மர்மகோவா துறைமுக ஆணையம் சுற்றுச்சூழல் கப்பல் குறியீட்டு (இஎஸ்ஐ) தளத்தில் ஊக்கத்தொகை வழங்குநராக பட்டியலிடப்பட்டதன் மூலம் உலகளாவிய அங்கீகாரத்தைப் பெற்றுள்ளது, இது கப்பல் துறைமுகங்கள் மற்றும் சிறிய துறைமுகங்களின் சர்வதேச சங்கத்தால் அங்கீகரிக்கப்பட்டுள்ளது. இந்தச் சாதனை கடலில் செல்லும் கப்பல்களுக்கு சுற்றுச்சூழல் நட்பு நடைமுறைகளை ஊக்குவிப்பதற்கான துறைமுகத்தின் உறுதிப்பாட்டை எடுத்துக்காட்டுகிறது.

மர்மகோவா துறைமுகம், கப்பல் போக்குவரத்தில் காற்று உமிழ்வைக் குறைப்பதற்கான உலகளாவிய முயற்சிகளுடன் இணைந்து, இஎஸ்ஐ மூலம் பசுமைக் கப்பல் ஊக்கத்தொகை அறிமுகப்படுத்திய இந்தியாவின் முதல் துறைமுகமாகும். அக்டோபர் 2023-ல் தொடங்கப்பட்ட துறைமுகத்தின் இந்தத் திட்டம் மதிப்பெண்களின் அடிப்படையில் துறைமுகக் கட்டணங்களில் தள்ளுபடிகளை வழங்குகிறது, அதிக சுற்றுச்சூழல் செயல்திறனைக் கொண்ட கப்பல்களுக்கு வெகுமதி அளிக்கிறது.

ஆகஸ்ட் 2024-ல், இஎஸ்ஐ திட்டத்தில் சேருவதற்கும், பிராந்தியத்தில் பசுமை கப்பல் ஊக்கத்தொகை குறித்த விழிப்புணர்வை ஏற்படுத்துவதற்கும் மர்மகோவா துறைமுகத்தின் முயற்சிகளை சர்வதேச துறைமுகங்கள் சங்கத்தின் பொதுச் செயலாளர் பாராட்டினார். ஆசியாவில் ஜப்பான் மற்றும் ஓமனுடன் மர்மகோவா இணைந்துள்ளது.

இந்தத் திட்டம் அறிமுகப்படுத்தப்பட்டதிலிருந்து, பல கப்பல்கள் பசுமைக்குடில் வாயு உமிழ்வைக் குறைப்பதை நோக்கமாகக் கொண்ட ஊக்கத்தொகைகளால் பயனடைந்துள்ளன. இந்த முயற்சி கடல்சார் நடவடிக்கைகளில் நீண்டகால உமிழ்வு குறைப்புகளை அடைவதற்கான பரந்த இலக்கை ஆதரிக்கிறது. நிலையான நடைமுறைகளுக்கான அதன் அர்ப்பணிப்பை வலியுறுத்தி, உலக துறைமுக நிலைத்தன்மை திட்டத்தின் கீழ் நிலைத்தன்மை விருதுகளுக்கான திட்டத்தையும் துறைமுக ஆணையம் சமர்ப்பித்துள்ளது.

இந்த அங்கீகாரம் மர்மகோவா துறைமுகத்தை நிலையான கடல்சார் நடைமுறைகளை முன்னேற்றுவதில் ஒரு முக்கிய இடத்தை வழங்கியுள்ளது. கார்பன் உமிழ்வைக் குறைப்பது, காற்றின் தரத்தை மேம்படுத்துவது ஆகிய சர்வதேச முயற்சிகளுக்கு இது பங்களிக்கிறது.

***

(Release ID: 2067621)

TS/PKV/RR/KR