কেন্দ্রগী এজুকেসন মন্ত্রী, শ্রী ধরমেন্দ্র প্রধানগা ঙসি সিঙ্গাপোরগী প্রধান মন্ত্রী, ঐচ.ই. লোরেন্স ৱোংগা উন্নখ্রে।

মন্ত্রী অনিনা লৈবাক অনিগী মরক্তা স্কুল এজুকেসন, ভোকেস্নেল এজুকেসন অমসুং রিসর্চকী হীরমদা লৈরিবা লৈবাক অনিগী তেংবাংনবগী মতৌবু চাউখৎহনবা অমসুং চাওথোকহন্নবা কান্নবা ৱাফম খন্ন-নৈনখি। মখোয়গী ৱারী ৱাতাই অসিনা মরু ওইবা য়ুম্বী অহুম – ‘তেলেন্ত, রিসোর্স অমসুং মার্কেত’ অসিগী খুত্থাংদা পার্ত্নরশিপ মপাঙ্গল কনখৎহনবা হায়বসিদা মিৎয়েং চঙখি।

ভারতনা সিঙ্গাপোরবু মরু ওইনা, চাউখৎলক্লিবা দীপ তেক, স্তার্তঅপ অমসুং ইনোভেসন ইকোসীস্তেমগী লমদা থাজবা য়াবা লৌশিংগী খোঙলোই অমনি হায়না লৌই হায়না শ্রী প্রধান্না হায়খি।

প্রধান মন্ত্রী নরেন্দ্র মোদী অমসুং প্রধান মন্ত্রী ৱোংনয়া ভারত-সিঙ্গাপোরগী তেংবাংনবা অসিবু ক্রিতিকেল অমসুং হৌগৎলক্লিবা সেক্তরশিং য়াওনা কম্প্রিহেন্সিব পার্ত্নরশিপকী থাক্তা পুখৎনবা চাউরবা ফ্রেমৱর্ক অমা শেমখ্রে হায়না শ্রী প্রধান্না পাউদমখি।

শ্রী প্রধান্না নুমিৎ অসিগী অঙনবা শরুক্তা মহাক্কী ফম মান্নবা মরুপ, সিঙ্গাপোরগী এজুকেসন মন্ত্রী, শ্রী চাং চুন সিংগা উন্নদুনা এজুকেসনগী হীরম কয়াগী মতাংদা বাইলেতরেক কোওপরেসন মপাঙ্গল কনখৎহন্নবা ৱারী শাখি। ভারতকী এজুকেসন পথাপ্পু মালেমগী থাক্তা পুখৎপদা তেংবাংলিবা নেস্নেল এজুকেসন পোলিসী 2020গী কান্নবশিংগী মতাংদা শ্রী প্রধান্না পাউদমখি। মন্ত্রী অনিনা মীরমদা পাংথোকপা ইন্তর্নশিপ প্রোগ্রামগী খুদোংচাবশিং, মসিনা ভারতকী মহীরোইশিংনয়া সিঙ্গাপোরগী কম্পেনীশিংদগী প্রেক্তিকেল এক্সপেরিএন্স ফংহনবা ঙমবগী খুদোংচাবশিংগী মতাংদা খন্নখি।

লৈবাক অনিমক্কী মহৈরোয়শিংগী মরক্তা কলচরেল কনেক্তবু হেন্না মপাঙ্গল কনখৎহন্নবা ভারত অমসুং সিঙ্গাপুরগী স্কুলশিংগা চুনহনবগী ওইথোকপা অদু খন্নখি। দিপ তেক, মেদিসিন, এদভান্স মেতরিএলশিং অসিনচিংবা ম্যুচেল ইন্তরেস্তকী লমশিংদা জোইন্ত রিসর্স কোলাবোরেসনগী মতাংদসু খন্নখি।

লৈবাক অনিমক্কী স্কুলশিং অমসুং য়ুনিভর্সিতীশিংগা চুনহন্দুনা একাদমিক অমসুং রিসর্চ কোলাবোরেসন পুক্নিং থৌগৎনবা মখোয়না খন্নখি। শ্রী প্রধাননা সিঙ্গাপুরগী নেস্নেল ইন্সতিত্যুৎ ওফ এজুকেসন অমসুং এন.সি.ই.আর.তি.গী মরক্তা করিকলম দিবেলপমেন্ত, পেদাগোজী অমসুং ওজাশিংগী কেপাসিতী বিল্দিংগী লমশিংদা তেংবাং পীনবগী খুদোংচাবশিং অদু পনখি।

ভারত খোংচৎ লাক্নবা মন্ত্রী চানদা তকশিনখিবগা লোয়ননা শ্রী প্রধাননা লৈবাক অনিগী মরক্তা মান্নবা পান্দমশিং অমসুং এজুকেস্নেল লিঙ্কশিং হেঙ্গৎহন্নবা হোৎনগনি হায়না ফোঙদোকখি।

শ্রী প্রধাননা সিঙ্গাপুরগী ফোরেন এফিয়র্স মন্ত্রী শ্রী ভিভিয়ন বালাকৃষ্ণনগা উনখি। মখোয়না ভারত-সিঙ্গাপুর নোলেজ পার্তনরশিপ হেন্না চেৎশিলহন্নবা ৱারী শাখি।

লুচিংবা অনিমক্না এজুকেসনদা লৈবাক অনিগী মরক্তা তেংবাং পীনবা হেনগৎহন্নবা অমসুং মান্নবা পান্দমশিং ফংনবা তেংবাং পীনবা হেনগৎহন্নবা পুন্না থবক তৌমিন্নবগী মরুওইবা অদু ফোংদোকখি।

শ্রী প্রধাননা নেস্নেল য়ুনিভর্সিতী ওফ সিঙ্গাপুরদসু চৎখি অমসুং য়ুনিভর্সিতীগী প্রসিদেন্ত, প্রোফেসর  তান এং চেগা উন্নখি। মখোয়না নোলেজ ব্রিজ শেমগৎনবা, একাদমিক অমসুং রিসর্চ কোলাবোরেসন মপাঙ্গল কনখৎহন্নবা অমসুং একাদমিক ফ্রন্ত পুম্নমক্তা এন.য়ু.এস. অমসুং ভারতকী মকোক থোংবা হায়র এজুকেসন ইন্সতিত্যুসনশিংগী মরক্তা মরী হেন্না চেৎশিলহন্নবা কম্প্লিমেন্তরী মপাঙ্গলশিং শীজিন্ননবা খন্নখি।

শ্রী প্রধাননা হায়খি মদুদি এন.য়ু.এস. অমসুং ভারতকী এ.ঐচ.আই.শিংনা দিপ স্তার্ত-অপ, হেল্থকেয়র, এদভান্স মেতরিএলশিং, দিজিতেলাইজেসন, অমসুং সস্তেনেবিলিতীগুম্বা হিরমশিংদা ভেল্যু শেম্নবা পুন্না থবক তৌমিন্নবা য়াই। মন্ত্রীনা হায়খি মদুদি এন.ই.পি. 2020গী মরুওইবা মীৎয়েং অসি ভারতকী নহারোলশিংগীদমক মগুন লৈবা অৱাংবা থাক্কী মহৈ-মশিং তম্বগী খুদোংচাবা হেনগৎহনবা অমসুং মসিগী এজুকেসন সিস্তেম অসিবু মালেমগী থাক্তা পুখৎপনি।

2024গী ওক্তোবর 20দা মহাক্কী খোঙচৎকী অহানবা নুমিৎতা শ্রী প্রধাননা সিঙ্গাপুরদা লৈরিবা ভারত মচাশিংগা ৱারী শানখি। মহাক্না ভারতকী নহাশিংবু হৈ-শিংহনবদা এন.ই.পি. 2020গী থৌদাং অমসুং ভারত্তা মহৈ-মশিং তম্বগী অচৌবা চাং অমসুং পাক চাউবগী মতাংদা পনখি।

2024গী ওক্তোবর 20দগী 26 ফাওবগী মন্ত্রীগী সিঙ্গাপুর খোঙচৎ মতুংদা ওস্ত্রেলিয়াগী খোঙচত্তা অমুক চৎকনি, খোঙচৎ অসিগী পান্দমদি এজুকেসনদা ম্যুচেল ইন্তরেস্তকী মরুওইবা লমশিংদা তেংবাং পীনবা, শরুক য়াবা অমসুং সিনর্জি হেনগৎহনবনি।

***