ন্যু অমসুং রিন্যুএবল মন্ত্রালয়
নেস্নেল গ্রীন হায়দ্রোজেন মিসনগী মখাতা স্তীল সেক্তরদা পাইলোত প্রোজেক্ত হৌদোকপা
Posted On:
18 OCT 2024 11:21AM by PIB Imphal
নেস্নেল গ্রীন হায়দ্রোজেন মিসনগী শরুক অমা ওইনা, কেন্দ্র লৈঙাক্না স্তীল প্রদক্সন্দা হায়দ্রোজেন শীজিন্ননবা পাইলোত প্রোজেক্ত অহুম সেংসন তৌখ্রে। মমাঙদা, নিউ এন্দ রিনিউএবল ইনর্জী মন্ত্রালয়না মিসন অসিগী মখাদা স্তীল সেক্তরদা পাইলোত প্রোজেক্ত পায়খৎনবা চৎন-পথাপ থোকখ্রে।
স্কীম অসিগী পান্দমদি পাইলোত প্রোজেক্তশিং অসিগী খুত্থাঙদা স্তীলমেকিংদা গ্রীন হায়দ্রোজেন শীজিন্ননবা খুমাঙ চাওশিল্লবা তেক্নোলোজীশিং খঙদোকপনি। পাইলোত প্রোজেক্তশিং অসিনা গ্রীন হায়দ্রোজেন-বেজ স্তীল মেকিং প্রোসেস শাফনা অমসুং সিক্যুর ওইনা থবক পায়খৎপা উৎনবা, তেক্নিকেল ফীজিবিলিতী অমসুং পর্ফোর্মেন্স ভেলিদেত তৌনবা, মখোয়গী ইকনমিক ভাইএবিলিতী ইভালুএত তৌদুনা লো-কার্বোন আইরন অমসুং স্তীল প্রদক্সন পুরক্নবা মীৎয়েঙ থম্লি। মসিগী মতুং ইন্না, (১) ১০০ % হায়দ্রোজেন ভর্তিকেল সাফ্ত শীজিন্নদুনা DRI পুথোক্নবা পাইলোত প্রোজেক্ত (২) কোইলা/কোক শীজিন্নবা হন্থহন্নবা ব্লাস্ত ফর্নেন্সতা হায়দ্রোজেন শীজিন্নবা অমসুং (৩) ভর্তিকেল সাফ্ত বেজ DRI মেকিং য়ুনিত্তা হায়দ্রোজেন ইঞ্জেক্সন তৌবা হায়রিবা কম্পোমেন্ত অহুমসিগী প্রপোজেলশিং তৌখি।
ফংলিবা প্রপোজেলগী ইভালুএসন্দা য়ুম্ফম ওইরগা, নিউ অমসুং রিনিউএবল ইনর্জী মন্ত্রালয়না স্তীল সেক্তরদা (ক) পাইলোত প্লান্ত কেপাসিতী ৫০ তন-পর-দে (TPD) লৈগদবা মেত্রিক্স গ্যাস এন্দ রিনিউএবল্স লিমিতেদ (কন্সোর্সিয়ম মেম্বর্স:গেন্সোল ইঞ্জিনিয়রিং লিমিতেদ, ইন্দিয়ন ইন্সতিত্যুৎ ওফ তেক্নোলোজী ভুবনেস্বর, মেতসোল AB, স্বিদেন), (খ) প্লান্ত কেপাসিতী ৪০ TPD লৈগদবা সিমপ্লেক্স কাস্তিং লিমিতেদ (কন্সোর্সিয়ম মেম্বর: BSBK প্রাইভেত লিমিতেদ, তেন ঐত ইনভেস্তমেন্ত, IIT ভিলাই) (গ) প্লান্ত কেপাসিতী ৩২০০ TPD লৈগদবা স্তীল ওথোরিতী ওফ ইন্দিয়া লিমিতেদ (রাঞ্চি) হায়রিবা পাইলোত প্রোজেক্ত অহুম অসি স্তীল সেক্তরদা সেংসন তৌখিবনি।
ভারত লৈঙাক্তগী ফংহনগদৌরিবা অপুন্বা শেলগী তেংবাং লুপা করোর ৩৪৭ ওইগনি। হায়রিবা পাইলোত প্রোজেক্তশিং অসি লাক্কদৌরিবা চহি ৩ সিদা কম্মিসন তৌরবা য়াই, অমদি ভারত্তা অসিগুম্বা তেক্নোলোজীশিং পাকথোক চাউথোকহন্নবা লম্বী য়াৎলগনি।
স্কীম গাইদলাইনশিং অসি মফমসিদা য়েংবা য়াগনি।
নেস্নেল গ্রীন হায়দ্রোজেন মিসন FY ২০২৯-৩০ ফাওবগী ওইনা লুপা করোর ১৯,৭৪৪গী শেনফমগা লোয়ননা জনুৱারী ০৪, ২০২৩দা হৌদোকখিবনি। মসিনা ক্লীন ইনর্জীগী খুত্থাঙদা আত্মনিরভর (মরোমদোম লেপচবা) ওইরক্নবা ভারতকী পান্দমদা থৌদাং য়াগনি অমসুং মালেমগী ক্লীন ইনর্জী ত্রাঞ্জিসনগী পুক্নিং থৌগৎনফম অমা ওইগনি। মিসন অসিনা শেন্মিৎলোন্দা শিংথানিংঙাই ওইবা দিকার্বোনাইজেসন পুরক্তুনা ফোসিল ফ্যুল পুশিল্লকপদা তাংবগী চাং হন্থহনগনি, অমসুং ভারতপু গ্রীন হায়দ্রোজেনগী লমদা তেক্নোলোজী অমসুং মার্কেত লীদর্সিপকী ফীভম পায়বা ঙমহনগনি।
******
মরী লৈনবশিং:
https://pib.gov.in/PressReleaseIframePage.aspx?PRID=1954950
https://pib.gov.in/PressReleaseIframePage.aspx?PRID=2002034
(Release ID: 2066059)
Visitor Counter : 5