ریلوے پروٹیکشن فورس (آر پی ایف) نے فخر کے ساتھ 20 اکتوبر 2024 کو ویدانتا دہلی ہاف میراتھن میں شرکت کرنے کا اعلان کیا ہے۔  آر پی ایف  کے ڈائریکٹر جنرل جناب منوج یادو 26 وقف شدہ  آر پی ایف  اراکین کی ایک ٹیم کی قیادت کریں گے ۔اس میراتھن میں آر پی ایف کی ایک ٹیم حصہ لے گی جس کا مقصد ملک بھر میں پوری ریلوے لائن پر بچوں کی اسمگلنگ کو روکنے کی کوششوں کو اجاگر کرتے ہوئے اس سلسلے میں بیداری پیدا کرنا ہے۔

آر پی ایف کی شرکت کا ایک اور بنیادی مقصد بچوں کی اسمگلنگ سے نمٹنے کے لیے کیے گئے اقدامات کے بارے میں عوام کو آگاہ کرنا اور شہریوں سے اس لعنت کے خلاف لڑائی میں شامل ہونے کی اپیل کرنا ہے۔ "ہمارا مشن: ٹرینوں میں بچوں کی اسمگلنگ کو روکنا" کے نعرے کے تحت آر پی ایف کا مقصد بچوں کو استحصال اور بدسلوکی سے بچانے کے لیے اجتماعی کارروائی کی فوری ضرورت پر زور دینا ہے۔

اس ایونٹ میں ٹیم کے تمام اراکین کو پوری ہاف میراتھن میں دوڑتے ہوئے دکھایا جائے گا، جو اس عظیم مقصد کے لیے آر پی ایف کی طاقت، اتحاد اور عزم کی علامت ہے۔ عوامی مصروفیت کو بڑھانے کے لیے، آر پی ایف بینڈ ریل بھون کے قریب دوڑ کے راستے کے ساتھ لائیو کارکردگی دکھائے گا  جس سے شرکاء اور تماشائیوں کے لیے ایک باہمی اور  دلکش ماحول پیدا ہوگا۔

آر پی ایف عوام سے اس اہم اقدام کی حمایت کرنے اور بچوں کی اسمگلنگ کے خلاف فعال موقف اختیار کرنے کا تَقاضا کرتا ہے۔ آر پی ایف نے یہ بھی کہا کہ ہم مل کر بچوں کے لیے محفوظ ماحول کو یقینی بنا سکتے ہیں اور ملک میں ریلوے نیٹ ورک کے ذریعے اسمگلنگ کو ختم کرنے کے لیے باہم مل کر کام کر سکتے ہیں۔

************

ش ح ۔ ش ا ر   ۔  م  ص

 (U: 1486)