ইকায়খুম্নরবা চান্সেল্লর স্কোলজ,

ভাইস চান্সেল্লর দোক্তর রোবার্ত হেবেক,

ভারত সরকারগী মিনিস্তরশিং,

জর্মন ব্যুজিনেসকী এসিয়া-পেসিফিক কম্মিতিগী চিয়ার্মেন, দোক্তর বুসচ,

ভারত, জর্মনি অমসুং ইন্দো-পেসিফিক লৈবাকশিংগী উদ্যোগকী লুচিংবশিং,

ইবেম্মাশিং অমসুং ইবুংঙোশিং,

খুরুমজরি!

গুতেন তেগ!

মরুপশিং,

ঙসি অসি খন্নবা নুমিৎ অমনি।

ঐগী মরুপ, চান্সেল্লর স্কোলজ, ৪রকশুবা ওইনা ভারত্তা লাক্লে।

মেয়র অমা ওইনা মহাক্না অহানবা ওইনা লাকখি অমসুং মথং খোঙচৎ অহুম মহাক্না চান্সেল্লর ওইরিঙৈদা লাকখিবা অসিনা ভারত-জর্মনিগী মরীশিংদা মহাক্না লুম্না লৌবা অদুগী মমি তারে।

চহি ১২ গী মতুংদা জর্মনি ব্যুজিনেসকী এসিয়া-পেসিফিক মীফম ভারত্তা পাংথোক্লি।

অতোপ্পা অমদা, সি.ই.ও ফোরমগী মীফম অমা পাংথোক্লি অমসুং অতোপ্পা অমদা, ঐখোয়গী নেভিশিং পুন্না লাল ঔরাইরি। হৌজিক জর্মনিগী নেভেল জহাজশিং পোর্ত কোল অমদা গৱাদা লৈরি।  মসিগী মথক্তা, অথুবা মতমদা ভারত অমসুং জর্মনিগী মরক্তা ৭শুবা ইন্তর-গভর্নমেন্তেল কন্সলতেসনশিং পাংথোক্লগনি।

তশেংনা, ভারত অমসুং জর্মনিগী মরক্তা লৈনরিবা মরুপ-মপাংগী মরী অসি খোঙথাং খুদিং, মাইকৈ খুদিংদা হেন্না চেৎশিল্লে।

মরুপশিং,

চহি অসিদা ইন্দিয়া-জর্মনি স্ত্রাতেজিক পার্তনরশিপ চহি ২৫ মপুংফারে।

মথং চহি ২৫ দা পার্তনরশিপ অসি অনৌবা থাকশিং উবা ফংলগনি।

লাক্লিবা চহি ২৫ অসিদা ভারত চাউখৎনবা লম্বী অমা ঐখোয়না শেম্লে।

অসিগুম্বা মরুওইবা তাঞ্জা অমদা, জর্মনি কেবিনেতনা “ফোকস ওন ইন্দিয়া” দোকুমেন্ত ফোঙখিবদা ঐ হরাওই।

মালেমদা খ্বাইদগী চাউবা গনতন্ত্র চৎপা লৈবাক অনি, মালেমদা খ্বাইদগী চাউবা ইকোনোমি অনি, পুন্না চৎমিন্নবনা, মালেমগী য়াইফনবা ঐখোয় অচৌবা শাফু অমা ওইবা ঙমগনি অমসুং ফোকস ওন ইন্দিয়া দোকুমেন্তনা মসিগীদমক ব্লুপ্রিন্ত অমা শেম্লে। মসিদা, স্ত্রাতেজিক পার্তনরশিপ শেমগৎনবা জর্মনিগী অচুম্বা থৌরাং অমসুং থবক নাখৈ শেংনা উবা ফংলে। মরুওইনা পনবা য়াবদি ভারতকী হৈথোই-শিংথোইবা শিন্মীগী মতাংদা জর্মনিনা থাজবা ফোঙদোকপা অসিনি।

মখুৎ-মশা হৈবা ভারতমচাশিংগী ভিসা মশিং চহি অমদা ২০,০০০ দগী ৯০,০০০ দা হেনগৎহন্নবা জর্মনিনা ৱারেপ লৌরে।

মসিনা জর্মনিগী শেন-থুম চাউখৎপা হেনগৎহনগনি হায়না থাজবা থম্লি।

মরুপশিং,

ঐখোয়গী লৈবাক অনিগী ললোন-ইতিক দোল্লর বিল্লিয়ন ৩০ হেল্লে।

ঙসিদি, জর্মনিগী কম্পেনি চা কয়া ভারত্তা থবক তৌরে, ভারতকী কম্পেনিশিংশু জর্মনিদা পাকথোক-চাউথোক্লে।

ভারত অসি মখল কয়া পাংথোক্নববা অমসুং খুদোংথিবা হন্থহন্নবা মরুওইবা মফম অমা ওইরে অমসুং মালেমগী ললোন-ইতিক অমসুং মেনুফেকচরিংগী মফম অমা ওইরক্লে। ফিবম অসিদা, অদোমগী খ্বাইদগী খুদোংচাবা অসি মেক ইন ইন্দিয়া অমসুং মেক ফোর ৱার্ল্দনি।

মরুপশিং,

ই.য়ু অমসুং এসিয়া-পেসিফিক লমদমগী মরক্তা লৈনরিবা মরীশিং মপাঙ্গল কনখৎহনবদা এসিয়া-পেসিফক কনফরেন্সনা মরুওইবা থৌদাং অমা লৌরে। মসিগী মীফম অসি ললোন-ইতিক অমসুং শেন থাদবা খক্তগী নত্তে হায়বা ঐ খঙই। মসি ইন্দো-পেসিফিক লমদমগী অমসুং মালেমগী হেন্না ফবা তুংলমচৎ অমগী পার্তনরশিপ অমনি হায়বা ঐ খঙলে। খুন্নাই নত্ত্রগা সপ্লাই চেনশিং য়াওনা হিরম খুদিংমক্তা হায়রিবা গুনশিং অসি চেনহলগদবনি। গুনশিং অসি য়াওদনা, লৈবাক অমা নত্ত্রগা লমদম অমা অফবা তুংলমচৎ অমা উবা ফংলোই।

মালেমগী তুংলমচৎকীদমক ইন্দো-পেসিফিক লমদম অসি য়াম্না মরুওই। মসি মালেমগী চাউখৎপা, অপুনবা মীশিং নত্ত্রগা স্কিলশিং ওইবা য়াই, লমদম অসিদা খুদোংচাবা কয়া মরাংকাইনা লৈরি।

মরম অদুনা, মীফম অসি, অমুক্কা হেন্না মরুওইরে। 

মরুপশিং,

ভারতকী মীয়াম্না তংদু-লৈতাবা রাজনিতি অমা অমসুং অমসুং তম্বা ঙম্বা থৌশিলগী লৈঙাক্লোন অমা মরুওইনা লৌরি।

মরম অদুনা, চহি ৬০গী মতুংদা, থংন-থংননা অহুমলকশুবা ওইনা সরকার অমা খল্লে। পর্ফোম, পর্ফোমেন্স অমসুং ত্রান্সফোর্মেতিপ লৈঙাক্কী খুৎথাংদা হৌখিবা চহি ১০ অসিদা ভারত্তা মসিগী থাজবা অসি মপাঙ্গল কনখৎহল্লে। ভারতকী মীচম মীয়াম্না মসি খনবা মতমদা, ললোন-ইতিক্কী থবকশিং অমসুং অদোমগুম্বা ইভেস্তরশিংগী হেন্না অফবা কদাইদা ফংগনি?

মরুপশিং,

অকনবা য়ুম্বী মরি: দেমোক্রেসি, দেমোগ্রাফি, দিমান্ত অমসুং দেতাদা ভারত লেপ্লি। হৈথোই-শিংথোইবা, তেক্নোলোজি, ইন্নোবেসন অমসুং ইনফ্রাস্ত্রকচর অসি ভারত চাউখৎনবা খুৎলায়শিংনি। ঙসি, অহেনবা অকনবা শাফু অমনা পুম্নমক অসি লমজিংলে: মখোয় অদুদি এস্পিরেসনেল ইন্দিয়াগী মপাঙ্গলনি।

আর্তিফিসিএল ইন্তিলিজেন্স অমসুং এস্পিরেসনেল ইন্দিয়াগী অপুনবা শক্তি অসি ঐখোয়দা লৈরে। ঐখোয়গী নহারোলশিংনা এস্পিরেসনেল ইন্দিয়া চিঙদুনা পুরি।

হৌখিবা চহিচাদা, মহৌশাগী লনশিংনা চাউখৎপা য়াংখৎহনখি। চৎলিবা চহিচা অসিদা, হুমেন রিছোর্স অমসুং অনৌবা থবকশিংনা চাউখৎপা য়াংখৎহনগনি। মরম অদুনা মীওই খুদিংমক স্কিল লৈহন্নবা অমসুং লৈবাক অসিগী নহারোলশিংদা তেক্নোলোজি ফংহন্নবা ভারতনা থবক পায়খৎলিবনি।

মরুপশিং,

তুংদা লাক্কদৌরিবা মালেমগী দরকার ওইবশিং ফংনবা ঙসি ভারতনা থবক তৌরি।

মসি মিসন এ.আই ওইবা য়াই,

ঐখোয়গী সেমিকন্দক্তর মিসন,

ক্বান্তম মিসন,

মিসন গ্রিন হায়দ্রোজেন,

স্পেস তেক্নোলোজিগা মরী লৈনবা মিসনশিং,

নত্ত্রগা দিজিতেল ইন্দিয়া মিসন ওইবা য়াই, মখোয়না মালেমগীদমক খ্বাইদগী ফবা অমসুং থাজনিঙাই ওইবা পাম্বৈশিং ফংহন্নবা পান্দম থম্লি। হায়রিবা হিরমশিং অসিদা শেন থাদনবগী অমসুং পুন্না থবক তৌমিন্নবগী খুদোংচাবা কয়া অদোমদা পীরি।

মরুপশিং,

মপাঙ্গল কনবা মফম অমা অমসুং খ্বাইদগী ফবা ইনফ্রাস্ত্রকচরগা লোয়ননা অনৌবা থবক খুদিংমক ফংহন্নবা ভারতনা থবক পায়খৎলে। অনৌবা স্তার্দপশিং অমসুং ইন্দস্ত্রি ৪.০গীদমক ঐখোয়গী দিজিতেল পব্লিক ইনফ্রাস্ত্রকচরনা মশিং থিঙমদ্রবা খুদোংচাবশিং পীরি। রেল, লম্বীশিং, এয়রপোর্তশিং অমসুং হিথাংফমশিংদা রেকোর্দ ওইনা শেন থাদদুনা ভারতনা লৈবাক অসিগী ফিজিকেল ইনফ্রাস্ত্রকচরশিংদা অওনবা পুরক্লি। লৈবাক অসিদা জর্মনি অমসুং ইন্দো-পেসিফক লমদমগী কম্পেনিশিংগী খুদোংচাবা কয়া লৈরে।

রিব্যুএবল ইনর্জিগী লমদা ভারত অমসুং জর্মনি পুন্না থবক তৌমিন্নবদা ঐ অপেনবা ফাওই।

হৌখিবা থাদা, জর্মনিগা লোয়ননা গুজরাত্তা ৪শুবা গ্লোবেল রিন্যুএল ইনর্জি ইনভেস্তর মিত পাংথোকখ্রে।

মালেমগী থাক্তা রিন্যুএল ইনর্জিদা শেন থাদনবা ইন্দিয়া-জর্মনি প্লেতফোর্ম অমা হৌদোক্লে। ভারতনা শেমগৎলিবা গ্রিন হায়দ্রোজেনগী থবকশিংগী খুদোংচাবা অদোম্না লৌগনি হায়না ঐনা থাজৈ।

মরুপশিং,

হৌজিক অসি ভারতকী চাউখৎপগী ৱারি শরুক য়ানবগী চপ চারবা মতমনি।

ভারতকী অফবগা জর্মনিগী কুপ্না থবক পাংথোকপা অসিগা পুনবা মতমদা,

জর্মনিগী ইঞ্জিনিয়ারিংগা ভারতকী ইন্নোবেসনগা উনবা মতমদা,

জর্মনিগী তেক্নোলোজিগা ভারতকী হৈথোই-শিংথোইবগা পুনশিনবা মতমদা, মালেম অমসুং ইন্দো-পেসিফিক লমদমগী অফবা তুংলমচৎ অমা উবা ফংগনি।

মরুপশিং,

অদোমগা মালেমগী ললোন-ইতিক্কা মরী লৈনরি।

অদোমগী লাইৱাদি “ঐখোয় উনবা মতমদা, ঐখোয় ললোন-ইতিক পাংথোকপা” হায়বনি।

অদুবু ভারত অসি ললোন-ইতিক খক্তগী নত্তে, করিগুম্বা অদোম্না ভারতকী ইন্সাং মথেলশিং, নাত অমসুং পোৎ-চৈ লৈবা খঙদ্রবদি, অদোম য়াম্না মাঙজরবনি।

ঐনা অদোমদা থাজবা পীরি: অদোম নুংঙাইগনি, অমসুং অদোমগী য়ুমদা লৈহৌরিবা ইমুং-মনুংনা হেন্না নুংঙাইগনি।

অদোম ঙমখৈ লৈতনা থাগৎপা ফোঙদোকচরি অমসুং মীফম অসি অমসুং অদোম্না ভারত্তা লৈবা অনিমক অসি মহৈ য়ানবা অমসুং নিংশিংদুনা লৈহৌরগদবা অমা ওইরসনু।

অদোম থাগৎপা ফোঙদোকচরি।

দিসক্লেমর: মসি প্রধান মন্ত্রীগী ৱারোলগী চাউরাক্না হন্দোকপনি। অশেংবা ৱারোল হিন্দীদা পীখি।

***