نیشنل گرین ہائیڈروجن مشن کے ایک حصے کے طور پر، مرکزی حکومت نے اسٹیل کی پیداوار میں ہائیڈروجن کے استعمال کے لیے تین پائلٹ پروجیکٹوں کو منظوری دی ہے۔ قبل ازیں نئی ​​اور قابل تجدید توانائی کی وزارت نے اس مشن کے تحت اسٹیل سیکٹر میں پائلٹ پروجیکٹوں کے نفاذ کے لیے رہنما خطوط جاری کیے تھے۔

اس اسکیم کے مقاصد پائلٹ پروجیکٹوں کے ذریعے اسٹیل بنانے میں گرین ہائیڈروجن کے استعمال کے لیے پیشگی ٹیکنالوجیز کی نشاندہی کرنا تھے۔ یہ پائلٹ پروجیکٹس گرین ہائیڈروجن پر مبنی اسٹیل بنانے کے عمل کے محفوظ اور مستحکم آپریشنز کا مظاہرہ کرسکتے ہیں، تکنیکی فزیبلٹی اور کارکردگی کی توثیق کر سکتے ہیں، ان کی اقتصادی قابل عملیت کا جائزہ لے سکتے ہیں جس سے کم کاربن لوہے اور سٹیل کی پیداوار ہو سکتی ہے۔ اس کے مطابق، تین اجزاء کے لیے تجاویز طلب کی گئیں (i) عمودی شافٹ کا استعمال کرتے ہوئے 100فی صد ہائیڈروجن کا استعمال کرتے ہوئے ڈی آر آئی تیار کرنے کے لیے پائلٹ پروجیکٹ، (ii) کوئلے/کوک کی کھپت کو کم کرنے کے لیے بلاسٹ فرنس میں ہائیڈروجن کا استعمال اور (iii) عمودی شافٹ میں ہائیڈروجن کا انجکشن ڈی آر آئی بنانے کا یونٹ۔

موصولہ تجاویز کے جائزوں کی بنیاد پر، نئی اور قابل تجدید توانائی کی وزارت نے اسٹیل کے شعبے میں کل تین پائلٹ پروجیکٹوں کی منظوری دی ہے، (الف) میٹرکس گیس اینڈ رینیوایبلز لمیٹڈ (کنسورشیم کے اراکین: جینسول انجینئرنگ لمیٹڈ، انڈین انسٹی ٹیوٹ آف ٹیکنالوجی بھونیشور، میٹسول۔اے بی ، سویڈن) پائلٹ پلانٹ کی صلاحیت 50 ٹن فی دن (ٹی پی ڈی) کے ساتھ، (ب)سمپلیکس کاسٹنگ لمیٹڈ (کنسورشیم ممبر:بی ایس بی کے پرائیویٹ لمیٹڈ، ٹین ایٹ انویسٹمنٹ، آئی آئی ٹی بھلائی) کے ساتھ 40 ٹی پی ڈی پائلٹ پلانٹ کی گنجائش اور (ج)اسٹیل اتھارٹی آف انڈیا لمیٹڈ (رانچی)3200 ٹی پی ٖڈی  پلانٹ کی گنجائش کے ساتھ۔

حکومت ہند کی جانب سے دستیاب کرائی گئی کل مالی امداد 347 کروڑ روپے ہوگی۔ یہ پائلٹ پروجیکٹ اگلے 3 سالوں میں شروع ہونے کا امکان ہے، جس سے ہندوستان میں اس طرح کی ٹیکنالوجیوں کو بڑھانے کی راہ ہموار ہوگی۔

اسکیم کے رہنما خطوط یہاں سے حاصل کیے جاسکتے ہیں۔

نیشنل گرین ہائیڈروجن مشن 4 جنوری 2023 کو شروع کیا گیا تھا جس کی لاگت مالی سال 30-2029 میں   19744کروڑ روپے تھی۔ یہ صاف توانائی کے ذریعے آتم نربھر (خود انحصار) بننے کے ہندوستان کے مقصد میں اہم رول اداکرے گا اور عالمی صاف توانائی کی منتقلی کے لیے ایک تحریک کے طور پر کام کرے گا۔ یہ مشن معیشت کی نمایاں ڈیکاربنائزیشن کا باعث بنے گا،حیاتیاتی ایندھن کی درآمدات پر انحصار کم کرے گا، اور ہندوستان کو گرین ہائیڈروجن میں ٹیکنالوجی اور مارکیٹ کی قیادت سنبھالنے کا اہل  بنائے گا۔

متعلقہ:

https://pib.gov.in/PressReleaseIframePage.aspx?PRID=1954950

https://pib.gov.in/PressReleaseIframePage.aspx?PRID=2002034

************

ش ح۔ع و۔ ج ا

 (U: 1432)