মরুওইবা খোঙথাং অমদা, ফিসরিজ, এনিমেল হজবেন্দরী অমসুং দাইরিয়িং মন্ত্রালয়না ভারত্তা অহিংবা সিৱীদশিং পুশিল্লকপগী গাইদলাইনশিং খঙহনখ্রে। খোঙথাং অসিনা সিৱীদ ইন্তর্প্রাইসশিংবু সমুদ্র মপান্দা লৈবা খুঙ্গংগী শেন্মিৎলোন চাউখৎহনবা ঙম্বা মরু ওইবা শাফু অমা ওইহন্দুনা মখোয়বু চাউখৎপদা খোঙজেল হাপ্পগী পান্দম থম্লি, থৌওং অসিনা অকোয়বগী ফিভম ঙাক-শেনবা অমদি থবক খুদিংগী ময়োলদা বাইওসেক্যুরিতীগী থৌওংদা মিৎয়েং চঙহন্দুনা ঙামী খুন্নাইগী সোসিও-ইকোনোমিক্কী ফিভম ফগৎহনবগা লোয়ননা পুন্সি মহিংবু তুং কোইনা ফহনগনি।

গাইদলাইনশিং অসিনা মগুন লৈরবা সিদ মেতরিএল নৎত্রগা জর্মপ্লাজম মপান্দগী পুশিল্লকপদা মতেং পাংগনি। মসিনা লৌমীশিংদা মগুন লৈরবা সিদ স্তোক ফংহন্নবা দোমেস্তিক মল্তিপ্লিকেসন তৌবা ঙমহল্লগনি। হৌজিক্কী ওইনা, ভারতকী সিৱীদ এন্তর্প্রাইজশিং অসি কম্মর্সিএল ওইনা মমল য়াম্লবা স্পিসিসশিংগী মতীক চাবা মশীংদা সিদ ফংদবা অমসুং খ্বাইদগী তোয়না ফার্ম তৌরিবা কেপ্পাফিকসকী সিদ মেতরিএলশিংগী ক্বালিতী হন্থবা অসিগুম্বা শিংনবশিং মায়োক্নরি।

প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.), ভারত সরকারগী মরুওইবা স্কিম অসিনা সমুদ্রগী ঈশিং সেক্তরদা অহোংবা পুরক্নবা পান্দম থম্লি। মসিগী পান্দমদি 2025 ফাওবদা লৈবাক অসিগী সিৱীদ পুথোকপগী চাংদা মিলিয়ন তন 1.12 হেনগৎহনবনি। স্কিম অসিগী মখাদা, সরকারনা সিৱীদ ফার্মিংগী থবক থৌরমশিং মপাঙ্গল কনখৎহন্নবা খোংথাং কয়া লৌখৎলে। মসিগী মরক্তগী মরুওইবা অমা হায়রগদি অপুনবা লুপা করোর 127.7গী শেনফমগা লোয়ননা তামিল নাদুদা মলতিপরপস সিৱীদ পার্ক অমা লিংখৎপনি।

গাইদলাইনশিং অসিনা অহিংবা সিৱীদ ইম্পোর্ত তৌনবগী প্রোসেস অমা, ত্রান্সপরেন্সী অমসুং একাউন্তেবিলিতী লৈহনবা, তিন অমসুং লায়নাশিং পুশিল্লকপা থিংনবা অকনবা ক্বারেন্তিনগী থৌওংশিং, ওইথোকপা য়াবা বাইওসেক্যুরিতীগী শিংনবশিং মশক খঙদোক্নবা রিস্ক এসেসমেন্ত অমসুং লেপ্তনা চৎথরিবা মোনিতরিং অমসুং রিস্ক এসেসমেন্ত মপাঙ্গল কনখৎহন্নবা পোস্ত-ইম্পোর্ত মোনিতরিং য়াওনা, অহিংবা সিৱীদ ইম্পোর্ত তৌনবগী ময়েক শেংবা রেগ্যুলেতরী ফ্রেমৱার্ক অমা পীরি।

মসিগী গাইদলাইন অসিনা অকোয়বগী ফিবম লেংদনা লৈহন্নবা অমসুং শেন্মিৎলোন চাউখৎহন্নবগীদমক সিৱীদ থাববু পুক্নিং থৌগৎকনি। মসিগী মথক্তা, অনৌবা সিৱীদ স্ত্রেইনশিং পুশিল্লকপনা রিসর্চ অমসুং দিবেলপমেন্ত পুক্নিং থৌগৎলগনি। মসিনা সিৱীদ স্পিসিস মখল কয়াগী সিৱীদ প্রদক্সন হেঙ্গৎহল্লগনি।

গাইদলাইনশিং অসিগী মতুং ইন্না, ভারত্তা অহিঙবা সিৱীদ পুশিল্লকপদা, ইম্পোর্তরশিংনা দিপার্তমেন্ত ওফ ফিসরিজদা অকুপ্পা মরোল য়াওবা এপ্লিকেসন অমা পীশিনবা য়াই। এপ্লিকেসন অদু নেস্নেল কমিতী ওন ইন্ত্রোদক্সন ওফ এক্সোতিক এক্বাতিক স্পিসিস ইন ইন্দিয়ন ৱাতর্সনা রিভিয়ু তৌগনি। অয়াবা পীরবা মতুংদা, দিপার্তমেন্তনা ইম্পোর্তকী অয়াবা চয়োল মরিগী মনুংদা পীগনি, মসিনা অৱাংবা থাক্কী সিৱীদ জর্মপ্লাজম ইম্পোর্ত তৌবদা মতেং পাংগনি।

অসুম্না গাইদলাইনশিং অসিনা ভারত্তা অহিংবা সিৱীদ পুশিল্লকপদা মপুং ফাবা রেগ্যুলেতরী ফ্রেমৱার্ক অমা পীরি। মসিনা প্রোসেস অসি তেক্ত কায়দনা, নীংথিনা অমসুং থৌদাং খঙনা পাংথোকপা ঙমহনগনি। ভারত সরকারগী ঙা য়োনবা বিভাগনা স্তেকহোল্দরশিং, খুদম ওইনা রিসর্চরশিং, ওন্তোপ্রিনরশিং অমসুং লৌমীশিংবু অনৌবা খুদোংচাবশিং অসিগী খুদোংচাবা লৌনবা অমসুং সিৱীদ ইন্দস্ত্রী চাউখৎহনবদা মতেং পাংনবা পুক্নিং থৌগৎলি।

***