0 3

18শুবা NFDC ফিল্ম বাজারনা লৈবাক তরেৎকী ফিচর ফিল্ম 21 অমসুং ৱেব সিরিজ 8 য়াওনা কো-প্রদক্সন মার্কেৎকী ওফিসিএল সেলেক্সন লাউথোকখ্রে। ফিল্ম বাজার অসি গোৱাদা 2024গী নবেম্বর 20দগী 28 ফাওবা পাংথোক্কদৌরিবা লেমজনীংঙাই ওইরবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI)গা লোয়ননা চহি খুদিংগী পাংথোকপনি। চহি অসিগী ফিল্ম বাজার অসি 2024গী নবেম্বর 20দগী 24 ফাওবা গোৱাগী মেরিয়োৎ রিজোর্ৎতা পাংথোক্কনি।

চহি অসিগী ওফিসিএল সেলেক্সন অসিদা হিন্দী, ইংলিস, অসামীজ, তামিল, মারৱারী, বেঙ্গালী, মলয়ালম, পঞ্জাবী, নেপালি, মরাথী, পহারী অমসুং কেন্তোনিজ য়াওনা লোল কয়া য়াওরি। ফিল্ম বাজারদা, ভারত, বঙ্গলাদেশ, নেপাল, ওস্ত্রেলিয়া, য়ু.কে., জর্মনী অমসুং হোং কোংদগী ফিল্ম মেকরশিংনা মখোয়গী প্রোজেক্তশিং অসি প্রদ্যুসরশিং, দিস্ত্রিব্যুতরশিং, ফেস্তিবেল প্রোগ্রামরশিং, ফাইনান্সিয়রশিং অমসুং সেল্স এজেন্তশিং য়াওনা ইন্দস্ত্রীগী প্রোফেস্নেলশিংগী মরক্তা পিৎচ তৌগনি।

ওপন পিৎচ সেসন অসি ফিল্ম মেকরশিংগীদমক্তা কনেক্সনশিং শেমগৎনবা অমসুং পুন্না থবক তৌমিন্নবগী খুদোংচাবা অমা ওইরি। চহি অসিদা কো-প্রদক্সন মার্কেৎতা চনখিবা ফিল্ম অমসুং ৱেব সিরিজশিংগী লিস্ত অসি মখাদা পীরি:

চহি অসিদা এসিয়া TV ফোরম অমসুং মার্কেৎ (ATF)গা লোয়ননা ক্রোস-এক্সচেঞ্জ ইনিসিএতিবকী মনুংদা প্রোজেক্ত অমা হৌদোকপগা লোইননা নুংঙাইরবা পার্তনরশিপ অমা শেম্লে। ৱেব সেরিজশিংগী মীয়াম্না পাম্নবা হেনগৎলকপগা লোইননা, NFDCনা দ্রামা, রোমান্স, পেরিওদ দ্রামা, কোমেদী, এক্সন, কমিং-ওফ-এজ, এদভেঞ্চর, অমসুং থ্রিলরগুম্বা মখল কয়াগী শক্নাইরবা প্রোজেক্ত 8 য়াওহনখ্রে।

NFDCগী মেনেজিং দাইরেক্তর, শ্রী প্রিতুল কুমারনা হায়খি মদুদি কো-প্রদক্সন মার্কেত অসি ফিল্ম বাজারগী মরুওইবা শরুক অমা ওইরক্লি। মসিনা খনগৎলবা প্রোজেক্তশিংদা মমল য়াম্লবা শেলগী তেংবাং পীরি। চহি অসিদা ঐখোয়না লৈবাক 23দগী লোন 30দা ফিচর এপ্লিকেসন 180 ফংখি। ঐখোয়গী হৌদোকপগী ৱেব সেরিজ ইদিসনগীদমক্তা, ঐখোয়না লোল 14গী মহুৎ শিন্দুনা লৈবাক 8দগী সবমিসন 38 ফংখি। খনগৎলবা ফিল্মমেকর পুম্নমকপু মখোয়গী ভিজনশিং অদু পুন্সিদা ওন্থোক্নবা মতিক চাবা কো-প্রদক্সন পার্তনরশিং ফংনবা য়াইফ-পাউজেল পীজরি।

ফিল্ম বাজারগী মরমদা

ফিল্ম বাজার অসি 2007দগী হৌদুনা ফিল্ম মেকিং, প্রদক্সন অমসুং দিস্ত্রিব্যুসনদা খা এসিয়াগী ফিল্মশিং অমসুং হৈশিংবশিং পুথোকপা, শৌগৎপা অমসুং উৎনবগীদমক কত্থোকখ্রে। বাজার অসিনা খা এসিয়াগী লমদমদা মালেমগী সিনেমা য়োনবগী থৌওংসু লাইথোকহল্লি। মসিনা খা এসিয়াগী অমসুং মালেমগী ফিল্ম মেকরশিং, প্রদ্যুসরশিং, সেল্স এজেন্তশিং অমসুং ফেস্তিবেল প্রোগ্রামরশিংগীদমক্তা ক্রিয়েতিব অমসুং ফাইনান্সিএল কোলাবোরেসনগীদমক পুনশিনবা মফম অমা ওইনা থবক তৌরি। নুমিৎ মঙাগী মনুংদা, ফিল্ম মার্কেত অসিনা খা এসিয়াগী কন্তেন্ত অমসুং তেলেন্ত প্রমোৎ তৌবদা মীৎয়েং থম্লি। কো-প্রদক্সন মার্কেত অসিনা তোঙান তোঙানবা মালেমগী ৱারোলশিংবু ময়েক শেংনা তাক্নবা পান্দম থম্লি।

IFFIগী মতাংদা

ইং 1952দা হৌদোকখিবা ইন্তর্নেস্নেল ফিল্ম ফেস্তিবেল ওফ ইন্দিয়া (IFFI)অসি এসিয়াগী প্রিমিয়র ফিল্ম ফেস্তিবেলশিংগী মনুংদা অমা ওইরি। হৌরকপা মতমদগী, IFFIনা ফিল্মশিং, মখোয়গী পুক্নিং চিংশিনবা ৱারীশিং অমসুং মখোয়গী মথক্তা লৈরিবা হৈথোই-শিংথোইরবা মীওইশিংবু ইকায় খুম্নবা উৎনবা পান্দম থম্লি। ফেস্তিবেল অসিনা ফিল্মশিংগীদমক অচেৎপা থাগৎপা অমসুং নুংশিবা অমা শন্দোক্নবা, মীয়ামগী মরক্তা খঙ-হৈনবা অমসুং মরূপ ওইবগী মরী অমা শেমগৎনবা অমসুং মখোয়বু ইন্দিভিজুএল অমসুং কোলেক্তিব এক্সিলেন্সকী অনৌবা থাক্তা য়ৌহন্নবা পুক্নিং থৌগৎনবা হোৎনরি।

***