখিবনি।

মসিগী কেমপেন অসি হৌদোকপা মতমদা, শ্রী মোদীনা মালেম শিনথুংনা প্রজাশিংনা মসিদা শরুক য়াবা অমসুং এনভাইরনমেন্ত অসিবু ফগৎহন্নবা ময়াম পুন্না থবক তৌমিন্নবগী মরু ওইবা অদুগী মতাংদা য়াম্না মরু ওইনা পনখি অমসুং হৌখিবা দেকেদ অসিদা উমং মশিং হেনগৎহন্নবা ভারতনা লৌখৎখিবা খোংথাংশিং অদুগী মতাংদা ৱা ঙাংখি। মসিগী কেমপেন অসি সস্তেনেবল দেবেলপমেন্ত ফংনবগীদমক্তা লৈবাক অসিনা হোৎনরিবা থবকশিং অদুগা মরি লৈনৈ।

***