লেবর অমসুং ইম্প্লোইমেন্ত মন্ত্রালয়
দা. মনসুখ মন্দাবিয়ানা অনওর্গনাইজ ৱার্করশিংগী য়াইফনবা ‘ইশ্রম – ৱান স্তোপ সোল্যুসন’ হৌদোকখ্রে
ই-শ্রম – ৱান স্তোপ সোল্যুসন্না ই-শ্রমদা রেজিস্তর তৌবা অনওর্গনাইজ ৱার্করশিংদা তোঙান-তোঙানবা সোসিএল সেক্যুরিতী স্কিমশিং অপনবা লৈতনা এক্সেস তৌবা ফংহনগনি: কেন্দ্রগী মন্ত্রী
Posted On:
21 OCT 2024 4:44PM by PIB Imphal
কেন্দ্রগী লেবর অমসুং এমপ্লোইমেন্ত অমসুং য়ুথ এফিয়র্স অমসুং স্পোর্তস মন্ত্রী, দা. মনসুখ মান্দাবিয়ানা ঙসি নই দিল্লীদা "ই-শ্রম - ৱান স্তোপ সোল্যুসন" হৌদোকখ্রে। থৌরম অদুদা কেন্দ্রগী লেবর অমসুং এমপ্লোইমেন্তকী রাজ্য মন্ত্রী, সুশ্রী শোভা কারন্দলাজে, সেক্রেতরী অমসুং লেবর অমসুং এমপ্লোইমেন্ত মন্ত্রালয়গী অতোপ্পা মকোক থোংবা ওফিসিএলশিংসু শরুক য়াখি।
হৌদোকপগী থৌরম অদুদা ৱা ঙাংলদুনা, দা মান্দাবিয়ানা ই-শ্রম পোর্তেলদা থাজবা হেনগৎলক্লিবা অদু পনখি। মহাক্না হায়খি, "নুমিৎ খুদিংগী, শিন্মী 60,000দগী 90,000 ফাওবা ই-শ্রম প্লেৎফোর্মদা য়াওরি। মসিনা মাগী খোঙথাং অসিদা মখোয়গী থাজবা অদু উৎলি।" মহাক্না হায়খি মদুদি ই-শ্রম - ৱান স্তোপ সোল্যুসন অসিনা ই-শ্রমদা রেজিস্তর তৌরবা অনওর্গনাইজ ৱার্করশিংদা তোঙান তোঙানবা সোসিএল সেক্যুরিতী স্কিমশিংগী খুদোংচাবা ফংহল্লগনি।
দা মান্দাবিয়ানা হায়খি মদুদি ই-শ্রম ৱান স্তোপ সোল্যুসন অসিগী মরুওইবা পান্দমদি অনওর্গনাইজ ৱার্করশিংগী রেজিস্ত্রেসন তৌবগী থৌওং অসি লায়থোকহনবা অমসুং সরকারগী য়াইফ-থৌরাংগী স্কিমশিংদা মখোয়গী এক্সেস হেন্না লায়না ফংহনবা হায়বসিনি। মহাক্না হায়খি, "প্লেৎফোর্ম অসিনা সরকারনা পীরিবা কান্নবা কয়াগা শিন্মীশিংবু শম্নহন্দুনা রেজিস্ত্রেসনগী থৌওংবু হেন্না লায়থোকহন্দুনা হেন্না ত্রান্সপরেন্ত ওইহন্দুনা থোং অমা ওইনা মথৌ তৌগনি।"
দা মান্দাবিয়ানা অনওর্গনাইজ ৱার্কর পুম্নমকপু ই-শ্রম পোর্তেলদা রেজিস্তর তৌনবা অমসুং মখোয়গী কান্ননবগীদমক শেম্লবা তোঙান তোঙানবা য়াইফ-থৌরাংগী স্কিমশিংগী কান্নবা লৌনবা হায়খি। মহাক্না অকনবা ৱাফম থমখি মদুদি প্লেৎফোর্ম অসিদা ওনবোর্দ তৌবনা শিন্মীশিংনা মখোয়গী পুন্সি মহিং ফগৎহন্নবা অমসুং মখোয়গী য়াইফ-থৌরাং ফংহন্নবা পান্দম থমদুনা সরকারনা হৌদোকখিবা সোসিএল সেক্যুরিতী অমসুং য়াইফ-থৌরাং কয়া অমা ফংহনগনি।
সুশ্রী শোভা করান্দলাজেনা লাস্ত মাইল কন্নেক্তিবিতী ফংহন্নবগীদমক রাজ্য সরকারশিংগী পোর্তেলগা ই-শ্রমগা ইন্তিগ্রেৎ তৌবগী মতাংদা অকনবা ৱাফম থমখি। মহাক্না মখা তাখি মদুদি থৌরাং অসিনা রাজ্য/দিস্ত্রিক্তগী ওইনা চিথহৌবা পোতেন্দিএল বেনিফিসরীশিং মশক খঙদোক্তুনা স্কিমশিং অসিগী সেচুরেসন ফাহন্নবদা মতেং ওইগনি।
ৱান স্তোপ সোল্যুসন অসিদা তোঙান তোঙানবা কেন্দ্রগী মন্ত্রালয়শিং/ দিপার্তমেন্তশিংগী দেতাশিং অসি হন্দক্কী বজেৎতা লাউথোকখিবা অমসুং লেবর অমসুং এমপ্লোইমেন্ত মন্ত্রালয়গী নুমিৎ 100গী এজেন্দাগী মতুং ইন্না অমত্তা ওইবা রিপোজিতরী অমদা কন্সোলিদেৎ অমসুং ইন্তিগ্রেৎ তৌবা য়াওরি। ৱান নেসন ৱান রেসন কার্দ, মহাত্মা গান্ধী নেস্নেল রুরেল এমপ্লোইমেন্ত গরেন্তী এক্ত, নেস্নেল সোসিএল এসিস্তেন্স প্রোগ্রাম, নেস্নেল কেরিয়র সর্ভিস, প্রধান মন্ত্রী শ্রম য়োগী মান্ধন অসিনচিংবা মরুওইবা য়াইফ-থৌরাংগী স্কিমশিং অসি ই-শ্রমকা পুনশিন্নখ্রে অমসুং অতোপ্পা য়াইফ-থৌরাংগী স্কিমশিংসু ওনবোর্দ তৌরি।
লেবর অমসুং এমপ্লোইমেন্ত মন্ত্রালয়গী সেক্রেতরী শ্রীমতী সুমিতা দোরানা হায়খি মদুদি ই-শ্রম ৱান স্তোপ সোল্যুসন অসিনা অনওর্গনাইজ ৱার্করশিংদা সরকারগী স্কিম কয়াগী খুদোংচাবা অপনবা লৈতনা ফংহনবদা মতেং পাংগনি। মহাক্না হায়খি মদুদি হৌজিক চত্থরিবা "ৱান স্তোপ সোল্যুসন" অসি সোসিএল সেক্যুরিতী/ ৱেলফেয়র স্কিম পুম্নমক ই-শ্রম পোর্তেলদা পুনশিন্ননবা মখা চত্থখিগনি।
অনৌবা সরকারগী অহানবা নুমিৎ 100নিগী মনুংদা, মরী লৈনবা মন্ত্রালয়শিং/ দিপার্তমেন্তশিংগা লোয়ননা মখোয়গী সোসিএল সেক্যুরিতী/ ৱেলফেয়র স্কিমশিং ই-শ্রমকা পুনশিন্ননবা মীফম কয়া পাংথোকখি। মসিনা অনওর্গনাইজ ৱার্করশিংগী য়াইফনবা সরকারগী অপুনবা থৌরাংগী অফবা খুদম অমনি।
লেবর অমসুং এমপ্লোইমেন্ত মন্ত্রালয়না 2021গী ওগস্ত 26তা ই-শ্রম পোর্তেল হৌদোকখি। চহি অহুমগী মনুংদা শিন্মী করোর 30 হেন্না ই-শ্রমদা রেজিস্তর তৌখ্রে।
*****
(Release ID: 2066852)
Visitor Counter : 15