پردھان منتری بھارتیہ جن او شدھی پریوجنا(پی ایم بی جے پی) کے تحت اکتوبر 2024 میں 1000 کروڑ روپے کی ادویات فروخت کرکے ایک قابل ذکر سنگ میل کو حاصل کیا ہے،جو کہ گزشتہ سال کے مقابلے میں ایک اہم پیش رفت ہے، جبکہ یہ ہدف دسمبر 2023 میں حاصل کیا گیا تھا۔یہ کامیابی سستی اور معیاری ادویات پر لوگوں کے بڑھتے ہوئے اعتماد اور بھروسہ کو نمایاں کرتی ہے۔ یہ صرف شہریوں کی غیر متزلزل حمایت سے ہی ممکن ہوا، جنہوں نے ملک بھر میں 14,000 جن اوشدھی کیندروں سے دوائیں خرید کر اس پہل کو قبول کیا۔ یہ خاطر خواہ اضافہ جیب پر پڑنے والے  بوجھ کو کم کرکے صحت کی دیکھ بھال کو سب کے لیے قابل رسائی اور سستی بنانے کے پی ایم بی آئی کے عزم کا ثبوت ہے۔ قابل ذکر ہے کہ کچھ دن پہلے ہی پی ایم بی آئی نے ستمبر 2024 کے صرف ایک مہینے میں 200 کروڑ روپے کی دوائیں فروخت کی تھیں۔

گزشتہ 10 سالوں میں کیندروں کی تعداد میں 170 گنا سے زیادہ اضافہ ہوا ہے، جو کہ 2014 میں صرف 80 تھے اور اب ملک کے تقریباً تمام اضلاع پر محیط 14,000 سے زیادہ مراکز قائم ہوچکے ہیں۔

اگلے 2 سالوں میں ملک میں25000 جن اوشدھی کیندر ہوں گے۔ پی ایم بی جے پی کی مصنوعات کی ٹوکری میں2047 ادویات اور 300 جراحی کے آلات شامل ہیں، جو تمام بڑے علاج کے گروپوں کا احاطہ کرتے ہیں جیسے کہ قلبی، اینٹی کینسر، اینٹی-ذیابیطس، اینٹی انفیکٹیوز، اینٹی الرجک، گیسٹرو- آنتوں کی دوائیں، نیوٹراسیوٹیکلز وغیرہ۔ تقریباً 1 ملین افراد روزانہ ان مقبول عوام دوست کیندروں کا دورہ کر رہے ہیں۔

پی ایم بی جے پی پہل کمیونٹیز کو بااختیار بنانا جاری رکھے ہوئے ہے، اس بات کو یقینی بناتے ہوئے کہ معیاری صحت کی دیکھ بھال ہر شہری کی پہنچ میں ہو۔ ریکارڈ توڑ فروخت نہ صرف پروگرام کی کامیابی کو اُجاگر کرتی ہے، بلکہ یہ ملک میں صحت کے شعبے میں مساوات کو فروغ دینے میں بھی اہم کردار ادا کرتی ہے۔

*************

(ش ح ۔ش ت۔ن ع(

U.No 1537